صح فطوركم البنات وصح رمضانكم نبداو البارت تاعنا وماتنساوش تتفاعلو
شاف في الباب تاع غرفتها متردد يدخل ولانو خرج رائد لقاه في وجهو شاف فيه بخزرة وعينيه كانو حمورة وفيهم اثار تاع دموع كان رائد فاهمو وحاسس بيه يمكن هو توجع وتألم على ايفا اكثر منو هو فهمو وعرف كمية حبو الكبيرة ليها شاف كمية الوجيعة وشاف كلش شافو كي بكا منهار عرف وفهم اللي هو يحب ويعشق اختو صح كان ملومو اللي هو السبة في كلشي وكان يتوعدلو مي بعد ماشاف بعينيه وسمع بوذنيه قدرو وزاد كبر في عينو ومتأكد ومتيقن اللي واحد ماراح يحبها بهاذاك القدر حتى لو هو خوها الضحية في هاذ القصة هوما الزوج وكل هاذا مضلوم على لوخر وهوما اللي خسرو بزااف فهاذ اللعبة وتعرضو لخيبات والام كبيرة مشا جيهتو ربتلو على كتفو مبعد جبدو ليه وعنقو
رائد : اليوم فهمت وعرفت اللي نتا راجل وتأكدت اللي نتا تحب ايفا كثرمني انا خوها وكثرمن روحها هي اللي شفتو اليوم كان كفيل اني نفهمك ونعرف اللي نتا الشخص المناسب لايفا راح نكون معاك لاخر لحظة باش ترجعها ليك وترجعو لبعض هي صح عنيدة بصح متأكد انها مزالت تحبك وكون مام راح تواجه صعوبة كبيرة باش تقنعها راسها يابس بزااااف
تبسملو وهزلو راسو بايه
رائد : اتهلا فيها اي امانة عندك نروح نبدل هاذ الحالة اللي راني فيها ونضرب طلة على العفريتات تاعك توحشتهم وندوش ونرجع
ضحك اوس على كلمة عفريتات يعني تخرج عليهم واسم في محلو
دار رائد رايح مبعد رجع تفكر حاجة : ااا قول لحياة وجدي يمشيو يلقاو اياد وامير لتحت يوصلوهم لاوتال
اوس : والاوتال علاه يخي كاين القصر
هزلو رائد بكتافو تاع معلاباليش : منعرف هي قالت هكذامنعرف وش راهي تخمم
اوس : وايمن ؟؟؟؟؟
رائد : ماماتش صدقني راح يتمنى انو مات في ذيك الدقيقة راه يستنا فيه ابشع من الموت
ومشا مخليه في دوامة من الافكار ومخو تحرق من تخمام وقف متردد يدخل ولا نو في الاخير دخل كل اللي يهمو هو انها حية كانت حياة وابراهيم واسما واياد ثما دخلو وقلبو ينبض بالقاوي ويشكر في ربي ويحمد فيه اللي رجعتلو توجهت الانظار ليه وهو ماعلابالو بحتى واحد شاف طول فيها كانت مزالت متكسلة وشوي دايخة وتاعبة نحات السيروم والخيوط نت يديها دورت راسها ليه ووجهها مافيه حتى ملامح محافظة على نفس برودها وملامحها وهاذا الشي اللي مايحبوش اوس فيها هي لا مبالاة تاعها وترمي في الثقيل وهو كانت نظراتو كلها حب واشتياق وشوق وشغف وعشق وحزن وتعب وبزاف مشاعر مخلطة وكامل لاحظو هاذ الشي حبت اسما تلفت الانظار وتغير هاذ الجو
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...