سعاد : شو لتينا مع القط والفار ونسينا ورود واوس ماخليناهمش حتى تعرافو على بعضاهم
خلود : ايه والله روحي بنتي اديه واهدرو براحتكم ورود راح وجهها الوان وجا الوان ضحكو عليها النسا
راحت هي وياه للشمبرة تاعها ولا نقولو تاع اسما
في الشمبرة
اوس : نظن عرفتيني وتلاقينا من قبل
هزتلو راسها بايه
ياوس : ايه وش رايح نقلك ؟ اا ديري في بالك هاذا الزواج ع الورق برك وانا مستحيل نقربك ولا نمسك 5 اشهر ولا 6 ونطلقك ونعطيك الصوارد قدما تحبي خاطر راهي بالسيف عليا وانا اصلا مستحيل ندي وحدة كيفك من القرية الدوار ماهي قارية ماهي متعلمة مام نتي ماكان لاه ترمي روحك عليا ولا زواجنا نمثلوه غار متوال العايلة و وماتدخلي في حياتي الخاصة ماندخل فيك وردي بالك تخبري كشما واحد بحقيقة زواجنا فهمتي؟؟
كي قالي هاذوك الكلمات حسيت قلبي ترشق فيه موس لهاذ الدرجة الدنيا كارهة مني كل ما نقول ضحكتلي ترجع تعطيني كف تفيقني هاذا وين فهمت هاذو ميش عباد القوي ياكل في الضعيف ماغاضتنيش هدرتو قدما غاضتني كي راه حاسبني طامعة في صواردو
اوس بالعياط: فهمتي؟؟؟
تنفضت ورود من بللا صتها عينيها خانوها طاحو الدموع هزتلو راسها بايه وخلاص
طفرت ضكا ماتقدرش ترجع في قرارها ووتخيب عمها وتقلقو كثر تتحمل وخلاص هاذا وش قاعدة تخمم
اوس: هيا ضك امسحي عليا دموعك وهيا قدامي واعرفي وش تهدري صينو تخلصيها غالية
مسحت دموعها وغسلت وجهها واصطنعت ابتسامة على وجهها وخرجت للصالون دخلو كيفكيف شاف مجيد في اوس دارلو بعينيه تاع ايه خلاص تبسم الجد تبسيمة خبث وشر كملو قصرو مي هي اقلبها مقبوض وتحطمت مزالت صغيرة على هاذا الشي كاامل
الجد : بما انو الاولاد قابلين بعد سمانة العرس
............منير : بصح حنا
قاطعو مجيد : كلش نتكفلو بيه حنا ماتخممش ... هيا ضك نخليوكم على خير ودعوهم وخرجو
في الليل :
حاطة راسها ع المخدة ماعندها حتى واحد يونسها ونسوها دموعها كون لقات لمن تفرغ حابة تقول لاسما بصح ماتقدرش قعدت على ذيك الحالة حتى داها النوم
في الصباح
ناضت كي العادة دارت خدمتها وراحت للبحيرة تشكي همها وتفرغ قلبها حست بيد على كتفها دارت لقاتها فطيمة مسحت دموعها وتبسمت قعدت متوالها
فطيمة : وشبيك ورود بنتي فرغي قلبك ديريني كيما يماك؟؟
هنا ماقدرتش تتحمل كثر وفرغت كامل وش في قلبها وحكاتلها كلش
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
