The Girl in Worst Section (Completed)

Chapter 38

Nawala lang ang mahinang tawa niya sa labi nang tangkain na silipin ni Harvey ang cellphone niya, naging seryoso tuloy ang mukha niya habang masama ang tingin kay Harvey.

Napansin nilang nandito ako kaya napatingin sila sa akin. Tinaguan ko sila bago tumuloy sa paglalakad pero may tumawag sa akin kaya lumingon ako.

"Hoy," tawag ni Harvey.

"Oh?"

"Sino ang kasama ni Darlene sa kwarto niya?"

"Wala pero tulog siya," sagot ko at sumandal sa pader.

"Hindi 'yon tulog... may ka-text, e," si Finn.

"Natutuwa pa nga sa ka-text niya tapos 'yong isa parang kinikilig pa..." Gatong ni Renz.

Wala rito si Phoenix kaya hindi niya naririnig ang lahat ng comment ng mga 'to.

"Tinatanong niya kung nasaan si Dash. Sa tingin ko, kailangan niyong sabihin sa kaniya. Nag-aalala, e," pag-iiba ko ng topic.

"Ayaw nga ni Nix na nag-aalala ang kaniyang crush kaya ayaw niyang ipaalam."

Napatingin ako kay Harvey.

Crush? Si Phoenix lang naman ang kilala kong tinatawag niyang master. Crush ni Phoenix si Darlene? Nasa labas na siya kaya narinig niya ang sinabi ni Harvey. Nasa labas na rin pala ang iba niyang kasama.

"Fuck you." Masama ang tingin ni Phoenix sa iba.

"Haha, joke lang." Tumawa si Harvey.

Pansin kong namula ang tainga at mukha ni Phoenix. Anak ng... May crush nga yata ang lalaking 'to kay Darlene.

"Yieee... namula," asar ni Finn. "Ipupusta ko talaga ang mga pera ko kapag nalaman kong may crush ka kay Darlene!"

Nag-taas lang ng gitnang daliri si Phoenix at mabilis na naglalakad palayo.

"Ayie! Kilig ka Nix?! Parang kanina lang—" Napatigil sa pagsasalita si Finn nang inis na sumigaw si Phoenix, buti na lang walang tao rito.

"Shut your fucking mouth, Marquez!"

Nagtatawanan lang ang mga 'to bago sumunod sa kaniya. Sumunod rin ako dahil sa kwarto ni Darlene ang punta nila.

"Nix, promise hindi ko sasabihin. Crush mo si Darlene?" Pangungulit ni Arvin.

Hindi siya pinansin ni Phoenix.

"Silent means yes!" Sabi nila.

"Crush mo si Darlene, ha!" Pang-aasar ni Gael.

"I don't have a crush, idiots. But I can crashed your fucking faces using my bullets." Naglabas ng baril si Phoenix.

"Hehe... Nix, biro lang," kaagad namang binawi ni Gael ang sinabi niya at gano'n rin ang iba.

"Kumusta nga pala si Dash?" Sabat ko na bago pa gatungan ng iba.

"He's doing fine. Kailangan niya lang ma-monitor hanggang magising siya," sagot ni Trevor.

"Iyon lang, galit na galit talaga si Tita Dahlia. Gusto niyang hanapin ang taong may gawa nito sa anak niya, kay Dash," sambit ni Owen. "Pinapahanap na nga ni Tita, e, at higit sa lahat ay may katulong si Tita. Hindi lang namin alam kung sino. Ang secretive talaga nila."

Natahimik naman ako. Bakit pati mga magulang nitong mga 'to, e, ang misteryo ng pagkatao? 'Yong ina ni Darlene at Darius ang misteryoso rin. Hindi ko kailanman nakita ang pagkakakilanlan ng Nanay nila. Kahit sa files na binigay ni Darius sa akin.

Sa bagay, gano'n rin minsan ang Mommy ko. Ni hindi ko alam ang iba niyang trabaho bukod sa pagpapatakbo ng kumpanya. Minsan na rin lang naman kasi kami mag-kita sa bahay.