خرجت من مقر التعذيب تاعي غسلت روحي من الدم عدلت روحي وقلبت الجلد الاصطناعي شفت روحي في المراية تبدلت بزااف راحت ورود الحنينة مولات القلب الرقيق تجردت من المشاعر ولاقلبي قاسي مانرحمش الي يغلط معايا هوما اللي خلقو هاذا الانسانة فيا هوما اللي يتحملو مسؤولية خدمتهم مزلت متابعة اخبارهم من الالف للياء علابالي بكامل تحركاتهم وقربت نحقق انتقامي واول حاجة نبدا بيها هي الحاجة اللي خلاصت بيها حياتي القديمة ولا نقولو تدمرت واللي هي ايمن
هزيت مفاتحي ركبت طومبيلي وقلعت للقصر بدلت قشي ورحت متوال بناتي هوما الحاجة الوحيدة اللي تنسيني في همومي اذا كانت احسن حاجة صرات في حياتي هي الين وتالين
دخلت للشمبرة تشوكيت جاتني صدمة نفسية الشمبرة تقول دخلت عليها حرب كون جات مقلبة بالالعاب خلي الكوابل يطايشو في الارض اللابتوب مانقدرش نوصفها وهوما شعوراتهم طالعين اجهزة في حياتي شفتهم
ايفا بصدمة : وش راكم ديرو؟؟
تنفضو من بلاصتهم على صوت امهم وقفو ديراكت
الين : اااا ماما امممم
تالين : مامي اا خدمنا جهاز تعقب روووعة واحد ماعندو يجي قد ذرة الملح الكتروني تتحكمي فيه نتي من خاتمك الين : حتى انو في نفس الوقت جهاز تنصت وكاميرا ومام مايفيقوش بيه كي يفوت الشخص على سكانار خاطر تحت الاشعةاا لبنفسجية يقدر يحددلك البلاصة حتى لو كان ركون كاين مشوش اشارة درناها على شكل عنكبوت يعني اللي يشوفها مايفيقش اللي هي جهاز
قعدت تشوف فيهم بنظرة ماتتفسرش خافوا منها جاو خارجين جبدتهم من تريكوهم بلعو ريقهم بصعوبة
الين وعينيها مغرغرين:خلاص مامي والله مانزيدو نعاودوها
تالين:وضك لاه رايحة تبكي يخي جايحة يخي
حضنتهم ايفا وباستهم على روسهم وت ثاني بادلوها تحبهم بصح لازم تكون صارمة معاهم باش يتعلمو الين خرجت شخصيتها كيفها حنينة وتخاف بينما تالين طلعت لباباها قوية وباردة وهوما في زوج يشبهو لباباهم فولة وتقسمت على زوج نفس العينين نفس الشعر كلما تشوفهم يفكروها فيه تعلمو كلش عليهم وهاذي خدمة ايدن هو اللي علمهم كاش خطرة نقضي عليه كنت حابتهم يترباو على الالعاب ويعيشو طفولتهم مي هوسهم كامل بالبرمجة
ايفا: صحيتو بنياتي نستعرف بيكم نحتاج هاذا الجهاز بزااف اخدمو في هاذا المجال وماتروحش للاختراق والامن
عطاولها الجهاز نعتولها كيفاه يخدم من الخاتم تضغط على الحجرة تاعو تخرجلها شاشة منها تشوف وش كاين وتتحكم بيها
ايفا:وااو. نستعرف بيكم ارواحو لهنا بنات ماماهم
دخل ايدن واسما لقاهم في هاذاك الوضع الشمبرة كاااارثة
ВЫ ЧИТАЕТЕ
لهيب الانتقام ♥ ا(باللهجة الجزائرية) ♥
Документальная прозаماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
