صح فطوركم البنات وصح صحوركم وشراكم مع رمضان يخي لاباس برك؟ ايا نكملو البارت تاعنا ماتنساوش الفوط ياامعشر البناااات
حاط التيليفون في وذنو تسمر في بلاصتو مارمشش دقيقة ايفا تحيرت تبدلت ملامحو في دقيقة تطلب في ربي مايكونش خبر بايخ ليه بيسك حالتو ماعجبتهاش خبط التيليفون بكل قوتو تكسر وخبط الحيط بيدو تخلعت ايفا مشات ليه
ايفا : خير وش كاين ؟؟؟
اوس : والو ريحي روحك برك وماتزغديش وماتشغليش بالك ضك نجي
جبد قشو اللي يلبسو خرجت ايفا خلاتو براحتو لبس قشو بالزربة وخرج بعد ماخبط باب لادريسينغ بقوة تخطفت الين وتالين وتخباو مورا يماهم عوجت ايفا شفايفها ميش عاجبها الحال وهي تمسح على شعرهم
ايفا : بركا ماخبطت خلعتهم وخوفتهم
شاف فيه بنظرة من المراية مبعد فاق مع روحو كي شاف الين وتالين متخبيين ويطلو عليه بنص عين ماهدر حتى كلمة وخرج يجري ويتحلف خارج من الباب تاع الفيلا تلاقا باياد ورائد ماهدرش معاهم وفاتهم يجري ركب طومبيلو وديمارا مخلي الغبار وراه
رائد : وهاذا ضك وشبيه جدو ضك ؟؟
هز اياد كتافو بتاع معلاباليش : هاذا هو اوس خلينا منو هيا ندخلو
كبشت دنيا في ذراعو متحمسة : هيااا ندخلو توحشتهم
ضحك رائد على حماسها وطفوليتها كي يكون معاها يحس روحو في سن المراهقة ومايقدرش يتحكم في قلبو حضنها بجنب وباسها من راسها وهي ميتة بالحشمة كي عادت متوالهم مشا متجاهل هاذوك الزوج ومشا
اياد : ماكان لاه تدير هاذي الجاست متوالو
رائد : المهم نعيش اللحظة كي يهدر معايا نعتلو لاه هو ماداش اختي ؟؟ ومشا
اياد : ههههه واخيرا بدات تولي المياه لمجاريها
اسما : ايه مزال غار الحجرة هاذيك راح نعانيو معاها باش ترجع راسها خشين
اياد : تولي تولي ان شاء الله خلي الوقت يداوي الجروح
قرب ليها وجبدها ليه حضنها وباسها جنب شفتها وهي حمارت وخضارت مزالت ماوالفتش ضحك عليها وباس خشمها
اياد : يخليلي الحشومة تاعي
خبطاتو لصدرو وضحكت حتى هي حكمها من خصرها ومشاو حتى هوما دخلو
------------------------------------------
يسوق في الطريق حارقها جن جنونو كي سمع الخبر من عمتو صح قاساتو امو وضراتو بصح مهما تبقى امو اللي تعبت عليه وكبراتو ومايقبل حتى واحد يقيس شعرة منها وصل للقصر فتحولو البوابة صوت الطومبيل يتسمع من برا جبد الفرانات بالقوة والسرعة خلى عجلات الطومبيل محتكين بالارض مخلين صوت مرعب هبط وخبط الباب تاعو بقوة قريب ينصلو دخل للقصر يجري كان خالي واحد مايسعا غار الخدامات في المطبخ طلع للدروج حارق الطريق كلما يقرب يسمع العياط والبكا يقوا وصل لغرفة يماه وبااباه لقا سعاد تبكي وتعيط تخبط في الباب بقوة مشا ليها ودورها جيهتو
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
