The Girl in Worst Section (Completed)

Chapter 44

Chapter 44: Ganti

Hindi naniniwala sila Papa na nagjo-joke lang ako! Papansin rin kasi ang ibon na 'to! Oo, si Phoenix, isa siyang ibon! Letse siya! At hinding hindi ko makakalimutan ang trip niya! At higit sa lahat, nag-order ba naman ng flowers at cash on delivery pala!

Alam niyo bang panay ang panggagago ng ibon na 'yon! Si Darius at Kuya ang inaasar niya at 'yong dalawa naman galit na galit. Ako naman naiinis sa kaniya, lalo na 'yong sabihin ni Papa na magpapakasal raw kaming dalawa?! Pakyu ka, Ibon! Pakyu!

Sinabi ng doctor na walang nakitang intercourse between sa ano. Tangina kasing Velasquez 'yon, e. Bwisit, isinilang lang yata ang isang 'yon para mang bwisit. Pinag-take pa ako ng pregnancy test!

Tapos nag-chat sa GC namin ng 'Guys, I'm having a baby soon with my Darlene.' Hindi ko alam kung sinadya niyang lagyan ng 'my' 'yon. Pinagmumura ko siya sa GC kahapon at panay naman ang tawa niya. Tapos 'yong mga kauri niya ay sumakay pa sa trip!

Wala kasi si Dash, e. Siya kasi ang nagpapatigil para hindi nila ako asarin. Mga punyetang nilalang. Atsaka, alam niyo ba, niyaya ako mag-ML ni Harvey. Tangina, ang bobo. Binuhat ng epic-charot, Mythic na kaya ako. Bumagsak lang ng Legend dahil kay Harvey! Pero binuhat naman ako paakyat ni Phoenix, hehe.

Men, may duo ako. Mainggit kayo, please.

Papasok na nga pala ako ngayon. Kaunting tiyaga lang. Magagawa ko na ulit ang gusto ko.

Tinali ko na ang sintas ng sapatos ko at tumayo sa harap ng salamin. Inikot ko ang buhok ko at tinali ng pa-bun katulad ng nakikita ko sa iba.

Lagi akong sinisita ni Mrs. Griffin dahil naka uniform ako pero naka-converse na sapatos. At sanay ako sa ganitong sapatos, komportable sa paa. Kinuha ko na lang ang bag ko at pumunta sa kwarto ni Darius.

"Hoy, Darius!" Sinipa ko ang pinto ng kwarto niya. "Darius Gunther Miranda! Gumising ka!"

"Stop kicking my door! And for your information, I'm already awake!" Sigaw niya sa loob bago bumukas ang pinto.

"Mukha kang tanga," puna ko.

Naka-uniform siya nang lumabas at kunot noo siyang nakatingin sa akin.

"Wow, coming from you," sarcastic niyang sabi.

Umirap ako. "Nasaan na 'yong crinkles ko?"

Napatigil naman siya sandali. Huwag niyang sabihin nakalimutan niya. May sinabi siya sa akin na bibigyan niya ako ngayong umaga ng crinkles dahil inubos nila ang pagkain ko. Hinding hindi ko makakalimutan ang pangako niya! Pagkain 'yon at favorite ko!

"I forgot to buy some."

"Scammer. Sabi mo, ngayon mo ibibigay?" Pinanliitan siya ng mata.

"I forgot, okay? Kay Kuya ka na lang magpabili mas maraming pera 'yon. Kaya kang bilhan ng factory ng crinkles." Sinara na niya ang pinto ng kwarto niya.

Hindi naman ako uto-uto pero... totoo kaya? Kayang kaya ako bilhan ni Kuya ng gano'n? Bumaba ako, saktong nasa dining sila at nag-aalmusal. Nakapalumbaba si Kuya habang may tinitingnan sa laptop. Nagkakape naman sila Mama at Papa.

"Hindi mo ba talaga gusto ang babaeng 'yan, Drake?" Tanong ni Mama.

Umirap si Kuya. "I don't like her."

"Ayan ba 'yong Anya, Kuya?" Pang-aasar ko.

Lumingon sila sa akin.

"Anya Roosevelt pala pangalan no'n?" Tanong ko nang lumapit kay Kuya. "Kunyari ka pa Kuya, hindi mo gusto? Eh, halos titigan mo nga."