ذبح فاطمه الفضول ، تبا تعرف ليش فر الباقه ؛
فاطمه : حرام الباقه حلوه
سالم : لكنها من شخص اناني ، كان في عيني الدنيا كلها وصار اقل من الزباله
( انصدمت فاطمه من كلام سالم ، حست ان اول مره تسمع مثل هالكلام منه )
سالم : اففف والله احس بضيق ، ابا اطر ثيابيه
فاطمه : كلها بسبة الي مطرش الورد
سالم : ولا اثر فيني
فاطمه : وين ولا اثر فيك ، هذا لعب فيك لعب
سالم : حسبي الله ونعم الوكيل فيها
فاطمه : منو هي ؟
سالم : يعني الحين عقب كل الي سوته فيني تباني اسامحه وارجع لها
فاطمه : هيه لعبه بين يديها
سالم : انا كيف جي ماكنت انتبه انها تستغلني
فاطمه : تصير ، تصير
سالم : حرفياً تستغلني في كل شي ، مهرجانات ، حق خصم ، حق خصم عيادات ، وانا غبي مستانس عبالي ماتعيش بدوني طلعت خروف
( فاطمه تضحك )
سالم : شو يضحك ؟
فاطمه : اسفه
سالم : من لقت الي اغنى عني ، طلعت لها مليون عذر
فاطمه : لهالدرجه تحبها ؟
سالم : لا نسيتها من سنين ، بس قهرتني اونها تتحمد لي بالسلامه وتباني انسى كل شي ونرجع مره ثانيه
فاطمه : بترجع لها؟
سالم : تخسي ارجع لها هذا الي ناقص
فاطمه : كفو
سالم : يمكن في غيرها بيسد مكانها
فاطمه : منو ؟
سالم : مادري ، بس يعني يارب حد ايي ويسد مكانها
( دق الباب محمد ودخل ، شاف الباقه في الزباله )
محمد : افا ليش فالزباله ، اتجنن الباقه
سالم : هذا مستواها
محمد : هيه عيل من هذيج الجلبه ، الله يعينك عليها
سالم : هاي من وين تيب علوميه ؟
محمد : اكيد تراقب
سالم : ويي هاي تعرفكم كلكم
محمد : تبانا نصكها بلوكات ؟
سالم : لا لا عشان من اطلع بخلي اميه تخطب ليه وبقهرها
محمد : عليك افكار
***
في اليوم الثاني كتبوا خروج لسالم لانه بخير وخلاص يقدر يمارس حياته الطبيعيه ، الساعه 9 كان الكل في انتظار بو خليفه في الميلس عشان يتعشون ، دخل بو خليفه وراشد و استسمحوا على التأخير لان كان عندهم شغل ، قربهم بو خليفه على العشاء و قعدوا يتعشون ،،،، بعد العشا قامت سلامه وسوت لهم غوري شاي اخضر و غوري شاي احمر ، طرا عبال فطيم انهم يلعبون لعبة الاعتراف ؛
فطيم : دامنا كلنا موجودين ، ولا حد فينا ناقص بلعبكم لعبه وكلنا بنشارك فيها باستثناء ماما وحريم عمامي مابا احرجكم
بو هزاع : ونحن عادي تحرجينا
فطيم : هيه انتم وناسه
ساره : شو اللعبه ؟
فطيم : تعالوا ويلسوا بشكل دائري على الارض ، بنبدا من عندك يا يدي ، لازم كل شخص يعترف بشي ولازم كلنا نكون مانعرف الشي هذا
فيصل : انتي جي بتفضحينا
فطيم : ومنو مايحب الفضايح ،،، هيه بعد كل اعتراف لازم كلنا نصقف اوك
ام خليفه : يعني اعترف لكم بشو ؟
فطيم : خلاص انا ببدا اعترف ومن اخلص اعترافيه بتصفوق لي وبعدها يدي انت بتعترف وبنمشي جي من اليمين
بو سعيد : وليش نصفق لج ؟
فطيم : لاني اعترفت
شيخه : زين يلا ابدي
***
فطيم : اعترف اني شردت من المدرسه ثلاث مرات و ولا حد يدري
بو خليفه : اعترف اني متزوج ثنتين غير يدتكم ومطلق
سعيد ( بو مطر ) : افا كييف؟
ام خليفه : اعترف اني كنت متزوجه وتطلقت قبل لا ياخذني يدكم
خليفه ( بو هزاع ) : وانا اعترف اني انا الي داعم بسيارة ابويه ذيج السنه
بو خليفه : حرام عليك ، كم وصل سعرها الحين فوق المليون
روضه : اممم، انا اعترف اني انا الي احول الموظفين لشركات ثانيه
سعيد ( بو مطر ) : اعترف اني كنت ماخذ امريكيه بالسر يوم كنت ادرس في امريكا
فطيم : اووف اعتراف قوي
سيف ( بو راشد ) : وانا اعترف اني وقفت مع سعيد وكنت احول له من مصروفي
حمد ( بو مايد ) : انا اعترف ان عندي طياره خاصه
مايد : اوووف من ورانا
حمد ( بو مايد ) : خلاص صار قدامكم
مطر : انا اعترف اني متزوج عصباً عني
ام خليفه : شووو ؟
مطر : والله مغصوب و مهدديني
سعيد ( بو مطر ) : حسبي الله ونعم الوكيل فيك جان بتسود ويوهنا
فطيم : خلونا نكمل ونسمع الباقي شو داسين ، راشد دورك
نوره : اعترف اني اكرهه جمعاتكم واحب الهدوء
راشد : اعترف ان روضه لعبة بالقلب لعب وخلتني اتهجم على الي لحقهم
حمدان : وانا اعترف ان نوره قاعده تلعب بالقلب لعب
شيخه : حمدان اثقل شوي ، اممم انا اعترف اني اتعمد ما البس السرج عشان اطيح واحمد يحزن عليه
احمد : ماعاد احزن ،، وانا اعترف ان فلوسي راحت وانا بس اراضي الشيخه شيخه
شيخه : يعني انا ما استاهل
احمد : لا والله تستاهلين
ياسر : اعترف ان انا الي مخرب كهربة البيت من سنتين
خليفه ( بو هزاع ) : من هذاك اليوم لين يومك هذا وكهربتيه خربانه محد عرف شو فيها
فطيم : الي اعترفوا طلعوا من الدائره عشان تصغر الدائره ونعرف الي ما اعترفوا
هزاع : اعترف اني اكثر انسان يسوي واسطات
احمد : و هذا الي يقول انا ضد الواسطه
مريم : اعترف اني انا البنت الي كل ماتبا شي تذكرهم منو ابوها ومنو هم عمامها ومنو هو يدها
فطيم : مستغله العايله بكبرها
مريم : هيه ولا انا منهم على الفاضي
فيصل : اعترف اني اهايط على حساب ابويه
خليفه ( بو هزاع ) : لو تييني المركز في يوم من الايام عباك بوقف معاك ؟ ، ترا انا مع القانون
مايد : اعترف اني طيار واخاف من المرتفعات
زايد : اعرف اني ما ابلع التجمعات و احب اقعد بروحي
فطيم : احس غريبه
زايد : الموضوع كله حسحسه تقدرين تتخطين
شيخه : يخي نبا اعترافات قويه
شمسه : اعترف اني حولت حق مندوب 50 ألف بدال 50 درهم
سيف ( بو راشد ) : ويارب ردهن ؟
شمسه : لا حطهن في جيبه
عاشه : اعترف اني سلفت ربيعتي 100 ألف وللاسف من هذاك اليوم مادري عنها
سعيد ( بو مطر ) : وانتي من وين لج ؟
عاشه : من المهر
ام خليفه : يخساره الدراسه في المدارس الخاصه
روضه : شدخل ؟
ام خليفه : مايعرفن يحسبن ؟ مادرسوكم رياضيات ولا صح انتوا جيل الماث
فطيم : يدوم الماث و الرياضيات كله واحد
ام خليفه : لا غير بتعاشينيه بعد
سلامه : انا اعترف يوم كنا في لندن واحد مسك ايدي خذ الرولكس وراح
عبيد ( بو ساره ) : لا انا بييب لكم مدربه تدربكم الدفاع عن النفس
سلامه ( وهي تضحك ) : اعترف اني عطيت المندوب مبلغ عشان يخرده حطه في مخباه وولا قلت شي
محمد : اعترف كني كنت فاتح بث وقلت سالفه المفروض ماتنقال
سعيد ( بو مطر ) : السالفه الي انتشرت ؟
محمد : هيه
روضه : اي سالفه ؟
خليفه ( بو هزاع ) : هب لازم تعرفين
شيخه : منو باقي ماعترف ؟
ساره : ابويه
عبيد ( بو ساره ) : اعترف اني لازم ارقد وانا اسمع صوت نهر جاري وعصافير
ياسر : عمي موود ثاني
ساره : اعترف اني نسويه واكره الذكوريين
سالم : وانا اعترف اني اشجعج
يتبع ،،،