قعد اوس يضحك عليها وكيفاه حمارت ومبعد تفكر اللي مالازمش يصرا هكذا
اوس وهو يشد في شعرو : افففف مالازمش يصرا هكذا لازم نبعد عليها راهي تأثر عليا بديت نتعلق بيها فيها حاجة تجذبني ليها .... لازم ندير مهمتي يفرا كلش
--------------------------------------
فاتو يامات تعودو على ورود ورود تعودت عليهم سيرتو البنات واليوم ديسيداور يخرجو يبدلو شوي جو
على طاولة الفطور
دنيا : اوس رانا خارجين اليوم لللمول
اوس : ايه نورمال بصح ماتطولوش
دنيا : اوك وورد ثاني جاية معانا
اوس : نو روحو نتوم برك
خلود : وعلاه خليها برك تروح يخي راهي معاهم ومنها تبدل شوي جو وتنحي على خاطرها عندها وقت ماخرجتش
اوس : ماتخرجش يعني ماتخرجش ... ماتخرج غار معايا
اسيا بسخرية : هههههههههه لهاذي الدرجة ماتديرش فيها كونفيونس ؟
قعد اوس يضغط على الكاس قريب يكسرو من القلقة شاف في ورود لقا عينيها مرغرغين بالدموع جبد كارت من جيبو وعطالهولها : هاكي كشما تحتاجي تشري..... ودار للبنات : ماتطولوش فهمتو ؟؟؟
البنات : ايه
هو خرج وهوما ناضو يسوطيو من الفرحة ويصفقو طبعا ما عدا ورود اللي تحشم
----------------------------------------------
قاعدة ورود في شمبرتها تخمم وش تلبس وفرحانة اليوم رايحة تخرج للمدينة وتشوف الاجواء دخلت دنيا
دنيا : ورود هاكي تيليفون يحوس يهدر معاك اوس
هزتلها ورود راسها بايه وحكمت عليها التيليفون سمعت صوتو رعشة سرات في جسمها وقلبها يخبط
اوس : اسمعي البسي لبسة مستورة فهمتي؟؟مانيش حابهم يقولو مرت اوس العمراني لابسة لبسة ال** خاطر اسمي مربوط باسمك
ورود وجعها قلبها من هدرتو قاسها بزااف ردت عليه بهدوء عكس الحرقة اللي في قلبها : ايه
مدت تيليفون لدنيا كملت منعرف وش هدرت معاه ورود مادارتش من هدرة اوس راهي فرحانة اليوم بزااف
شوية وزادو دخلو البنات لخراين موجدين ولابسين : خلصتو ؟؟ شافو لقاو ورود مزالت مالبستش
ماريا : ورود لاه ملبستيش ؟؟
ورود : معرفتش وش نلبس خاطر ميش موالفة بالخرجات وهكذا
حكموها البنات داوها لادريسينغ يخيرولها وش تلبس
-------------------------
بعد مدة
ريحان : خلاص هكذا جيتي تهبلي
ماريا : ايه والله .. نتي لي جيتي مليحة في اللبسة ماشي هي اللي جاتك مليحة ... كون يشوفك اوس يهبل عليك
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
