♡ Playing Love Games ♡

She Played Her Part ♡ Chapter 8

Chapter Eight

Lianne's POV

Nagising ako ng dahil sa sinag ng araw na pumapasok sa loob ng kwarto ko mula sa nakabukas na bintana. Bumangon ako paupo sa kama at nag-unat-unat habang humihikab. Napahinto ako nang may mapansin akong isang tangkay ng bulaklak na kulay pula na hinaluan ng puti sa bedside table ko.

Kinuha ko ang iyon at pinaikot-ikot ko ang stem niyon sa gitna ng dalawa kong daliri habang tinitingnan. Ngayon lang ako nakakita ng ganitong bulaklak at ang ganda nito.

May maliit na note na nakasabit sa tangkay ng bulaklak kaya binuksan ko iyon at binasa ko ng tahimik ang nakasulat.

Good morning, Babe! :)

This Amaryllis symbolizes your worth beyond beauty.

I hope you like it.

I will not be around all day, so take care.

I love you. Hugs and kisses.

- Your Mark

Napangiti ako at inamoy ko ang bulaklak. Ang aga-aga naman, nilalanggam ako sa ka-sweet-an ni Mark!

Nag-text ako sa kanya ng 'thank you' at ang reply niya sa akin ay ang napakahabang smileys!

Adik talaga! Adik talaga kaming dalawa.

Bumaba ako sa kusina para kumain. Dala-dala ko pa rin si Amaryllis flower habang inaamoy iyon at kinikilig pa rin sa note na kalakip niyon.

Pagdating ko sa kusina ay may nakita na naman akong isang pumpon ng maliliit na bulaklak na kulay pink. Parang Santan lang pero alam kong hindi. Kinuha ko rin iyon at inamoy.

May nakita na naman akong note na nakasabit. Hindi ko pa man nababasa ang nakalagay roon ay kinikilig na ako. Binuksan ko ang note at binasa.

Hello, Babe!

This Bouvardia connote that you're the zest of my life.

Eat a lot! Para mabusog din ako. :)

- Your Mark

Ay, naku! Naku, naku, naku talaga!

Busog na ako sa kilig, umagang-umaga pa lang! Paano pa ako kakain? Grabe talaga si Mark... kahit wala siya ngayon dito, pinapakilig niya pa rin ako!

I'm such a lucky girl to have him...

Kahit busog na busog na ako sa kilig ay kumain pa rin ako dahil iyon ang sinabi niya at hindi lang ako basta kumain, kumain talaga ako ng marami! Heavy breakfast! Parang hindi na ako kakain mamayang tanghalian sa dami ng pagkaing inilagay ko sa plato ko.

Kumain akong mag-isa habang napapangiti. Kapag kasi napapatingin ako sa mga bulaklak na nasa harap ko, kinikilig ako.

Sweetness overload talaga si Mark. Gaano kaya karaming asukal kinakain niya? Pero hindi siya mahilig sa matamis! Matamis lang talaga siya magsalita. Tipong pati buto ko kinikilig! Like kilig to the bones talaga!

Halos hindi na ako makatayo sa sobrang busog pagkatapos kong kumain-slash-lumamon, pero pinilit kong pa ring tumayo para pumunta sa sala habang hawak-hawak pa rin ang mga bulaklak na galing sa sobrang ma-effort kong boyfriend.

Kalalabas ko pa lang ng kusina ay may napansin na agad akong bulaklak sa center table ng sala.

"Ahhh!" impit na napatili na lang ako. Sa lahat ba ng sulok ng bahay naming ay may nakaabang na bulaklak para sa akin?