عند ايفا
خرجت من المقر تضحك حط ليناتها وركبت الطومبيل رايحة للثانوية وين يقراو بناتها و عجبها الحال كي دخلت للمقر كامل خافو منها وشكون مايخافش من العميلة 1 اللي بمجرد دخولها لهاذ الدومان ومن اول سمانة قضات على مافيا كوسا نوسترا اللي من اخطر المافيات
رجعت بيها الذاكرة لنهار اللي قررت فيه تدخل للمخابارت
فلااش بااك
قاعدة في الارض كرشها بين يديها ترسم في الشي اللي جا في بالها صدفة وجذب انتباهها دخل رائد واسما لقاوها في ذيك الوضعية مندمجة مع الرسم قعد متوالها
رائد : وش راكي تديري ؟؟
ورود : نرسم برك؟؟
رائد : نعتي نشوف
اعطاتلو الورقة يشوف فيها مصدوم : وين شفتيها هاذي؟؟ وعلاه رسمتيها ؟؟
ورود باستغراب : هاذي السنسلة جذبت انتباهي كانت نهار اللي لقتيني كان مدايرها ايمن علاه سقسيت ؟؟
رائد : متأكدة ؟؟
وورد : ايه
رائد : علابالك حليتيلنا اكبر لغز واكبر مشكلة من 3 سنين وحنا نحوسو نوصلو لرئيس مافيا كازونوفا ومالقينا حتى خيط يوصلنا ليه
ورود : وش تقصد يعني ايمن من المافيا؟؟
رائد : ايه هو الرئيس تاعها القلادة هاذي يدرها غار الرئيس البنات رايكم في بارت
ورود : تسما حرق عمي ومرت عمي وماحققتش معاه الشرطة كي عاد مافيا
رائد : ممكن
ورود : ونتا وش دخلك في المافيا ؟؟ وش علاقتك بيهم؟؟
رائد : نقلكم بصح ماتهدروش سر بيناتنا
ورود واسما : ماتخافش
رائد : انا عميل فيديرالي في المخابارات الامريكية
حلو عينيهم صفاحي من اللي سمعوه اخر شي كانو متوقعينو هاذا وين فهمو علاه قدر يبدل اسماواتهم وكنيتهم بسبب مكانتو في الدولة
ورود ببرود : رائد نحوس ندخل معاكم نولي عميلة
رائد بصدمة : شنهي؟؟؟ اكي تسمعي وش يخرج من فمك ؟؟
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...