ماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
لمت الجيمايل تاعها ومداتولهم داوه معاه عدلت من هيئتها ودارت القلمونة فوق الكسكيطة وهبطت راحت جابت الطومبيل تاعها من المطار ماشي السبورتيف وحد اخرى لونها نوار (تموت ع النوار ) راحت شرات حوايج خصوها ولبسة وماكلة وقضيان كانت فايتة على وحد الحي شافت نفس المرا تاع قبيل مدايرة نواضر نوار وتمشي كي السراقة دخلت في وحد الزنقة دارت سلاحها في خصرها وخناجر ولحقتها مهبطة راسها شافتها كي دخلت لدار تبان قديييمة وبعيدة ع الانضار متوال غابة يعني تبان دار بزاف قدييمة وراشية ماتجذبش الانتباه كانت كيما القربي تاع الجاج من برا بصح من الداخل حاجة اخرى وقدام الباب حاطين الكلاب تسرسبت بالشوي شافت مين كاينة تاع التهوية طلعت ودخلت من ثم مين لازم تشوف كلش شافت مجموع كبيير من الرجال والنسا كامل باينين بلي شخصية مهمة
ايفا : ههه مليح اجتماع سري بين الاعضاء
هزت تيليفونها وصورت كلش صورتهم واحد واحد تشوف فيهم يتفاهمو ويتشاورو حلت الكوفر تاع التيليفون وجبدت ذاك العنكبوت غرغرو عينيها كي تفكرتهم حطاتو وضغطت على خاتمها خلجتلها شاشة وهمية الكترونية 3D ضغطت على ازرار مختلفة ودارتها على وضع التنصت ركبت البلوتوث في وذنها شوية وثبتت ذاك العنكبوت في بلاصة قريبة ليهم في رجل الطابلة
الحديث بالانجليوية بيسك لغة عالمية
****** : هل تعلمون ان (الرئيس تاع الموساد ) يبحث عن قاتل مجيد
