بنات فوط + كومنتار بلاما نوصي وجوزو تقراو على روحكم
بعد ماخلصو العشا تحت هرج وعياط الين وتالين مع بااباهم وايفا توكل ماهدرت شي كانت غارقة في تفكيرها وتخمم في اللي جاي ماشي تخمم في روحها وانما تخمم في بناتها خلصت ضك كلشي تقريبا وماقعدش قد اللي فات مزال تصفي شوي حسابات وخلاص لاحظ اوس شرودها كانت غارقة وشاردة وملامحها تبين انها ان نورمال وميش في طبسيها فاقت على صوت الين وتالين كي راحو لجيهتها ونوضوها حاكمينها من يديها متحمسيين فوق الحق والفرحة تشع من عينيهم تبسمت معاهم رغم همومها اللي تعبوها تفرح لفرحتهم وتحبهم يعيشو فرحانين وتدعيلهم مايلاقيو غار الخير والفرحة في حياتهم حكمتها الين من يدها وتالين مشات لاوس تجري شداتو من يدو وداتو لجيهتها ومدت يدو ليد ايفا حكمها كورون سرات في جسمهم في زوج من ذيك اللمسة شد عليها بقوة تقول رايحة تهرب حس بشعور يدغدغ فيه والفرحة ميش سايعاتو واخيرا ضحكتلو الدنيا مع هاذ العايلة البسيطة الصغيرة اللي تسوا الدنيا كيما راهي شافت فيه بزروقة عينيها اللي اسروه من اول نظرة كان اتصال بصري بيناتهم غار يشوفو في بعض ماحكاو شي
شافت الين وتالين في بعضاهم ويضحكو بالصوت تواعدو راح يرجعوهم لبعضاهم اصلا ماصدقو عرفو باباهم اللي طول هاذ السنين يحلمو بيه وحبو يوصلو ليه ومالمو حد ومقدرين ظروف امهم صح صغار بصح شي مايخفا عليهم غمزو بعضاهم ومشاو مع بعض ويسوطيو دخلو للغرفة ايفا واوس يضحكو عليهم وعلى حماسهم راحو يدورو في الغرفة وينطو
اوس : ههههههه محلاهم كيوت بزااف يشبهولك
ايفا : نو فوتو كوبي عليك نسخة طبق الاصل عليك في كلش من الشكل حتى من بعض شخصياتك وافعالك تالين بزااف سيريو وثمثم تتنرفز كيفك مي الين شوي ضعيفة وحنينة وابسط حاجة تبكيها
اوس : كيما كنتي نتي ......... كنتي عاقلة بزاف مي ضك ربنا وانت الغفار
ايفا ببرود : بيسك هاذا وش ينفع مع وحد العباد اللي كيفك و كيف عايلتك كون ماتكونش مشمر على ذراعك وقادر على شقاك وتجيب حقك بيدك يوكلوك سلاطة " الناس اكل تحب تتعشاك تسما لازم تتغداهم قبل مايتعشاوك" ....... (فهمتوها ؟؟؟ هاذ المبدأ ديما اخدمو بيه لازم تكونو فايقين وتسبقوهم ديما بخطوة سيرتو مع الوقت اللي رانا فيه الناس كامل رجعو مصالح ومنافقين ويلعبو ع الحبلين يلعبوها يحبوك وهوما ينهشو فيك من التحت لتحت )
شافت فيه بنظرة استفزاتو بيها ومشات لالين وتالين قعد يثبت فيها تغيرت في كلش من الشكل للافعال زادت زيانت وبهات واطايها تفتق خيرمن من قبل منحنيات جسمها متناسقة ومتحوفة كأنها لوحة فنية مرسومة بدقة تمشي وتقلب تمشي مشية غرور واناقة ومرأة واثقة بنفسها الشي اللي زاد من اعجابو بيها مي ماعجبتوش شخصيتها هاذي كأنها ألة ماتحس بشي وهدراتها كأنهم سكاكن وبرودتها ولا مبالتها وجعت قلبو وقسمت روحو لنصفين اتهم نفسو بحالتها هاذي
YOU ARE READING
لهيب الانتقام ♥ ا(باللهجة الجزائرية) ♥
Non-Fictionماذا سيحدث لفتاة صغيرة لاتفقه شيئا عن امور الحياة جاهلة غير متعلمة اذا تعرضت للخداع منه و ماذا ستفعل حينما تكتشف انه تزوجها فقط من اجل التنازل عن ثروتها هل ستسامحه وتبني صفحة جديدة؟ ام تبني نفسها من جديد وتأخذ حقها بنفسها؟... قصة مليئة بالاكشن...
