جا منير من الخدمة حطتلو ورود الغدا تغدا
منير : اا ورود نحوس نهدر معاك في موضوع
ورود : ايه خير عمي ؟
منير : جا ليا واحد نعرفو قاصد باب الحلال يحوسك لحفيدو نحوس ندي رايك
ورود : ايه عمي علابالي قاتلي طاطا يسرى اللي تشوفو نتا مليح نتا تعرف صلاحي خير مني
منير : ملا نعيط للسيد نخبرو علابالي بلي مايخصك والو عندهم عايلة لاباس بيها كنت نخدم عندهم
ورود وهي مهبطة راسها وعينيها مغرغرين : ايه عمي
راح ليها حضنها : ورود بنتي ماتبكيش يلا ماكيش حابة عادي راكي عند عمك معززة مكرمة
مسحت دموعها بكف يديها : لا لا عمي نورمال جيست ككي والفتكم برك
منير : انا يا ورود ماندوملكش ورايكي شايفة يسرى كيفاه تعاملك كون نخطيك انا وش تدير؟؟
ورود : ربي يحفظك عمي
--------------------------------------
في القصر
كان الجد على طاولة الغدا مع العايلة كاامل حتان صونا تيليفونو شاف الاسم تبسم تبسيمة شر
الجد : الو منير لاباس؟؟
منير من الجهة الاخرى : لاباس مسيو ونتا لاباس؟؟
الجد : نحمدو ربي نظن عيطتلي ع الموضوع تاع البارح
منير : اا ايه الطفلة قابلة ومرحبا بيكم في اي وقت
الجد : ايه مالا العشية نجيو نشوفو يخي مكانش مشكل
منير : مرحبا بيكم الدار مفتوحة
الجد : ايا خلاص
كوبا عليه شاف العايلة كامل تشوف فيه
الجد : نظن علابالكم على واش الموضوع دار لاوس: العشوا نروحو نشوفوها الطفلة قابلة
اسيا : هههههه لاه ماتقبلش حاجة باينة تقبل بنت دوار وقرية تلقا الغنا والرفاهية هاذي كاملة وماتقبلش اكيد ماتضيعش الفرصة بين يديها كلبة مال وخلاص
خبط اوس الطابلة وقابلها : شوفي عمتي راني محتارمك بزاااف ومقدرك مي نظن اللي راكي تهدري عليه رايحة تولي ا مرتي واللي يهدر فيها كلي هدر فيا تسما غار ماكن لاه تلعبي بذيلك
محمد : اوس صوتك مايترفعش على عمتك على جال وحدة ماتسواش
خبط الكرسي وخرج
اسيا : ربحت هاذا قبل ماتجي سبقوها المشاكل من ضك جايبة النحس معاها حطت المغرفة ولحق اياد اوس وبالشوي خرجو كامل غار محمد ومجيد
محمد : بابا راك سور بلي تسنييلنا ع الاوراق؟؟ وكون تفيق؟
مجيد بخبث : هههه متتخافش هاذا انا مجيد نخمم مرتين قبل مانفذ
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...