ماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
ايفا : ماتوشوفو فيا بهاذ الخزرة ماوالو هيه بناتي حسبتلكم راح نبقا حازنة بعد مادمرتوني ومانأسسش حياتي ؟؟واقيلا حاطيني راح نكفي حياتي على ذكريات كاذبة ومانتزوجش مرة اخرى ونكون عايلة وكيما راكم تشوفو ماتهمونيش رحت لامريكا تزوجت ولقيت الحب الحقيقي وجبت زوج بنات ربي عوضني بيهم ومن الانسان اللي حبيتو مي ربي ماكتبش نكملو مع بعضانا ودا امانتو قبل مايولدو ربي يرحمو (تترحم عليه والسيد مزال حي هههه)
قلبت عينيها خبطت الكرسي برجلها وخرجت اوس قلبو طاح بين يديه ظهرو بناتها مي ميش بناتو يعني راجل غيرو مسها خبط الحيط بيدو بقوة و قلب الطابلة بغش وخرج وخلود عينيها غرغرو وكبدتها تشوات عليه مجيد تبسم بشر بيسك هكذا راح يزيد يحقد عليها دنيا ماعرفت تفرح اللي ميش ولاد رائد ماعرفت تحزن على حالة خوها مي قلبها نبض بالقاوي يعني هو ميش متزوج وفهمت اللي كانت تمثيلية باش مايبانوش بلي بناتها حطت المغرفة من يدها وخرجت وواحد ماقدر يتعشا بعد وش صرا
-----------------------------------------------
في الصباح
طلت الشمس تعلن على يوم جديد واحداث جديدة جالبة معاها يوم مليح لبعض الناس ويوم كئيب لناس خلاف
ناضت على صوت ميساج في تيليفونها هزاتو رمشة عين تقلب حالها من الميساج اللي وصلها واللي كان تهديد من قبل شخص مجهول وعينيها ولاو يقدحو شر ناضت تحممت وبدلت الشاش تاع ذراعها وعقماتو راحت لادريسينغ بدلت قشها لبست روبة قصيرة مع بوت نوار طلقت شعرها هزت صاك صغير حطت فيه مستلزماتها عكس وش يحطو فيه البنات هوما يحطو الماكياج مي هي نو حطت في انواع الاسلحة الصغيييرة مي ماتستهزاوش بشكلها هاذا هو المعنى تاع قد النملة تعمل عملة
Oops! This image does not follow our content guidelines. To continue publishing, please remove it or upload a different image.
خرجت بأنوثة ديراكت لغرفة خوها لقاتو راقد كي الشمبازي ماكسرت راسها نوضاتو ماوالو راحت جابت سطل ما بارد يشوي ودفقاتو عليه ناض مفزوع يسب بكل لغات العالم
رائد : اي نعل ***&&&****
ايفا : المرة الجاية نكسرلك ذاك الفم
رائد : اففففف صباح ربي فيفي وش تحوسي لاه هكذا الناس تنوض قاطعتيلي حلمي الجميل وعرسي والله ماهداك ربي
