فوط + كومنتار وصح فطوركم البنات ان شاء الله تكونو كامل لاباس تفاااعلو يامعشر الاناث ماتبخلوناش بفوط بارت اليوم طوييل عريض جيبو بيه السهرة
بعد مامشات طلعت ديراكت لغرفتها ولا نقولو غرفتهم مشات للدوش غلقت الباب وتكات عليه وهبطت للارض ودموعها في عينيها حطت يديها على وجهها تبكي وتفرغ همها بالبكي بلاك شي تستراح نفسيتها شوي رجعت بيها الذاكرة تاعها للنهار المشؤوم هاذاك اللي دمرها
flash back
حلت عينيها بالسيف من الضو بقات غالقتهم حتان تعودت عليه شافت روحها كانت متكسلة في السرير في السبيطار وهوما دايرين بيها رائد واسما وفاطيمة يشوفو فيها
رائد بفرحة : الحمد لله على سلامتك ورود
فاطيمة : مبروك عليك يترباو في عزك ان شاء الله
اسما : ماشاء الله عليهم فوتو كوبي توأم حقيقي ربي يحفظهملك ان شاء الله
ورود بتعب : آمين يعيشك ...... وين راهم نحب نشوفهم
رائد : ضك يجيبوهملك فقتو مع بعضاكم كانو في الحاضنة طحتي معاهم قدقد اليوم يخرجو
ورود : لاه وشبيهم حتان داوهم للحاضنة
فاطيمة : متخافيش جيست كي نولدو قبل وقتهم حطوهم ثم حتان كمل النمو تاعهم بيسك تولدو قبل ما يدخل شهرك ب15 يوم
اسما : بيسك صراولك مضاعفات في العملية اليوم وين فقتي سلكتي منها على شعرة خوفتينا عليك
مشات حضنتها وباستها وحتى من رائد وفطيمة اصلا فكرة انها كانت راح تروح من بين يديهم مزالت مرعبيتهم وحياتها ضك قدامهم كانت معجزة بحد ذاتها
ورود : جيبولي نشوفهم تعيشو
شدلها رائد رائد وجهها بيد ويمسح على خدها : ضك نقول للممرضة تجيبهملك ارتاحي نتي برك مزالك تعبانة
هزتلو راسها بايه وهو خرج وهي قلبها بقا يخبط في الالف مستنية شوفتهم على احر من الجمر حابة تشوفهم وتشم ريحتهم شوية ودخلت الممرضة هازة وحدة وطبيبة هازة وحد اخرى بين يديهم رائد ماحبش يهز خاف يضرهم وهوما قد اليد ضحكت من قلبها كي شافتهم حطتلها الفرملية اللي في يدها وخرجت هزتها ورود بين يديها كانت صغيرررة بزاااف هزتها قربتها لنيفها تشم ريحتها دمعة رجعة دمعات مافهمتش علاش حاجة كثرمنها حست بشعور جديد عليها قدما راهي فرحانة قدما الحزن مخيم على قلبها تمنات يكون هو معاها ضك ويفرح ببناتو تمنات لو كانت الظروف غير كون اليوم اكتملت العايلة تاعهم ودخلوها افراد جدد قدما راهي حازنة قدما زاد كبر الحقد تاعها عليه زادت كرهاتو ومقتاتو كثر وكثر ضمتها لصدرها تحس بدفاها
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
