لهيب الانتقام ♥ ا(باللهجة الجزائرية) ♥

البارت الاخير

فوط + كومنتار 

بعد عامين

كانو كامل متلايمين في الجاردان تاع القصر عايلة العمراني كلها  وكذلك ريحاني دايرين ببعض الكبار والصغار يلعبو ويجريو ماليين الجاردان بعياطهم وصوت ضحكاتهم  في هاذيك الاجواء نلقاو النسا محضرين روحهم ولابسين ومحضرين الطاولات والبالونات في كل بلاصة    سمعو صوت بكا الاولاد راحو يجريو لقاو  زوج صغار  متعاركين 

سعاد : هاااا الله يسترنا كيفاه راهم يتهاوشو  ريحان اجري فكي ابنك 

قبل ماتروح مشا ياسر راجلها وامير يفكو ولادهم اللي ديما هكذا متقابضين كي القط والفار 

امير : وشبيك ليث  شحال من مرة نقلك اعقل 

ليث : اطلقني اطلقني اليوم نحيلو عزرينو 

رائد : ااا الرجلة تاعنا انا هاذا دخل قلبي   من اللي كان صغير   قلي لاه تهاوشتو 

ليث :  كان يبوس في ميليسا 

على هدرتو كامل كلاطاو بالضحك   ديما تنوض عركة على هاذا الشي 

ريحان : اففففف  بصح بنت خالو  اودي لاه مايبوسهاش 

ليث : مهأ مايسلمهاش ومايمسهاش المرة الجاية نقتلو 

مارية : يا حليلي تقتلو ثاني ؟ امير نتا اللي حليتلو العين والله ماتحشم 

اياد : خلاص انا ضك نهز بنتي ونهرب منا واحد مايديها  

ليث : مهأ مهأ والله غار انا اللي نديها انا اللي كبير عليه  

مشا ليها  وهي كانت في حضن اسما ماهي جايبة خبر لحد ترضع في صباعها وتضحك وخلاص تبسمتلو اسما واعطاتهالو هزها  يتعافر معاها باسها  

اسما : هاهي حط عينك عليها  وكون في ظهرها حتان تكبر واديها كسع على روحك 

اياد : واقيلا تمدي في بنتي بلا علم باباها 

ياسر : خليك منو اوليدي نشوفولك وحد اخرى  هاهي ليك رفيف بنت رائد 

ضحك جود وراح يجري ليها يبوس ويمحش  وهوما يضحكو خزر جود وليث في بعضاهم كأنها نظرة تحذير كل واحد يحذر لوخر من انو يقرب على ملكيتو 

 ناضو كامل يضحكو  وهاذ العائلة السعيدة اللي فرحت بعد معانات ومشاكل كبيرة  كانوا يتفرجو فيهم من بعيد وفرحانين لفرحة احفادهم   صح ماشافوش  احفادهم كي كبرو بصح ربي عوضهم  وشافو اولاد احفادهم عرفتوهم شكون ؟ وشكون من غير حياة وابراهيم 

حياة : الحمد لله ياربي فرج عليهم وتهناو من الشر اللي كانو فيه

ابراهيم : ايه ان بعد العسر يسر 

حياة : شكون اللي كان يقول راح نخرجو من ثم ونحضرو لولادة اولاد احفادنا ربي عوضنا 

ابراهيم :  مهما طغى الشر الا انو الخير هو اللي ينتصر في الاخير