لهيب الانتقام ♥ ا(باللهجة الجزائرية) ♥

البارت 45

قبل ماتقراو فوط + كومنتار

راح مربوث خرج لقا شوي حطب  ومشا حطهم في بلاصت المدفأة وشعرلهم بشق النفس  راح جيهتها مسلها جبينها كان يغلي  وحار كيفاه قدرت تتحمل طول هاذيك المدة 7 سوايع والجرح ينزف ومابينتش بالحق مزال مبهور من شجاعاتها  بلاك كون هو مايتحملش  مشا  يحوس في ذاك الكوخ على  حوايج يعاونوه يعقملها الجرح ويداويه قبل ما يلتهب    مشا لقا كوزينة صغيرة  راح يحوس لقا موس  وكانت الحالة مغبرة راح للغرفة المجاورة وين كانت ايفا يحوس في الارض لقا قرعة شراب مزية كانت مغلوقة سكبها على الموس ومسحو مليح ومشا  حطو يسخن في النار   وراح ليها  قعدها وقلبو رايح يخرج من خوفو عليها  قطعلها الروبة على جيهة كتفها  وذراعها  قابلو الجرح  ينزف دم  وكان بدا يلتهب كان منظر بشع غمض عينيه من سوء المشهد طاحت عينو على ذراعها والشاش الابيض اللي رجع احمر من الدم تنهد ونحاه   راح جاب الموس اللي رجع احمر من النار اللي كان فيها  شاف فيه وفيها راح تتوجع بزاف الالم هاذا مجربو هو وميش اي واحد يتحملو هو واحد مايتحملوش نحا تريكوه  وحطو في فمها  ودخل الموس في بلاصة الرصاصة يخرجها فاقت وهي تعيط من قوة الوجيعة اللي تحس بيها تلز على التريكو بسنيها بكل قوتها صح موالفة مي كانت تداويهم ثم ثم مي هاذا الجرح التهب 

اوس : اششششش اتحملي صغرونتي شوية وتزول بالعقل 

العرق يتصبب من جبينها  نحات التريكو من فمها وكتمت الصرخة تاعها حاكمتها الداخل  ضمت شفايفها   بقوة وغمضت عينيها  نحا اوس الرصاصة بشق النفس وعقملها بلاصتها بالكحول وضمدو مليح الجرح لضك مزال مفتوح لازم يتخيط بأسرع وقت زاد ضمدلها الجرح اللي في ذراعها بقماشة تريكو بو تاعو اللي عقمو بالكحول ثاني   شاف جيهتها كانت تشوف في السقف بشرود  

اوس : اكي مليحة ضك ؟؟

ايفا : اممممممم مارسي 

اوس : هاذي مافيهاش مارسي كان لازم عليا 

ناضت ايفا  وتكات بظهرها على ذاك السرير  كان راح يحبسها اوس بيسك مزالت مضرورة مي محبتش عنيدة بزاف  

ايفا : كنت قادر تخليني نموت ومنها يسهل عليك كلش  وتدير وش في راسك 

اوس بالعياط : من نيتيك!!! مهما يكون بيناتنا كره وحقد وعداوة الا اني نبقى انسان وعندي ذرة رحمة  ونتي اللي نقذتيني من الهجوم كون ضك رانا ميتين

ايفا : هههههه ذرة رحمة هههه قال ذرة رحمة قال كملت تهدر بالعايط  نهار خليتني مرمية  ثما حكمتني حية طلقتني ميتة واغتصبتني بوحشية وضربتني على حاجة مادرتهاش خليتني مطايشة ثما جسد بلاروح ماقلتش رحمة 

اوس ببرود : ماتفكرينيش في ذاك اليوم بيسك كلما نتفكرو نحقد عليك كثر وكثر 

ايفا بسخرية : ههههههه انا اللي كلما نتفكرو نحقد عليك ونكرهك ونعافك كان ذاك اسوء ايام حياتي والحمد لله تكشفت فيه كاامل الحقيقة وعرفت نية كل واحد فيكم