The Girl in Worst Section (Completed)

Chapter 69

Chapter 69: Anniversary

Nasa labas na kami para magpaalam na aalis na. Six na ng gabi at masyado na rin kaming pagod pero masaya naman.

"Maraming salamat sa inyo," ngumiti si Sister sa amin. "Huwag kayong mag-alala, hindi sa wala mapupunta ang mga dinonate niyo para sa orphan na ito."

"Walang anuman po. Saka, nag-enjoy po kaming kasama sila," sobrang saya kahit nakakapagod.

Binalik ko na si Ellice kay Sister. Unti-unting namula ang pisngi niya at nauwi sa pag-iyak.

"She wants you..." sambit ni Phoenix.

Halata nga. Ngumiti nalang ako at nagpaalam. "Hala, mas lalo siyang umiyak."

"Kami na po ang bahala sa kaniya. Tatahan rin po siya," sambit ng babaeng kasama ni Sister.

"Bye po! Ingat po kayo!" sambit ng mga bata.

Kumaway kaming lahat sa kanila. "Bye!"

"'Wag kayong mag-away-away," paalala ni Tricia.

"Opo!" Sagot nilang lahat.

Tumingin ako kay Ellice. Ang pula-pula ng pisngi niya dahil sa iyak. Babalikan kita, baby. Babalikan kita para makita ulit kita.

"Mauuna na po kami." Ngumiti ako sa kanila bago tumalikod kay baby Ellice.

Kumaway pa muna silang lahat bago tumalikod at sumunod sa akin. Narinig ko pa ang pag-iyak ni baby Ellice bago kami makarating sa parking lot.

"You wanna adopt her?" Tanong ni Phoenix.

"Ano, umiiyak kasi siya. Ayoko siya iwan," sagot ko.

"Hindi pa kayo mag-jowa sa lagay na 'yan, ah?" Puna ni Gianna.

Nakahawak kasi ako sa kamay ni Phoenix habang nasa balikat ko ang braso niya. At para kaming ewan kung maglakad.

"Hindi niya yata alam na asawa kita," bulong ni Phoenix.

Siniko ko siya. "Gago ka."

"Straight from asawa na pala."

Hindi namin siya pinansin at naglakad na lang.

Magmula nang malaman ni Darius na nagvi-visit kuno si Lara sa orphan ay hindi na siya matahimik. Parang may kung ano na ang pumapasok sa isip niya. Alam kong gusto niya makasigurado.

Ayaw rin naman ipabukas ng parents ni Lara ang hukay niya. Sila ang magulang kaya wala kaming karapatan para pigilan ang gusto nila.

Alam kong may gagawin si Darius. At tulad ko, alam kong gusto niya malaman kung paano na nabuhay si Lara. Saka, ang sabi ni Kuya sa akin, nang makarating sila kung nasaan kami naliligo na siya sa sarili niyang dugo.

"Gusto ko naman magsaya!"

"Saan tayo?" tanong ni Andrei.

"Edi sa Rax!"

Sumang-ayon naman sila.

"Pero teka lang muna. Pahinga muna tayo rito. Napagod ako." Naupo sa gather si Harvey, gumaya naman ang iba sa kaniya.

Sa loob naman ako ng van naupo.

"Pagod rin kaya kami," sumandal si Gavin sa poste.

Napatingin ako sa bandang kaliwa ni Phoenix nang may mapansin. Nagsalubong ang kilay ko nang makita ang babaeng nakita namin sa resto. Anong ginagawa niya rito?

Diretso rin ang tingin niya sa akin. Nagulat pa siya nang makita na nakatingin ako sa kaniya. May tinago siya sa likod at mabilis na sumakay sa kotse bago patakbuhin ng mabilis palayo sa lugar kung nasaan kami.