فوط + كومنتار
ايفا : ونتا لاه تحوس اسيدي اتفرج واسكت نتا لعبت بزاف في السنين اللي فاتو وضك دالتنا اسيدي نلعبو لاه حرام!!!!
ايفا : ادخلو ادخلو شرفتونا الدار داركم
شافو كامل جيهة الباب دخلو في زوج بالعصا باين عليهم الكبر شافت فيهم سعاد وخلود واسيا وفاطيمة وحتى محمد تمعنو فيهم مليح مبعد شهقوا بالصوت حاطين يديهم على فمهم من الصدمة ماهمش مصدقين
سعاد بالدموع : يماااا
خلود : يما!!!!!
من هدرتهم فهمو الباقي دنيا وبنات عمها بيسك جامي شافوها كانوا بزاف صغااار
فاطيمة : عمي ابراهيم!!!
شافت ايفا في ابراهيم اللي كانت ملامح الصدمة على وجهو وبزاف اسئلة يدورو في راسو واهمهم هي كيفاه خرجو وهوما كانو محروسة حراسة مشددة فهم انو ايفا خدمتها كبيرة ووراها حكاية رجع خطوات لاور وقعد في الكرسي اللي وراه من الصدمة وعينيه مفيكسيين فيهم
محمد : يمااااا !!!باااابا نتا ورا هاذي الحكاية متأكد كيفاااه
سعاد راحت تجري ليها حضنتها وهي تبكي بالشهقة كانت تحسب روحها تتخايل مي طلعت صح وحتى من حياة ماكنتش من المعارضين حضنتها بقوة وتشم في رحيتها تحرمو من بعضاهم لمدة بزاااف كبييرة فراق دام لسنوات طويلة فراق بعدت وتحرمت الام من بنتها والام من امها
بعدت عليها شوي وقعدت تشوف فيها وهي لضك ميش مصدقة : نتي حية!!!وين كنتي طول هاذو العوام ؟ وعلاه بعدتي علينا وخليتينا نعانيو وراك القصر ضاع من وراك يا يما علاه خليتينا مشويين عليك حاسبينك ميتة ونتي حية حاسبنا وغلطنا في حق يتيمة وحقدنا عليها وعذبنها علاجالك حاسبين جدها هو السبة في موتك
كانت تحكي وتبكي من اعماق قلبها قربت ليها حياة وشدتلها وجهها بين يديها
حياة : يابنتي ماشي بيدي الله غالب وقوليلي علاه انا ربيتك هكذا ؟؟ لاه انا ربيتك تظلمي انسان وتقيسيه وتحطيلو الملح ع الجرح نتي غلطتي في هاذ الموضوع بالذات وكلكم غلطتو وبالاخص تاج راسي (شافت في اوس اللي كان يشوف فيها ونظرتو مليانة ندم وحزن ..تبسم ع كلمتها الاخرة تاج راسي كلمة تعود عليها بزااف في صغرو منها بيسك هو الاقرب لقلبها ) ... ماكنتش حاطتو هكذاك كنت حاسباتو رزين وعاقل ومتفهم مي دم مجيد يمشي في عروقو يشبهلو فولة وتقسمت على زوج
بلع اوس السكينة بسمها بيسك بالحق حس روحو مايفرقش عليه تفكر الشي اللي دارو فيها كره روحو
سعاد : يما تمنيتك تكوني معايا وتوجهيني وتنعتيلي الصحيح من الغالط كيما ضك
ترمات في حضنها وتبكي صح تقولو كبيرة مي الام تبقى الام مهما كان الانسان كبير الا انو متوال الام وحنانها يبقى صغير
VOCÊ ESTÁ LENDO
لهيب الانتقام ♥ ا(باللهجة الجزائرية) ♥
Não Ficçãoماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
