"ကျင့်ကြံခြင်းကမ္ဘာမှ အင်တာနက်ကဖေးစနစ်"
အပိုင်း-(24)
မကြာခင်တွင် မွန်းလွဲပိုင်းကို ရောက်လာခဲ့သည်။ ထို့နောက် အစောပိုင်း လာဆော့သည့် ကစားသမားများသည် သူတို့၏ ကစားချိန်ကား ပြည့်သွားချေပြီ။ ဖန့်ချီက စူးစမ်းနေမိသည်။ အကယ်၍ သူသာ ဒီအချိန်မှာ ကစားလိုက်ပါက ဟု တွေးနေကာ ထွက်လာချိန်မှာဘဲ ရုတ်တရက် အော်လိုက်သည့် အသံတစ်သံကို သူကြားလိုက်ရသည်။
" ဟေး...စီရှင်း...ဒီမှာ ခုံတစ်ခုံ လွတ်နေတယ်.."
ထို့နောက် အစိမ်းရောင် နှင့် ခရမ်းရောင် အလင်းတန်း နှစ်ခုက သူ့ကို ကျော်တက်ကာ တစ်ဟုန်ထိုး ပြေးဝင်သွားသည်။
'သောက်ကျိုးနည်း ဖလက်ရှ် တွေများလားဟ...´
"ဆိုင်ရှင်....နောက်ဆုံးတော့ ငါတို့ စက်တွေ ရပြီ.."
တခစ်ခစ် ရယ်မောကာ ထွက်လာသည့်အသံကား ရှန်းချင်းချင်း ၏ အသံဖြစ်သည်။
ဖန့်ချီက သူ့ဆိုင်ကို ကြည့်လိုက်ပြီး ခုံအလွတ်ကို ရှာလိုက်သည်။ သူတို့က လွတ်နေသည့် ခုံများကို ယူသွားခဲ့လေသည်။
"အာ....တစ်ကယ်ကြီးပေါ့... "
ဖန့်ချီ တစ်ယောက် စက္ကန့်အနည်းငယ် အေးခဲသလို ဖြစ်သွားသည်။
"ဆိုင်ရှင်....ရှင် ကစားချင်နေတာလား..."
ရှန်းချင်းချင်း က လှည့်စားတက်ကာ မာယာများသည့် မြေခွေးမလေးလို ရယ်နေသည်။ "ကျွန်မတို့ ဒီနေ့အတွက် နာရီအနည်းငယ်လောက် ကစားပါရစေဦး...ပြီးရင်တော့ ကျွန်မက ရှင့်ကို ပထမဆုံး ကစားခိုင်းမယ်လေ...အဆင်ပြေတယ်မလား..."
"မင်းက...ငါ့ကို ခြိမ်းခြောက်နေတာလား..."
ဖန့်ချီ တစ်ယောက် ဒေါသထွက်စွာ ပြန်ဖြေလိုက်သည်။ "ငါ့ဆိုင်ကို အခုပိတ်ချပြီး ငါတစ်နေကုန်လုံး ထိုင်ဆော့လို့ရတယ်နော်..."
ဖန့်ချီ၏ စကားကိုကြားသောအခါ ရှန်းချင်းချင်း ၏ ဖြစ်ပျက်သွားပုံမှာ ကြက်မကြီး တစ်ကောင်က သူ၏ကလေးတွေကို ကာကွယ်ပေးနေသလို သူမနားက ကွန်ပြူတာကို ဖက်ထားလိုက်သည်။
"ရှင်...ရှင် လုပ်ရဲလား..."
သူမက ကွန်ပြူတာတွေကို ကာကွယ်နေရာမှ သူမလေးက ကွန်ပြူတာကို အမြန်နှိပ်ကာ ဖွင့်လိုက်ပြီးတော့ ကျယ်လောင်စွာ အော်လိုက်သည်။
YOU ARE READING
ကျင့်ကြံရေးကမ္ဘာမှအင်တာနက်ကဖေးစနစ်(ဘာသာပြန်)
AdventureThis story is available on Facebook. You can search the story with the same name as title and enjoy your reading on translator's Facebook page. Thanks you all. တစ်ဆင့်ပြန်လည်ကူးတင်ခြင်းဖြစ်ပါသည်။ Only Unicode.
