فوط + كومنتار
لبسو قشهم وكانو هابطين حبست ايلين في نص طريق تقفل في الباسكات تاعها وكملت تجري تخبطت في خلود طاحت
الين : اوووووه ضكا علاه يعني علاه ؟؟ ضك تتقلق ماما كي طولنا عليها
تالين بالعياط : اليييييييييييين هيااااااا ضك تروح علينا
ناضت الين تجري لحقت ختها وهبطو وخلود كانت في عالم اوخر مصدومة ميش مصدقة وش شافت ضكا نسخة مصغرة على وليدها وبنتها كي كانو صغار كانت تشبهلو لدرجة كبيرة حتى قريب حسبتها دنيا (دنيا تشبه لاوس ) نفس لون العينين نفس الحواجب نفس الصفة في كلللللش
دنيا : ماما وين راهي الفرينة ............ وش بيك ؟؟
ماجاوبتهاش كانت في عالم اوخر وتخمامها مع هاذ الطفلة فطنت على خضة دنيا كي حكمتها من كتافها
دنيا : مااااااما
خلود : انعم بنتي؟؟؟؟؟ والله ماسمعتك
دنيا : وش بيك ؟؟؟ خير؟
خلود بتلعثم : اا اا شفت هنا طفلة صغيرة فوتو كوبي عليك نتي واوس صورة طبق الاصل عليكم كي كنتو صغار
دنيا بحماس : هههههههههههههههههه هاذيك الين وتالين هههه توام حتى انا تشوكيت كيفك نهار شفتهم يهبلوووووو ياخذو العقل ايماجيني يعيطولي عمتو شحال تطلع حلوة من فمهم يسخخفو حبيت نوووكلهم حتى هوما فوتو كوبي على بعضاهم توأم حقيقي ماتفرقيش بيناتهم
خلود : بنات من ؟؟
دنيا بحزن : بنات خو ورود بنات رائد
خلود : اااا اا نحسبهم ........
دنيا : بنات ورود هه حتى انا مرة اللولة حسبتهم بناتها وبنات خويا من اوس بيسك يشبهولو لدرجة كبيرة
خلود بحزن : ايه يا ريت كانو بناتو يا ريت كانو عندو ولاد ومستقر في حياتو
دنيا : هه بسبتك نتي كون راهو ضك بولادو كون راهو كي يروح يقابلوه وعيطولو بابا كون راهم يعيطولك ماني ويدور متوال عينيك نتي اللي درتيها وخذيتي براي اسيا تسما اتحملي مسؤولية اعمالك
مشات وخلاتها اثر فيها كلامها صح وعندها الحق 200% طول هاذ 5 سنين عايشة بتأنيب الضمير وكبدتها تتحرق على وليدها المحطم تنهدت بوجيعة والدموع في عينيها ومشات تكمل شغلها
اما عند اوس كان في الشركة تاعو مع خدمتو ولا نقولو مع تخمامو و اللي غزا تفكيرو ورود الوقف تاع الصباح ماحبش يخطي عقلو ميش مستراح تصرفاتها غريبة ماقنعوش انو حادث تنزف هاذيك كمية لدرجة يدو تملات دم وزيد هدرتها اللي ماطمناتوش بالحق كاين سر لازم يعرفو الحكاية فيها ان طرد الافكار من راسو وكمل يخدم
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
