القصة من تأليفي .. ممنوع سرقة اعمالي او افكاري
----------------------------
سرى:وروووووووووود نوضي يا المنحوسة نوضي اي 6 ونتي مارحتي تعمري نوضي يا ربي تديري لاشان نسا القرية الفوحل عمرو وجاو ونتي راقدتلي في سابع نوم هيااا
ناضت ورود كي العادة تحت عياط مرت عمها جامي ناضت كي العباد يلا مانضتش بالعياط تنوض غارقة بطاس ما
ورود :صباح الخير طاطا ... يسرى: صباح الهم يا وجه الشر
اسما : صبحي صباح ربي يا ماما الله يهديك خلي الطفلة لمخلوقة خلينا نرقدو ضك تعود 8نوضو نروحو كيفكيف نعمرو
يسرى :اسكتي نتي برك وديجا وين تروحي لاه هي مكسورة؟؟ اصلا ثقال عليك بزااف يوجعك ظهرك بصح هي موالفة
.اسماء : يا ماما....................
ورود :خلاص اسما نورمال كملي رقادك ضك نروح نعمر ونجي
ناضت ورود غسلت وجهها وقعدت في الطابلة رايحة تفطر هي رايحة تلوح اللقمة في فمها هدرت يسرى :اي اي اي اااي وين قاعدة نوضي تشوفي من قبيل وانا نقلك راح الحال ولالة رايحة توكل
ورود :بصح مزلت مافطرتش والبارح ماكليت والو نهار طول وانا نخدم ونقي
يسرى:يااااااه تعلمتي تهدري؟؟ نوضي وعلى هاذي الهدرة والله ماتذوقيها نعتلك طوال لسانك محسوب نتي لي راكي تصرفي؟
حطت ورود اللقمة من فمها وناضت دارت فولارتها هزت البيادن والعصا لي تديرها على كتافها وراحت جيهة البير لقات النسا بزااف بلاشان
ورود :صباح الخير
النسا :صباح النور
منيرة (جارة):ياعمريي ورود كبرتي وزينتي ماشاء الله بصح وجهك لاه راهو اصفر ؟؟مريضة؟؟
ورود : يعيشك طاطا ... اها مابيا والو
حكيمة (جارة 2) :باين هاذيك الفاسقة مدايرتها خدامة عندها تخدم الشغل كامل تعيا بالسيف
ورود :الحمد لله على كل حال كثر خيرها استقبلتني في دارها
منيرة :الاستقبال هاذا خرجاتولك من نيفك قتلاتك بالخدمة وتستقبلك بلا مزيتها وبنتها هاذيك مادير والو
ورود :الحمد لله على كل حال
وصلت دالتها عمرت بيادنها ودارتهم في العصا وطلعتهم على كتافها بيدون من ولوخر من (فهمتو كيفاه؟؟) تمشي وتغني شافت مرا كبيرة تتعافر مع البيادن هاذوك راحت ليها
ورود:سلام طاطا المرا : سلام بنيتي
ورود: هاتي نرفد عليك طاطا ...... المرا :اا خلي عليك جهدك تهزي تاوعك اصلا اني قريب نوصل
ВИ ЧИТАЄТЕ
لهيب الانتقام ♥ ا(باللهجة الجزائرية) ♥
Щоденники та біографіїماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
