ماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
فرح الجد بزااف: راح تكبر الشركة تاعنا وثروتنا بزااف
حط اوس المغرفة وناض خارج
خلود: اقعد وليدي ماكليتش
اوس:شبعت
جا خارج تلاقا بامير داخل هاز وليدو في يدو وماريا معاه حكم عليه غيث ايه ماريا تزوجت وجابت طفل عندو ضك عامين يمووت عليه اوس تمنى كون عاشوا حياة طبيعية هو وياها كون راهو ضك فرحان معاها ومع ولادو شحال متمني يسمع كلمة بابا قعد يبوس فيه ويلعب معاه وغيث يضحك شافت فيه خلود من بعيد طاحت دمعة من خدها على وليدها والحالة اللي وصلاتو ليها كون مادارتش ذاك الشي كون راهم ضك فرحانين
دنيا : شوفي ضك نتيجة خدمتك ياماما كون راهو ضك يلعب مع ولادو
زادت خلود في البكية عندها الحق هي اللي سلبت منو الفرحة وكبدتها كل يوم تتشوى عليه
دنيا:انا مانضمنلكش نسكت
راحت دنيا جيهة اوس مصممة انها تخبرو الحقيقة وخلود مامنعتهاش كان علابالها يجي النهار اللي يعرف فيه الحقيقة
