عند اوس
اوس طول هاذ الخمس السنين مع الخدمة ولا مهووس بيها يخدم ليل نهار حتى انو ولا يعاني من الارق يرقد ساعتين في اليوم طور الشركات وكبرهم ولا عندو فروع بزااف خارج البلد تاعو بزاااف ولات نفوذو كبيرة مايروحش للقصر قليل وين يروح مايدلخش للجناح تاعو مره باش مايشوفش قشها ويتفكرها ولا يكرهها بزااف حوس عليها باش يشفي غليلو منها الا انو مالقاهاش حوس عليها في كل بلاصة عازم انو يندمها هو حبها من كل قلبو وهي خاناتو ولا يتعامل مع العايلة تاعو ببرودة ولا مايهمو حتى واحد حتى من جدو عاد مايديرلوش حساب بيسك بسبتو صرالو هكذا كون ماقترحش عليه يتزوجها كون ماوجعوش قلبو هكذا دخل في دومان جديد من الخدمة ولات حياتو ماتهموش معرضة للخطر ولا عبارة عن جهاز الي يقتل ببرودة ولا يحكم اخطر المهمات يستمتع وقت ينجح فيهم واكبر رجال المافيا يخافوه طبعا بعد مثلث برمودا اصغر حاجة عليه موجودة في الاعلام ووسائل التواصل
قاعد في البيرو تاعو غاطس في الاوراق ماعلابالو بواالو دخل عليه اياد لقاه في ذيك الحالة
اياد : ريح شوي من الخدمة هات نكمل عليك وروح ريح
اوس: اها لازم نعرف رئيس الشركة الامريكية IP MAGX I&I اللي راهي مهددة كامل الشركات وفلست نصهم اللي داخلين في الاعمال غير القانونية وطلعت اقتصاد نصهم راهي محتلة عالم الاعمال من الدرجة الاولى
اياد: ايه سمعت بيها خطرة خسرتنا في صفقة كان لازم نربحوها قبل5سنين
اوس : حتى انهم طورو اسمها I&I تبانلي مشتركة بين زوج
اياد : منعرف وش رايك نطلبو نعقدو معاهم شراكة تولي فايدة لينا
اوس : ايه بون ايدي نخليها عليك مالا لازم هاذ الشركة تكون في صفنا ماشي ضدنا باش يزيد يطلع الاقتصاد تاعنا شوي
اياد : اوكي ... ياك علابالك السمانة الجاية عندنا مهمة نحلوها في امريكا
اوس : هيه لازم نقضيو على هاذ المافيا راهي خطيرة بزاف
اياد : هيه المهمة هاذي بزااف واعرة راح نتلاقاو مع المخابارات الامريكية
اوس : نعرف مجموعة مثلث برمودا اللي كامل اعضاء المافيا يترعدو منها دمرت اخطر المافيات و صفاتهم
اياد : بصراحة تعجبني خدمتهم ماتجي تتحرك يكونو هوما قضاو عليهم انا من ابرز المعجبين بيهم
اوس : ارواح كمل هاذو الدوسيات نروح نجيب دوسي محتاجو من القصر العقد تاع الملكية تاع الاراضي
هز الفاست تاعو وخرج بكل برود واحد مايتجرأ يهدر معاه كامل العمال يخافوه حالتو منهار راحت ولات للاسوء تبدل ولا قاسي بارد وصارم يقتل اللي يغلط معاه ببرودة اعصاب
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
