البنات بلاما نوصي الفوط
ورود
فاتو عليا هاذو الشهور عذاب يضربو فيا بلا رحمة وخلي الهدرات المسمومة اليوم خطبة ماريا خممت اني مانحضرش احسن مام ماعنديش لبسة للمناسبات وراح يضحكو عليا ويذلوني انا وحدة مانليقش بعايلتهم كيما يقولو هوما قاعدة كي السجينة نطل غار من الشباك كيما العصفور اللي في القفص قاعدة نخمم تايهة فيقني صوت طبطيب في الباب دخلت خدامة في يدها صندوق
الخدامة : مدام هاذا الطرد جا ليك
ورود باستغراب : ليا انا؟؟شكون اللي بعثو؟
عطاتها الخدامة البوات هزتها ورود لقات فيها ورقة ... ورود : معليش تقرايلي هاذي الورقة؟؟
الخدامة : مكتوبة فيها من اوس وخلاص
ورود: صحيتي
الخدامة بلا مزية
خرجت الخدامة حلت ورود البوات شهقت بفرحة لقات نفس لاغوب اللي عجبتها هاذاك النهارالحمرة هزتها ولات تنقز وتسوطي بفرحة هاذا كامل تحت عينين اوس اللي يراقب فيها من البي سي تاعو قعد شارد فيها ويتبسم وحدو هاذي برك فرحتها هكذا
-----------------------------------------------
جاو كامل الحضور من الشخصيات المهمة والوزراء وكامل حابين يشوفو مرت اوس العمراني هبطو البنات شوية وهبطت ماريا فرحانة
امير
قلبي اليوم مفرفر رايح نطير من الفرحة واخيرا راح تولي ليا نستنا فيها تهبط على احر من الجمر شوية وطلت كي القمر من بين السحاب قعدت غار نشوف فيها فمي تحل جاات تفتق تقول ضك نروح نخبيها بين ضلوعي مافقتش على روحي غار كي نغزني اياد
اياد : لم فمك لا تدخلو ذبانة
امير: سكر فمك لا ضك نهرسولك
اياد: روح هبطها كي الجنتل مان
راح امير حكملها يدها وباسها كي جنتل مان تحت تصفيق الضياف داها لساحة الرقص شطحو كيفكيف في زوج فرحانين وطايرين
اما اوس قاعد في طابلة مع رؤساء الشركات الكبار يهدرو في مجال الخدمة وهاز كاس يشرب منو شوية ولاحظ سكوت الناس كامل يشوفو في جيهة وحدة عرف فاش يشوفو ضغط على الكاس بقوة قريب يكسرو دار شافها هي تصنم في بلاصتو كانت كتلة من الاغراء والجمال واقفة هابطة من الدروج كأنها ملاك نزل من السما جاات تهببل مالقري ماهي مدايرة والو في وجهها بحكم انها ماتعرفش تدير دارت غار روج خفيف ومكحلة عينيها ودارتلها هاذيك الخدامة ايلانير زاد بينلها زروقة عينيها جاات تهبل وزادت سابت شعرها على طولو يوصل لخصرها الروبة جات تقول مصممة ليها وحدها جات على اطايها
DU LIEST GERADE
لهيب الانتقام ♥ ا(باللهجة الجزائرية) ♥
Sachbücherماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
