في الصباح
طلت شمس تعلن على يوم جديد واحداث جديدة ناضت البطلة تاعنا بكري كي العادة لبست قش السبور تاعها وهبطت للغرفة السرية تاعها ومارست جميع انواع الرياضة كي خلصت راحت تحممت وبدلت قشها كانت تليسي في شعرها حبست على صوت ميساج راحت شافت تيليفونها لقاتو ميساج من شخص مجهول واللي كان عبارة عن تهديد ليها " الحظ يحالف مرة فقط لا كل مرة خذي حذرك لقد اعجبتني جرأتك وكذا ذكائك خاصة بناتك اعتقد سيفيدوني كثيرا "
ايفا : يا الحيوااااااان نحكمك نشرب من دمك غار بناتي مانسمحلكش تقربلهم خبطت البونك برجلها من القلقة وراح لشمبرة بناتها تتأكد من سلامتهم تنهدت بقوة كي لقاتهم راقدين هبطت ديراكت لعند رئيس الحرس هدرت معاه يشدد الحراسة كثر وكثر ويكونو متسلحين وواجدين لاي وقت
اما اوس ناض على صوت الرافاي دار على ظهرو وحط يديه ورى راسو ويشوف في السقف بشرود يخمم فيها بعد مدة ناض راح للحمام يدوش بعد مدة خرج ولبس قشو حس جسمو يوكل وضهرو بقع حومر في كامل جسمو وبدا يحك في كل بلاصة حتا جرح روحو راح للحمام وحل المرش ماحبش يسيح الما ولا يحك في جسمو بقوة راح للبانو ولاح روحو في الماء كان يغلي خرج يجري مالقا كيفاه يدير نحا تريكوه وهبط يجري لابيسين تلاقا بافا جاز عليها وهي قعد مستغربة من التصرف تاعو لحقاتو شافاتو كي رما روحو فلابيسين بعد مدة خرج واخيرا تخلص من الحكة
ايفا : خير؟؟؟ جسمك كامل احمر
اوس : منعرف دوشت ولا جسمي يوكل بلاك من الشمبوان ولا حساسية
خبطت كفها على جبينها ومستاءة من خدايمهم عرفتهم طول بلي هوما بيسك خطرة داروها لرائد مي مبعد ولات تضحك واوس غاس في ضحكتها
ايفا: هههههههههههههه عرفتها مايفوتوهالكش على خير
اوس : مافهمتش؟؟؟
ايفا : الين وتالين خدايمهم هاذو
اوس قعد حاير : تسما هوما استناي تشوفي اليوم وش نديرلهم
طلع يجري وايفا استغربت من ردة الفعل تاعو لحقاتو تجري لايكون راح يضربهم ولا دخل ليهم كي الارهابي كانو ذاك يبروسيو في سنيهم وشعرهم طالع للسما قعدو يشوفي وخايفين بعد ماشافو صدرو اللي كان مليان بقع حمراء راح ليهم وحكمهم في زوج هزهم من تريكوهم كل وحدة على جيهة وهوما يفرفطو
اوس : وش نديرلكم ضك اه؟؟؟
الين : اطلقنيييي يا بغغغل
اوس : اواه نتوما فمكم متبري منكم
دار لايفا اللي كانت ذاك وين وصلت : قوليلي برك نتي على واش توحمتي باش جبتي عفاريت كيفهم
ايفا بجدية : اوس حطهم ضك انا نهدر معاهم ونعقابهم
حطهم اوس وهبط لمستواهم وشدهم من وذنيهم : كون تزيدو تعاودوها نزعف منكم ومانشريلكمش لاكريم كيما المرة اللي فاتت
BINABASA MO ANG
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
