بعد 5 ايام
الكل واقف في الصالة تاع الفندق وجاو لمعاريض كامل للخطوبة خطوبة 3 من الرجال اياد ورائد واوس وكلهم ضد زواج اوس وكاين اللي ماقال والو وسيرتو خلود اللي قريب تهبل رافضاتو رفضا تاما ما علاقة اوس وايفا من ذاك اليوم ماتكلمو مع بعضاهم حتى انها تضال في الخدمة غار باش ماتشوفوش مع خطيبتو ويوجها قلبها اكثر واكثر هبطو العرسان في ثلاثة مع خطيباتهم تحت تصفيق الجمهور وزغاريت النسا الين وتالين يجيريو ويلعب ويحومو وهبلو ااياد ورائد اما حبيبنا القنبلة النووية تاع الحفلة والبوقوص ديالنا كتلة الوسامة كان واقف بكل وهرة وكاريزما ورجولة طاغية بكوستيم نوار
وعينيه يحومو في كل بلاصة يحوسو عليها قربت منو صونا وهمستلو
صونا : ماجاتش زعما تكون غارت وراهي في شمبرتها تبكي ؟؟؟
الين : ههه ماشكيتش
اوس : حتى انا مانضنش
رائد : متأكد ضك تصدمنا بكاش عفسة
تالين : ايه ماما ماتبينش ضعفها بسهولة
اسما : هههههه وي ضك تبينلكم العكس ايفا ونعرفها
دنيا : اففففف كون انا اني مت في بلاصتها ايماجيني راجلك وحبيبك يتزوج متوال عينيك
اسما : انا نقتلو ونشرب من دمو هو وهي
اياد : اني نسمع فيك
اسما : حتى انا ماهدرتش ورا ضهرك
صونا : هففففففف وضك كيفاه اي ماجاتش وانا رايحين نديرو الخواتم اكيد ماقدرتش تشوفك ونتا تلبس في الخاتم لغيرها
صوت السكات وهدوووووء كبير في الصالة وكامل يشوفو في جيهة وحدة وصوت نقير الطالون يتسمع ومدوي الحالة شاففو كامل جيهة الباب داخلة بكل اناقة وانوثة طاغية كانت كتلة من الجمال والاغراء تمشي ... تمشي بخطوات متناسقة ومدروسة كيما عارضات الازياء جمالها غير معقول حتى انها اجمل من العرايس ولا من ريحتها المخدرة اللي سابقتها دخلت مكروشية ذراعها في راجل وحتى هو كان بقلاوة مي ميش كيما اوس ههه شافو فيها مصدومين مشات وين راهم قاعدين العرسان باركتلهم
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...