صح فطوركم وبلاما نوصي فوط +كومنتار
رجليها فشلو ماهمش قادرين يحملوها كثر ولسانها حساتو تعقد
ايفا : وش جابكم لهنا؟؟
اياد : اممممم
كانو كيما راهم ثم ومربوطين وفامهم مغلوقين اوس كان في صدمة تامة وخرج من ارض الواقع عينو قعدت فيها موش مصدق عرفها طول نفس الملامح تاعها مي الكبر بان عليها وهي ماعر فاتوش اصلا بيسك تبدل 360 درجة من اخر مرة شافاتو قعد يشوف فيها ومارمش دقيقة
ايمن : عجبتكم السيربرايز ؟؟؟؟؟
دارو في زوج اوس وايفا كان وراهم قاعد فوق الكرسي وحاط رجل على رجل ويتكيف ايفا مادارت حتى ردة فعل اصلا ميش ناوية تقتلو ضك حتان تبان الحقائق كاملة مبعد تتفرغلو
اوس : ايمن !!!
ايمن : hi اوس شرفتنا جيت تنقذ مرتك ؟؟ هههه شوف شكون يصدق هاذي ورود العاقلة والحشامة رجعت عميلة سبحان الله مغير الاحوال
اوس ببرود : وش جابك نتا هنا ؟؟ من 5 سنين مابانش خيالك
ايمن : ااا لاه ماقاتلكش ايفا ؟؟ توقعتك تهدريلو علابالك ؟؟ مي ميش مشكل ضك انا نخبرو ... ماشي تفاهمتو هاذاك الخطرات على راسي وتشاركتو المهمة باش تصفيوني ههه انا ماثيو بوس تاع كوزانوفا
اوس كأنو سطل ماء تكب عليه ايمن ولد عمو هو زعيم المافيا ؟؟ مزال لضك موش مأمن كل مرة يتصدم بحاجة وكل مرة تكون صدمة اقوى من اللي قبلها كمل يهدر ببرود يمكن هاذا الشي اللي يساعدو احسن من انو يتنرفز هز هاذ الصفة على ايفا وفاداتو بزاف
اوس ببرود : بصفتك ماثيو لاه ماشي مت المرة اللي فاتت في انفجار الهليكوبتر ؟
ايمن : ههههه والله ماعلابالي سقسي مرتك تقولك
دار اوس لايفا اللي كانت نظرتها كلها برود كي عادتها شاف فيها بنظرة ترعب عروق رقبتو برزو وعينيه حمارو
ايفا : هكذا كانت خطتي كان محبوس في الجزيرة تاعي وكان امر من السلطات العليا وكان لازم عليا ننفذو باش نقدرو نجبدو الروس الكبار ونزيدو نصفيو المافيا اللي فوقو كوزانوسترا واصلا ساعدتني بيسك ماكنتش ناوية نقتلو بيسك الهدف تاعي عندو و غار هو اللي علابالو بلاصتهم ومجيد ماقدرتش نسحب منو الكلام بيسك علاقتنا اك تعرفها كره متبادل وضك هاهم متوالك
شورتلو بيدها على حياة وابراهيم شاف فيهم وبالتحديد جداه اللي عينيها مانحاتهمش منو وكانو مغرغرين بالدموع ميش مصدقة انو هاذا حفيدها اللي كانت تفضلو على الباقي وحباتو من كل قلبها هاهو قدامها ورجع راجل كلمة راجل وقليل فيها كان نظرها محصور مرة ايفا مرة اوس فهمت اللي ايفا هي مرتو وكانت فرحانة انو اختيارو كان احسن اختيار كي خيرها
YOU ARE READING
لهيب الانتقام ♥ ا(باللهجة الجزائرية) ♥
非小说类ماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
