الساعه 8 الصبح وصل ايميل لأحمد من شركة الطيران الي يداوم فيها باختصار ( يتمنون له الشفاء العاجل و قاعدوه بسبب الحادث الي صار له و مستقبلاً اذا حالته الصحيه تسمح له بقيادة الطياره ما بيترددون في انهم يردونه لمنصبه ) سكر التلفون ورجع رقد ، الساعه 11 دخلت ام خليفه الغرفه الي يرقد فيها احمد عشان تصلي الضحى لان العامله تنظف غرفتها ، دخلت و بندت المكيف عشان أحمد يقوم ، قام و رجع يقرا الايميل مره ثانيه ، تضايق وايد لانه مابيرجع يشوف الغيوم و ما بيخرج كل ماضاق صدره ، كان باين عليه الضيق و التعب من القرار الي وصله ، طلعت ام خليفه من الحمام و دخل احمد بعدها ، بعد ما طلع من الحمام شاف شيخه قاعده على الكرسي تترياه ؛
شيخه : أحمد شو فيك ؟
أحمد : وصلني ايميل
شيخه : شو مكتوب فيه
( فتح احمد تلفونه و خلال تقرا الايميل الي وصله من شركة الطيران الي يشتغل فيها )
شيخه : الحين نحن الزم ماعلينا هي صحتك و ان شاء الله بتتحسن و تصير احسن من قبل و بترجع لشغلك اعتبر نفسك في اجازه
أحمد : معتبر نفسي في اجازه لكن من وصلني الايميل ضاق صدري
شيخه : هانت مابقى شي الحمدالله انت الحين تقدر تمشي و امورك طيبه
أحمد : الحمدالله ، شكراً على و قفتج معاي
***
( في الاسطبل )
بدا التدريب الساعه 4:30 و عبيد ( بو ساره ) على راسهم و كل دور يغير ارقام الحواجز عشان يكون التركيز اكثر ، الكل كان ادائه ممتاز ،،، في ميلس الاسطبل ،،، كانن كل البنات مجتمعات فقررن انهن يروحن تل مرعب بعد صلاة المغرب ؛
شيخه : يعني سوري بس ما اقدر اخلي احمد و اروح معاكن
فطيم : معذوره
مريم : سوري بس ناس مايرضون
سلامه : صدقج حمود و هزاع بيحشون ريولنا حش
ساره :عيل منو بتسير ؟
فطيم : انا بسير بخيلي
ساره : فكره حلوه بس ماقدر مياسه تعبانه
فطيم : انتي الحقينا بالفتك
نوره : حتى انا بروح بخيلي
عاشه : احس وناسه حتى انا باخذ كحيلان
نوره : لا دخيلج ماترومين له
فاطمه : ساروه انا بركب معاج
روضه : انا بروح معاكن ما عليه من راشد
ساره : ما بركب وحده هب مستأذنه
***
( كتبت ساره لـ ياسر في السناب )
ساره : ياسر
ياسر : عيونه ؟
ساره : عندك مانع لو رحت تل مرعب ؟
ياسر : لا ما عندي مانع ، ليش ؟
ساره : لاني بودي البنات تل مرعب بعد صلاة المغرب
ياسر : عاد تعرفين تسوقين في الرمله
ساره : فيفتي فيفتي
ياسر : زين اصلاً انا بكون هناك ، اذا صار اي شي ولا احتجتي شي على طول دقيلي
ساره : ان شاء الله
***
( كتبت شمسه لـ زايد في الواتس اب )
شمسه : قلبي
زايد : لبيه ؟
شمسه : ادري انك بتقول لا بس قلت بسال
زايد : زين اسألي و جربي حظج
شمسه : البنات بيروحون تل مرعب بعد صلاة المغرب
زايد : و تبين تروحين ؟
شمسه : هيه
زايد : ساروه بتسوق ؟
شمسه : هيه
زايد : اسف بس ما اثق في سواقتها بتذبح الي في بطنج
شمسه : الله الحافظ
زايد : و انا ما احب حرمتي تروح هالاماكن ، بس اذا صدق تبين تروحين من عيوني بوديج
شمسه : لا خلاص عادي
زايد : هب تزعلين
شمسه : الموضوع ما يزعل
زايد : اتمنى
***
( روضه دقت على راشد عشان تستأذنه )
راشد : الو بسرعه قولي الي عندج
روضه : بلاك مستعيل ؟
راشد : بنجر الحاير و اركب السبير
روضه : بروح بعد صلاة المغرب تل مرعب
راشد : زين في حفظ الله
( و سكر الخط علو ويها )
روضه : حو بلاه ؟
***
فجاه يشوفن البنات ان الشباب كلهم ملتمين عند المضمار ، و من الفضول سحبن على سالفة نوره و قامن يتراكضن صوب المضمار ، اما شيخه و شمسه طلعن من الاسطبل و رجعن البيت ، دخلت شمسه غرفتها تستريح شوي اما شيخه راحت تشوف احمد و بعد ماتطمنت على احمد طلعت و دقت على شمسه تسألها اذا تبا شاي كرك مع ارتيزن ( خبز بوري ) ، في الاسطبل كانوا كلهم ملتمين يشوفون يدهم سالم ( بو خليفه ) و هو على الخيل ؛
بو خليفه : تدرون يوم انا في شبابيه كنت لاعب بولو
مايد : ما شاء الله
بو خليفه : و الله العظيم كنا في لندن نلعب مع ربعنا
هزاع : في خاطريه اتعلمها كلن احسها صعبه
مايد : قبلك في قلت لكن يوم جربت لا طلع الموضوع سهل
هزاع : والله ؟
مايد : هي والله
هزاع : يبالي اجرب
مايد : جرب ممتعه البولو
***
بعد صلاة المغرب اركبن دخل زايد على شمسه في الغرفه و شافها منسدحه على تلفونها بدخل الحمام يتسبح لانه معزوم على عشا في تل مرعب بعد ماطلع من الحمام شاف شمسه بعدها على وضعيتها و حزن عليها ؛
زايد : راحن البنات ؟
شمسه : هيه من شوي
زايد : انزين دقي عليهن يردن يشلنج
شمسه : لا هب حلوه قلت لهن اني هب سايره ، الله يحفظهن
زايد : ممكن تبخريني ؟
شمسه ( بابتسامه ) : من عيوني بس ترا ما اقدر انزل
زايد : لا تنزلين يا عيوني انتي
شمسه : معزوم ؟
زايد : هيه معزوم على عشا في تل مرعب
شمسه : استودعتك الله
***
دقت علي الخدامه تسوي له ضو دقيقتين و يابته لها عطرته و بخرته ، حبها على راسها و استودعها ربه و طلع في طريقه لـ تل مرعب انبه ضميره و ما قدر يكمل طريقه رجع للمزرعه و دخل الميلس مالقاها على طول طلع و راح للغرفه دخل و لقاها على الارض ترتب الدرج الخير من التسريحه ؛
شمسه : شي ناسي ؟
زايد : لا
شمسه : عيل شو ردك ؟
زايد : قومي بنروح تل مرعب
شمسه : انت معزوم عند الشباب
زايد : انزين بنزل عن البنات
شمسه : مابا انا قلت لهن اني هب سايره
زايد : زين عيل حتى انا هب ساير
شمسه : انت معزوم هب حلوه تعتذر و اصلا ما عندك عذر
زايد : عندي عذر
شمسه : الي هو ؟
زايد : ابا اقعد مع حبيبتي اليوم و اتعشا معاها
شمسه ( مبتسمه ) : زين عيل برايك
زايد : والله انج مستانسه اني هب ساير
شمسه : اكيد بستانس دامك بتقعد معايه
***
يتبع ،،،