The Girl in Worst Section (Completed)

Chapter 85

Chapter 85: Kissed

Nang magising ako lang ang mag-isa, umalis na si Phoenix at hindi man lang ako ginising. Seven ako nagising kaya mga bandang six siya umalis.

May GC kami kaya 'yon ang binuksan ko. Ayaw pa nilang pumasok dahil boring daw dahil wala ako. Mabuti nga mga nagsi-pasok, e.

Feeling ko naman may gagawin ang bebe ko kasama sina Trevor. Hinayaan ko na sila, nanatili naman ako rito sa kwarto ko habang iniisip ang suspension ko.

Ano na lang ang mangyayari kung mapalabas na totoong tinulak ko si Iris? Baka ma-expel ako kahit inosente ako. Hindi rin mawala sa isip ko ang nalaman. Gusto ko malaman if may feelings si Darius kay Iris.

Kinuha ko ang invitation para sa birthday ni Kuya. Imbitado rin pala sina Phoenix pati ang mga kaibigan ni Darius. Kasama na rin ang mga relatives namin, bukas na 'yon gaganapin.

Hindi pa rin mawala sa isip ko ang pwedeng gawin ni Phoenix. Sabi niya kasi kanina sa text niya aalamin niya raw ang totoo. About 'yon sa totoong nangyari kahapon. Hindi ko rin mapigilan isipin kung paano? Ang alam ko walang CCTV sa parte ng hagdan pataas kaya mahirap alamin ang totoo. At itong kaibigan ni Iris, ayaw pang sabihin ang totoo.

Nandito nga pala sa bahay si Mama at Papa. Hindi sila pumasok sa office dahil inaasikaso nila ang papers ko raw. Passport yata 'yon, nawala ang dati kong passport.

Hindi ko din alam kung bakit kailangan 'yon, wala naman akong balak umalis ng bansa, ni wala nga akong ticket.

Naglinis nalang ako ng kwarto. Wala naman akong gagawin kaya ang paglilinis na lang ang pinagtripan ko. Eleven na pero hindi pa rin ako tapos, gutom na ako.

Inayos ko ang closet ko, inayos ko din ang kalat sa harap ng mirror table. Pati 'yong mga pictures ko, inayos ko rin kasi parang nangunti na lang. Iyong picture ko noong baby ako, nawawala.

Walang nakalagay sa isang wooden pin ko. Inalis ko na kasi lahat sa frame, ginawa kong banderitas ang strings fairy lights at nilagyan ng mga wooden pin para isasabit na lang doon ang pictures ko. Nasa taas ng headboard ng kama ko 'yon nakalagay.

May picture din kaming dalawa ni Phoenix na nakalagay doon. At minsan rin ay feeling ko kinukuha ni Phoenix ang mga picture ko. Palaging wala kapag may bago, e. Tapos 'yong picture ko kasama ang mga ugok nakasabit rin, pinasadya ko pa 'yon kasi masyadong malaki ang picture.

Naligo kaagad ako nang matapos para mawala ang pawis ko. After no'n ay bumaba na ako. Pasimple akong naupo sa sofa matapos buksan ang TV. Kumuha pa ako ng pancake dahil gutom na ako.

"Darlene, why are you here? You are supposed to be in School right now." Sulpot ni Mama.

Nag-angat ako ng tingin sa kaniya. "Eh, sa wala raw akong klase. Suspended daw ako, e." Nagpatuloy ako sa pagkain matapos sagutin ang tanong niya.

Miss ko na ang pancake ni Phoenix lalo na kapag may kiss.

"What?" Si Papa nandito pala, lumabas siya mula sa kusina. "You're suspended? For what reason?"

"Ha?" tanong ko, nanonood kasi ako ng TV at masyado akong focus kaya hindi ko maintindihan ang tanong niya.

"Why are you suspended?" Tanong ni Mama.

"Ang tanga naman n'yan..." komento ko nang nahulog ang lalaking pinapanood ko. Biglang namatay ang TV kaya napasimangot ako.

"Darlene, I'm asking you. Bakit ka na suspended?" Ulit ni Mama.

"Napagkamalan kasi akong nanulak sa hagdan, eh," sagot ko.

"What?" gulat na sabi ni Mama.

"Wow, ang taas ng pagkashocked mo, ah?" Tinaas ko pa ang kamay ko bago umayos ng upo. "Hindi ko naman 'yon tinulak, tinulak niya mismo ang sarili niya kaya siya nagkasugat sa noo at gumulong pababa." Kung noon naaawa ako sa kabaliwan niya ngayon ay hindi na. Sarap niyang ipadala sa mental!