لهيب الانتقام ♥ ا(باللهجة الجزائرية) ♥

البارت 36

قبل ماتبداو فوط + كومنتار 

خرجت ايفا رجعت للقصر تريقل حوايج  فيه مادام واحد مايسعى وتدير نظام الامن  اكيد ميش رايحة تعيش في قصر مافيههش حماية وهي حياتها ع المحك  انا ايدن خرج يدي الين وتالين يسجلهم وانجل قعدت تكمل الخدمة 

قاعدة فوق الكرسي في الجاردان تاع مدينة الملاهي وهازة الكراس تحاول تحل هاذ المسألة   اللي راح تقرر مصيرها تنجح ولا ترسب  قدما حاولت ماقدرتش حتى انها راحت لاساتذة تعرفهم وماعرفولهاش  خبطت الكراس 

دنيا : الله لا تربحك يا البروفيسور ان شاء الله تموت ابشع موتة وتتعذب ابشع عذاب  ان شاء الله يجيك داء الكلب و تموت في غرفة العمليات  ان شاء الله تديك مافيا تتاجر بالاعضاء تاعك يا وحد الكلب 

ومن الجيهة المقابلة كان يشوف فيها كيفاه متقلقة وتخبط في روحها وتهدر وحدها تقول مهبولة راح قعد حذاها 

ايدن : احمممممم

شافت فيه بخزرة تقتل ميش وقتو         دنيا : خير ؟؟؟ 

ايدن : والو شفتك تهدري وحدك قلت مهبولة وش خصك ؟؟

دنيا : ونتا وش دخلك ؟؟؟ ياااااااا ماشي نتا اللي جيت مع ورود ؟؟؟

ايدن : وي ونتي اخت اوس يخي؟؟

دنيا : هيه  

ايدن : وشبيك ؟؟ لاه راكي مقلقة ؟؟  بلاك نقدر نعاونك 

دنيا بفرحة : قول والله     شوف البروف تاعي اعطالي هاذ التمرين نحلو كون مانحلوش  مانتخرجش ديتو لي بروف اللي نعرفهم كااامل واحد ماعرفلو مافهمتش منين جابو اصلا يكرهني لخريات اعطاهم سوجي نورمال وانا بلاني بهاذ المسألة تاع الهم   تعيش شوف بلاك تقدر تحلهالي يخي نتا رجل اعمال مشهوور وناجح وقاري في امريكا بليييز كنت راح نديها لاوس بصح اك علابالك الجو مشحون 

ايدن : نسقسيك ؟؟ مبعد نشوف يلا نعرفلو ....  يعني بعد كامل وش صرا وداراتو فيكم ونتوم ماتعرفوش الحقيقة قصدي تقبلتي نورمال كون عند وحد خرا ماتهدرش معايا 

دنيا : وش نقلك يعني ؟؟؟  انا معاها  وعندها الحق في كلشي ونستاهلو كاامل وش راه يصرا بيسك ضلمناها صح وانا وحدة  وهاذي ردة فعلهاو بالعكس انا  فخورة بيها بزااف ولات صح مرأة بكلمتها ومكانتها وقوية ماقعدتش الطفلة اللي يحقروها وتسكت العايلة هاذي حرقتها وحطمتها واستغلتها صح اوس غلط كي خدعها بصح حتى هو ضحية  شحال كنت متمنية نشوفو فرحان هو ياها وولادهم يدورو متوالي يعيطولي عمتو  بصح صرا كلشي العكس 

قاعد يشوف فيها وفي كل تفصيلة في وجهها كيفاه تهدر وكيفاه تدير بيديها تصرفاتها عفوية  اعجب بيها من هاذ اللحضة وما اعترف لنفسو 

ايدن : اممم حتى انا موش عاجبني الحال تمنيت كون يكون كلشي طبيعي بصح لازم تدي الانتقام تاعها من هاذيك العايلة بيسك كاينين حوايج واسرار كبار مخبيين  كون تشوفيها وش فوتت من 5 سنين تبكي الحجر