The Girl in Worst Section (Completed)

Chapter 57

Chapter 57: Falling

Kinabahan ako bigla kanina. Parang tanga ba naman kasi, e, nagmamadali kaya kung ano-ano tuloy ang pumapasok sa utak ko. Nahahawaan na yata ako ni Gael.

"Are you okay?" Taka niyang tanong.

Mabilis akong tumango. "Oo naman!" Hindi ko lang talaga keri.

"You sure? You're sweating."

"Nakapatay kasi 'yong aircon. Pakibukas naman, ang init, e," palusot ko.

Mabuti na lang talaga nakapatay ang aircon kaya 'yon ang nagamit kong palusot. Kinuha niya ang remote ng aircon para buksan. Umupo ako sa sofa, malapit sa piano na sa tingin ko ay kay Phoebe dahil maliit ang style.

Inalis ko ang pawis sa noo ko. Inikot ko na lang ang paningin ko sa loob Ang ganda nitong music room kumpara sa akin. Ang daming instruments tapos may mga pictures rin kaso pagmumukha nila Harvey ang nakikita ko. May mga hawak silang trophy at lahat sila ay nasa pictures.

Kaso ang lungkot ng mga ngiti nila. Tamlay, amp. Mukhang kinulang sila sa kain at tulog ng panahong 'to.

"Kailan 'to?" Kinuha ko ang picture frame. "Mukha kayong pinagsakluban ng langit at lupa."

"Last three months. Battle of the bands and we're champion," sagot niya.

"Talaga? Eh, bakit parang pinagsakluban kayo ng langit at lupa? Dapat masaya kayo kasi nanalo kayo. Hindi ko rin gets 'yong mga emosyon niyo, e." Ngiwi ko.

Tinignan ko ulit ang mga pictures nila.

"That's the time when we all found out that she's fooling us." Natigil ako. "We just not happy that time because our song is dedicated to her but we found out her plans."

Gano'n? Tangina naman 'yon. Nasaan kayo 'yong Iris na 'yon? Nang masampal ko.

"Sa bagay, magmukha ba naman kayong tanga. Sino ang hindi lulungkot. Pero sana naman nilagyan niyo ng sigla, 'di ba? Mukha kayong tanga dito. Tingnan mo si Finn, mukhang tanga rin. Itong si Harvey parang nawalan ng pamilya sa itsura."

Inalis ko ang ilang mga dumi sa mga picture frames para naman gumanda-ganda. Pero mas maganda kung nandito ako. Charot, hindi bagay ang ganda ko sa ganito.

Tumingin na lang ako sa ibang mga instruments na nasa harapan ko.

"I-If you were her would you do what she did?" Tanong niya.

Iyong ginawa ni Iris ang tinutukoy niya.

"Hindi syempre," kaagad kong sagot.

Bakit ko naman 'yon gagawin? Ano ako tanga? Paano ko 'yon gagawin sa kanila? Kahit malakas silang mang-asar madalas ay hindi ko 'yon gagawin. Minsan na 'yong nangyari sa kanila kaya bakit ko gagawin? Hindi naman niya ako katulad, e.

"Why?"

"Anong why? Ang simple lang ng sagot ko. Hindi ko 'yon gagawin kasi sa paraan na 'yon kayo naloko, ayoko ng maulit. At ano namang dahilan para gawin ko 'yon? Ano, mananakit ako ng walang dahilan?" Ayokong manakit, hindi ko kaya.

"You're not like her."

"Hindi talaga. Mukha ba akong nanakit? Maganda lang ako pero hindi ako gano'n." Hinawakan ko ang mukha.

"You're so damn confident." Napailing siya.

"Aba, syempre, sayang naman 'yong ganda ko kung hindi ko ilalantad, 'di ba?" Hinawi ko ang buhok sabay angat ng tingin sa kaniya bago ngumisi.

Para siyang na estatwa sa kinatatayuan. Nakatitig lang siya sa akin hanggang sa pumitik ako at napakurap naman siya. Umiwas siya ng tingin.

Kinuha ko saglit sa bulsa ang cellphone dahil tunog nang tunog. Pangalan agad ni Darius ang nakita ko sa screen. Pa-epal talaga ang Darius na 'to.