နတ်ဘုရားတွေကို ဖိတ်ခေါ်ပြီး မေးမြန်းသည့်အချိန်တွင် အမွှေးနံ့သာတိုင်သုံးတိုင်လုံးက ကုန်ဆုံးအောင် လောင်ကျွမ်းသွားမယ်ဆိုရင် နောက်နှစ်မှာ ကောက်ပဲသီးနှံပေါကြွယ်ဝပြီး အရာရာတိုင်းက ကောင်းချီးပေးခံရမယ်။တကယ်လို့ အမွှေးနံ့သာတိုင်တွေက ကျိုးသွားခဲ့မယ်ဆိုရင် ဘေးအန္တရာယ်ကျရောက်လိမ့်မယ်လို့ ဆိုလိုတာဖြစ်တယ်။
လွန်ခဲ့သော ဆယ်နှစ်လောက်က ဝူပုဖန်က နတ်ဘုရားတွေကို မေးမြန်းသည့်အချိန်တုန်းက အမွှေးနံ့သာတိုင်တစ်တိုင်က ကျိုးသွားခဲ့တယ်။နောက်တစ်နှစ်မှာတော့ ဂိုလင်းမြို့အပါအဝင် ဆယ်မိုင်အကွာကမြို့တွေက မိုးခေါင်ရေရှားမှုကြောင့် မြေဆီလွှာပျက်စီးလာပြီး အပင်တွေလည်းသေဆုံးခဲ့သည်။စိုက်ပျိုးမြေတွေကိုလည်း ကျိုင်းကောင်တွေ အများအပြားကျရောက်ခဲ့ပြီး ကောက်ပဲသီးနှံတွေက ပျက်စီးသွားခဲ့တယ်။အဆိုးဆုံးကတော့ အဲဒီနှစ်မှာ ငရဲပြည်ဝင်ပေါက်ပွင့်သွားပြီး မကောင်းဆိုးဝါးဝိညာဉ်တွေက လူသားကမ္ဘာကိုဝင်ရောက်လာပြီး လူသားတွေကို ထိခိုက်နာကျင်စေပြီးသေဆုံးစေခဲ့တယ်။
အဲဒီနှစ်မှာ အမွှေးနံ့သာတိုင်တစ်တိုင်သာ ကျိုးခဲ့ပေမဲ့ လူပေါင်းသောင်းချီ၍သေဆုံးခဲ့သည်။အခုချိန်မှာ အမွှေးနံ့သာတိုင် သုံးကတိုင်လုံးကျိုးသွားတာကြောင့် ဘယ်လိုဘေးအန္တရာယ်တွေက ရောက်ရှိလာမှာလဲ။
လူတိုင်းကကြောက်ရွံ့ထိတ်လန့်လာတယ်။
ဝူရုန်က အမွှေးနံ့သာတိုင်တွေကျိုးသွားမြင်သည့်အခါ မျက်မှောင်ကြုတ်လိုက်သည်။
အရင်ဘဝတုန်းက သူကရိုးရာပွဲတော်ကို မလာခဲ့ပေမဲ့ သူကနတ်ဘုရားတွေကို မေးမြန်းချိန်မှာ တစ်ယောက်ကမှ အမွှေးနံ့သာတိုင် ကျိုးသွားတာကို ပြောသံမကြားခဲ့သလို ဘေးအန္တရာယ် ကျရောက်နိုင်ကြောင်းပြောသံလည်း မကြားခဲ့ဘူး။
ဝူပုဖန်ကို ကြည့်ရတာကြောက်စရာကောင်းတယ်။သူက မြန်မြန်ဆန်ဆန်ဘဲ ဂမ္ဘီရပညာတတ်ကျွမ်းသည့် အကြီးအကဲနှစ်ယောက်ကို အတိတ်နိမိတ်ကိုကြည့်ရှူစေတယ်။
အကြီးအကဲနှစ်ယောက်က ယစ်စင်ကိုလာ၍ သူတို့က ဂမ္ဘီရပညာအတွက် မှော်ကိရိယာတွေကို ထုတ်ယူလိုက်ကြတယ်။
အကြီးအကဲနှစ်ယောက်ကို အနှောင့်အယှက်ပေးမိမှာ စိုးသာကြောင့် လူတိုင်းကအသံတစ်သံတောင် မထွက်ဘဲ အာရုံစူးစိုက်ကြည့်နေကြတယ်။
နာရီဝက်ခန့်ကြာပြီးနောက် အကြီးအကဲတွေက နောက်ဆုံးမှာသူတို့ရဲ့တွက်ချက်မှုက ပြီးဆုံးသွားတယ်။
ဝူပုဖန်က အကြီးအကဲတွေက မျက်နှာမကောင်းတာကို မြင်တာကြောင့် အသံတိုးတိုးနဲ့ပြောလိုက်တယ်"အရင်ဆုံး လူထုကို နှစ်သိမ့်ပေးလိုက်ပါ။ငါတို့ပြန်ရောက်မှ ဒီအကြောင်းကိုပြောကြမယ်"
အကြီးအကဲယောင်က အသက်ပြင်းပြင်းရှူထုတ်လိုက်ပြီးလူထုကိုပြောလိုက်တယ်"မစိုးရိမ်နဲ့။နတ်ဘုရားတွေရဲ့ အဖြေက သာမန်အရပ်သားတွေနဲ့ မသက်ဆိုင်ဘူး။နောင်နှစ်မှာလည်း အရင်နှစ်တွေလိုဘဲ လုံခြုံမှုရှိလိမ့်မယ်။"
လူထုက ဒါကိုကြားတော့ စိတ်သက်သာရာရသွားပေမဲ့ သူတို့က ရင်တမမတော့ဖြစ်နေတုန်းပါဘဲ။
ဝူပုဖန်က အခမ်းအနားပြီးဆုံးကြောင်းကို လူထုကိုကြေငြာလိုက်တယ်။
အကြီးအကဲတွေက ဒီအကြောင်းကို ဆွေးနွေးဖို့အတွက် အိမ်တော်ကို ရောက်သည့်အထိ မစောင့်နိုင်တော့တာကြောင့် ဝူပုဖန်ကိုပြောလိုက်တယ်။
"ခေါင်းဆောင် သတင်းဆိုးဘဲ"အကြီးအကဲရှင်းကပြောလိုက်တယ်။
"အမွှေးနံ့သာတိုင် သုံးခုလုံးက ကျိုးသွားတာလေ။သတင်းကောင်းဘယ်လိုလုပ်ရှိမှာလဲ?"ဝူပုဖန်က မျက်မှောင်ကြုတ်လိုက်ပြီး"အကြီးအကဲယောင်ကကော ဘာတွေမြင်ရလဲ?"
အကြီးအကဲယောင်က"ဒါက ကျွန်တော် ပြောခဲ့သလိုဘဲ တကယ်ကို အရပ်သားတွေကို မရည်ညွှန်းဘူး။မကောင်းတဲ့နိမိတ်က ကျွန်တော်တို့ဝူမိသားစုကို ရည်ရွယ်တယ်"
"ကျွန်တော်လည်းအတူတူဘဲ"အကြီးအကဲရှင်းကပြောလိုက်တယ်။
"ဘာ!"ဝူမိသားစုဆိုတာ ကြားကတည်းက ဝူပုဖန်က စိုးရိမ်သွားပြီးမေးလိုက်တယ်"ဝူမိသားစုမှာ ဘာတွေဖြစ်မှာလဲဆိုတာ ဘာတွေကြိုမြင်ရလဲ?"
အကြီးအကဲယောင်က အကြီးအကဲရှင်းနှင့် မျက်လုံးချင်းဆုံလိုက်ပြီးခေါင်းခါ၍"ကျွန်တော်ကဝူမိသားစုမှာ ဖြစ်မှာကိုဘဲ မြင်ရပြီး ဘာဖြစ်မှာလဲဆိုတာမမြင်ရဘူး"
"ဘာအကြောင်းလဲ??မင်းက ဘာအကြောင်းကိုမြင်ရလဲ?"ဝူပုဖန်က အကြီးအကဲရှင်းကို စိတ်အားထက်သန်စွာမေးလိုက်တယ်။
"ကျွန်တော်က စိတ်စွမ်းအင်တွေနဲ့ အသက်စွမ်းအင် အများအပြားကို ဂမ္ဘီရပညာပေါ်မှာ အသုံးပြုလိုက်ပေမဲ့ ကျွန်တော်က ဝူမိသားစုကဟရှောင်လွဲလို့မရသည့် ဘေးအန္တရာယ်ကို ရင်ဆိုင်ရမှာဖြစ်ပြီး အင်ပါယာမြို့တော်မှာရှိသည့် ဝူကလန်ကတောင် ပါဝင်ပတ်သက်လာလိမ့်မယ်ဆိုတာကို မြင်ရတယ်"အကြီးအကဲရှင်းကပြောလိုက်တယ်။
ဂမ္ဘီရပညာရပ်သည် တစ်ခါတစ်ရံမှာဘစိတ်စွမ်းအင်တွေကိုသာမက အသက်စွမ်းအင်ကိုပါ ယစ်ပူဇော်ဖို့လည်း လိုအပ်ပြီး ဒါက ဂမ္ဘီရပညာရှင်က အနာဂတ်ကို ကြိုမြင်နိုင်တာဖြစ်သည်။ဒါကဘဲ ဂမ္ဘီရပညာကို ရွေးချယ်သူနည်းပါးစေသည်။
"ရပ်တန့်ဖို့နည်းလမ်းမရှိဘူးလား?"ဝူပုဖန်ကထိတ်လန့်စွာမေးလိုက်တယ်။
အကြီးအကဲရှင်းကဘာမှမပြောပါဘူး။
"အခုချိန်မှာ ကျွန်တော်တို့က မတားနိုင်ပေမဲ့ ဂရန်းမစ္စတာကတော့ မတူဘူး။သူကကျွန်တော်တို့အားလုံးထက် သန်မာတယ်။တကယ်လို့ သူ့ကို ဒီအကြောင်းတင်ပြလိုက်ရင် သူ့မှာဖြေရှင်းဖို့ နည်လမ်းရှိနိုင်တယ်"
ဝူပုဖန်က ဝူချန်ဇီအကြောင်းပြောနေတာကို နားလည်တယ်။သူက ဘုရားကျာင်းဝင်းထဲက သူ့မျိုးဆက်တွေကို ကြည့်လိုက်ပြီး"အခုတော့အိမ်ကိုအရင်ပြန်ရအောင်"
****
--------------------------------
(1600)23/