( في المستشفى )
دخل بو خليفه قسم رقم 10 وهو يتحمد لسالم بالسلامه ويغني على سلامته و الي في الغرفه يرد عليهم ويرحب ، فتحوا باب الغرفه و الصدمه ان المرقده بنت صغيره فالعمر وعدالها امها وابوها قاعدين على الكرسي ؛
بو خليفه : السموحه شكلنا مغلطين
الريال : ردت علينا الروح بـ هالدخله ، الله يطول بعمرك ذكرتنيه بالغالي رحمة الله عليه
بو خليفه : الله يرحمه ، عسى ماشر
الريال : والله البنت فيها الرسطان وهني تتعالج
بو خليفه : ياقلبيه عليها ، الله يقومها بالسلامه ويشفيها ويعافيها
الريال : اميين ، يايين تزورون حد ؟
بو خليفه : هيه عنديه هني واحد من الاحفاد منفتق بطنه وتوه ظاهر من العمليات بنطمن عليه
الريال : مايشوف شر
بو خليفه : يلا عيل السموحه
الريال : فنيال قهوه
بو خليفه : لا لا مشكور
***
وهم في طريقهم لغرفة سالم طلع بوخليفه تلفونه وعطاه راشد وطلب منه يدق على امه ، طلب بو خليفه من ام راشد انها تروح وتاخذ للبنت الصغيره ذهب من سالم الشعيبي وتطرشه يرتبنه مع ورد ويطرشونه المستشفى ، سوت ام راشد الي طلبه عمها منها ،،، قبل لا يدخلون القسم تأكدوا انه قسم سالم ودخلوا وهم يغنون له على سلامته ؛
سالم : يا مرحبا حي هالصوت
راشد : لمرحب لا هان
بو خليفه الحمدالله على السلامه ، عيل هاي فطوم الي فاتقه بطنك
سالم : لا لتلومونها
بو خليفه : نسوي سوالف
سالم : لا هي حساسه لو درت بتتلوم
***
( في بيت ام خليفه )
كانن البنات ملتمات ، الي قاعدات عدال بعض ويحشن ، والي في المطبخ يخبصن ، والي قاعدات يلعبن سجن ، دخل عليهن ياسر ماسك ولد صغير ، لفن كلهن يطالعنه مستغربات ، انتبه ياسر انه لفت انتباههن وارتبك ، قعد في نص الصاله وقعد الولد فوقه ؛
ياسر : اقولكن ساعدنيه
نوره : شو مهبب بعد ؟
ياسر : هذا طلع ولديه
ساره : شو ؟ كيف يعني ولدك ؟
ياسر : مادري ، الحين شسوي ؟ كيف اقول لاميه وابويه ؟
فطيم : اممم عادي سهله انت ريال وشايل عيبك
ساره : شو ريال شايل عيبه ؟ تستهبلين هذي جريمه ، لازم يتعاقب عليها
فطيم : ماقلت شي غلط
ساره : ها الي ماعنده خوات يشوف الدنيا حلو ولا جنه باجر بتدور الدنيا وبيردن في بناته
( دخلت روضه وقام الولد من فوق ياسر يركض لروضه وحضنها وهو يقول ماما )
كلهم انصدموا حتى ياسر انصدم روضه نفسها انصدمت ، تطالعهم وهي مبققه عينها ؛
شيخه : يارب سترك ، يالله يارب سترك
( ياسر من الصدمه ساكت )
فطيم : يعني محد بيرمس ؟
عاشه ( بكل غباء ) : هاي كيف قدرت تحمل ونحن ماحسينا فيها ولا لاحظنا بطنها ؟
( روضه تشوف عاشه وهي منصدمه )
فطيم : يووووههه شو محد بيرمس ؟
( دخلوا بو خليفه وراشد ، استغرب راشد من وجود راشد الصغير )
راشد : ها حبيبي منو يابك ؟
راشد ( الصغير ) : عمتي منى نزلتني
شيخه ( بعصبيه ) : يسور و رويض ورشود بتفهموننا السالفه ولا شو
( قام ياسر يضحك وطلع برا )
شيخه : الحمدالله يارب طلعتي حشيم
روضه : لهدرجه انا طايحه من عينج
فطيم : طارت قلوبنا ، يسور مسوي عمره متورط واونه ها ولده
شيخه : وطاحت قلوبنا يوم دخلتي وقالج ماما
راشد ( يضحك ) : ها ولد ربيعيه
شيخه : وانت ماعندك حياه بتربيه
روضه : ابوه متوفي
شيخه : اوه سوري
روضه : لا نعق كلام بدون لا ندري عن شي
،،،،،،
بو خليفه : سالم مسوي عمليه
شمسه : سالم ولد عميه؟
راشد : هيه
سلامه : الحمدالله على سلامته ، بس عملية شو ؟
بو خليفه : امبارحه مادري شو سوا وانفتق بطنه
( قامت فاطمه تركض لغرفتها )
***
امس بعد صلاة العشاء ، نزل التكسي صندوق لام خليفه وكانت فاطمه طالعه توقع للاستلام ، نزلت التكسي الصندوق فوق دري ام خليفه وراحت فاطمه بتشبه لكنها ماقدرت ، شافت سالم قدامها طالع من بيتهم رايح الميلس زقرته وطلبت منه يشل الصندوق ويدخله غرفة يدتهم شل الصندوق بطريقة غلط ولقب ويهه من الألم ، سألته فاطمه اذا فيه ليش او الصندوق ثقيل يبا مساعده لكن قال لها لا بس فتحي لي البيبان .
***
دخلت فاطمه غرفتها ودقت على محمد اخوها عشان ايي يشلها وتروح تتطمن على سالم ، استغرب محمد من طلبها وسألها ليش رايحه تتطمنين عليه بنفسج قالت لها ( انا سبب الفتاق ابا اروح اتطمن عليه واشوفه بعيونيه ) ، ياها محمد ووداها المستشفى عشان تتطمن عليه ، عطاها رقم الغرفه وقال لها انه بينتظرها غالسياره ، دخلت المستشفى وراحت للاستقبال تسألهم سالم في اي مبنى ، عطوها باقة ورد وقالولها هذي الياقه للمريض الي بتروحين ه وصليها له ، قالت في بالها ( مستشفى ذاك كبره ويبوني انا اوصل الباقه ، المهم عادي اهم شي اتطمن عليه ) ، في طريقها للغرفه كان الفضول يذبحها تبا تقرا البطاقه الي مكتوبه على الباقه لكن كل شوي تذكر نفسها ان هذي خصوصيه ، دخلت فاطمه الغرفه وفي يدها باقة الورد استغرب سالم ان الباقه فيها الورود الي يعشقها ، و عشان ما تحرج نفسها على طول قالت ؛
فاطمه : الحمدالله على السلامه ، هالباقه حد مطرشها لك
سالم : الله يسلمج ، افا وانا عبالي الورد منج
فاطمه : ماكان عندي وقت افكر من سمعت الخبر سيده ييت اتطمن
سالم : ابشرج انا بخير ومافيني شي
فاطمه : الحمدالله
سالم : هاتي الورد ، اكيد هالشخص يعرفني عدل
( خذ سالم الورد من يد فاطمه ونشقه ، بعدها فتح الكرت يقرى الي فيه ، وبدا يفور من العصبيه وكل ما ياله يمسك الباقه اقوى لين ما فرها على الارض و قعد يعد بالمجلوب ويستغفر )
سالم :عقي الباقه في الزباله
( عقت فاطمه الباقه فالزباله )
سالم : عادي تيبين لي الماي
فاطمه : وينه ؟
سالم : وراج فوق
( فقزت يابة الطرمبه وفتحتها له ، بعد ماشربها وهدا استسمح منها )
سالم : السموحه ماكان ودي جي تشوفيني
فاطمه : حصل خير
( كان الفضول ذابحها تبا تعرف ليش فر الباقه اذا شو يعشق هالورود وشو الي مكتوب في الكرت خلها جي يعصب ، كان ودها تاخذ الكرت وتقراه لكن استحت )
يتبع ،،،