♡ Playing Love Games ♡

She Played Her Part ♡ Chapter 14

Chapter Fourteen

Lianne's POV

Maghapon akong nagbasa at ganoon din si Myleen. Pero ewan ko na naman kung may naiintindihan siya sa binabasa niya. May kausap din kasi siya buong araw sa phone. Naririnig ko pa nga kung paano siya makipag-away sa kausap niya, tapos maya-maya magiging sweet!

Grabe ang mood swings!

Napabuntong hininga ako. Wala pa akong natatanggap ni isang text ngayong araw galing kay Mark. And it irritates me! Sobrang busy niya ba ngayong araw kaya hindi niya ako mai-text? Pero linggo ngayon! Napagod na ba siya kaka-text sa akin dahil hindi naman ako nagre-reply?

Nalungkot ako sa huli kong naisip at binitawan ko ang librong binabasa ko.

Ako naman kaya ang mag-text sa kanya? Ugh! No... ayoko pa. Masama pa rin ang loob ko sa kanilang lahat dahil itinago nila iyon sa akin. Kapag lumipas na ang sama ng loob ko, saka ko ulit sila kakausapin.

I sighed once again.

Maghapon ding nandito sa unit ni Myleen si Ejhay. Hinatid niya kasi kami kagabi at dahil maghahating-gabi na, dito na rin siya natulog. Tapos bukas, ihahatid niya ako sa unit niya. Pero mamaya ay uuwi muna ako sa bahay para kumuha ng mga gamit. Isasabay rin ako ni Ejhay. Para ko na siyang personal driver.

Nakakahiya pero he's really kind to offer me a ride. Wala naman akong pera para mag-inarte pa.

Good luck na lang sa akin pagkauwi ko! I just hope na kayanin ko silang harapin. Kukuha lang talaga ako ng gamit at aalis rin kaagad.

"Uy, bruh!" tawag sa akin ni Myleen.

"What?" tanong ko na hindi siya nililingon.

Umupo rin siya pasalampak sa mamahaling carpet ng sala niya. Okay, everything here is expensive. What do I expect from a Myleen Cate Rodriguez Zerna?

"May date ako mamaya! Yih!" kinikilig niyang sabi na kulang na lang ay mangisay siya.

Nilingon ko siya saglit at dinanompot ko ulit ang librong binabasa ko.

"Okay, have fun..." walang kabuhay-buhay kong sagot.

Narinig ko siyang umungot. Malamang ay naasar sa response ko.

Naiinis siyang tumayo at pabulong-bulong na naglakad palayo sa akin. "War kasi sila ng love life niya ngayon kaya ang bitter! Hmp! Buti pa ako... rich na sa money, rich pa sa guys!"

Natatawang napailing na lang ako at titinuloy ang pagbabasa. Ito lang kasi ang magagawa ko sa ngayon para maging occupied ang isip ko nang maiwasan ko munang isipin sila.

Nakaka-stress kung sila nang sila ang iisipin ko! Ayokong pumangit!

Seryoso lang akong nagbabasa at naka-focus talaga ang isip ko sa mga nakasulat sa libro nang mapukaw ang atensyon ko ng isang platito na may chocolate cake.

Umangat ang tingin ko at nakita ko si Ejhay.

"Merienda muna. Masyado kang seryoso diyan," sabi niya at ngumiti.

Ngumiti rin ako sa kanya. "Salamat."

Bakit kaya ang bait ng lalaking ito? Ang cute pa ng dimples! Ay, ano ba 'yan?! Dimples na naman niya! Palagi na lang dimples niya ang napapansin ko! Sana talaga dimples na lang siya.

"Ikaw kumain ka na?" tanong ko sa kanya matapos kong sumubo.

"Hindi pa." Nakangiti pa rin siya.

Gusto ko ng kurutin ang pisngi niya! Nanggigigil na ako sa napakaguwapo niyang mukha.

"Sabayan mo naman ako. Hindi ako sanay kumain mag-isa," alok ko sa kanya.