لهيب الانتقام ♥ ا(باللهجة الجزائرية) ♥

البارت 79

خرجت تمشي وتدور في المقر وتكتشف بيه شبر بشبر سمعت ايمانويل يعيطلها

ايمانويل : هااال

تلفتت ليه

ايمانويل : الرئيس يريدك

ايفا : اين اجده

ايمانويل : اتبعني

تبعاتو وهي مزالت تحافظ على نفس الملامح تاعها وعينها ع المقر وع العباد اللي ثم مشات معاه وصلو للمكتب

ايمانويل : تفضلي

دخلت لقاتو مبرونشي مع البيسي تاعو والدوسيات قعدت واقفة

اركون : لما لم تجلسي

ايفا : هههه انت الرئيس هنا وانت من تسمح لي اجلس ام لا

اركون : جيد بامكانك الجلوس

تبسمت الابتسامة الحلوة تاعها وبانو اللي فوسات تاعها الشي اللي زاد من اعجاب اركون ..شبك يديه وطبق البيسي تاعو

اركون : اممم اخبريني عنك

تبسمت ايفا عرفاتو بحث عليها وهي كانت طكية وسابقاتو بخطوة دارت هويتها وحدها وخلاتو يعرف وش حابة هي

ايفا : انا هاال مونستيل 23 سنة المانية الاصل من اب الماني وام امريكة عشت في امريكا ودرست الطب بها توفيت امي وابي عندما كان في عمري 15 سنة اكملت دراستي واصبحت جراحة وطبيبة ناجحة سافرت لهاذه البلاد لانه لدي عملية مهمة هنا علي اجرائها وبالصدفة رأيت تلك الفتاة متصاوبة والباقي انت تعرفه

اركون : جيد اصلا جمالك خيالي كنت اعلم انه الماني .. اخبريني هل لديك مشكلة في البقاء هنا ؟

ايفا :هههه لا لا مشكلة

اركون : حسنا بامكانك الذهاب هال يسرني التعامل معك

ايفا : شكرا اووو اما بخصوص انجلينا يجب ان تتعالج توجد نسبة 60 % لشفائها

اركون : حسنا

جات خارجة مبعد رجعت

ايفا : من فضلك انا ليس لدي ملابس وهندامي ملطخ بالدماء هل يمكنني الذهاب لاحضار ملابسي

اركون : اوووه بالطبع سيرافقك ايمانويل

ايفا : شكرا

خرجت من ثم متبسمة بانتصار راحت نحات طابليتها ومشات جابت قشها ورجعت

******************

ناضت في الليل على صوت عياط وتكسير راحت تجري لغرفة تاع انجلينا لقات اركون وايمانويل ثم لقات انجيلينا تبكي وتعيط واركون وايمانويل يحاولو يهديوها بعدتهم عليها حاولت تهديها بالسيف لا سكتت

انجلينا ببكاء : لا استطيع تحريك رجلاي هل اصبحت مشلولة الان

ايفا : لا تقلقي هذا جيد كان من الممكن ان تصابي بشلل كلي لكن هكذا تستطعين العلاج