Chapter 35: Bullets
"Sinasabi ko sa 'yo kapag ito nalaman nila, ipapalapa kita sa buwaya," banta ko kay Alexis habang pabalik kami kung saan namin iniwan ang mga kasama namin.
Matapos naming magkita ni Stella ay nagdesisyon na siyang umuwi. Wala na rin siyang balak makipagkita pa kay Kier. Balak na rin niya yatang makipaghiwalay. Pinilit naman daw niyang lumaban dahil mahal niya kaso nauntog, e, kaya bumitaw. Noong una, against ako sa desisyon niyang palakihin ang bata na hindi kinikilala ang sariling ama pero desisyon naman niya 'yon.
"Oo na!" Kamot-ulo niyang sabi.
Sana lang talaga.
"Saan ba kayo nanggaling?" Tanong ni Harvey at dumila sa ice cream niya.
Lahat sila may hawak na ice cream na may cone pero 'yong kay Phoenix mukhang magnum. Nang mapansin niyang nakatingin ako, agad niya akong ininggit.
Aaminin ko, hindi pa ako nakatikim ng magnum. Mamatay na lang yata ako nang hindi pa nakakatikim ng magnum.
"Starbucks..." sumipsip ako sa straw.
Nakita nila ang hawak kong cup kaya napairap sila. Ang aarte naman ng mga 'to. Sila nga naka-ice cream, e, naka-cone nga lang, samantalang ako naka-starbucks.
Pasimple akong lumapit kay Phoenix habang abala ang iba. "Pahingi ako, Phoenix."
"That would be indirect kiss." Binigay niya sa akin ang magnum.
"Hinalikan mo na ako several times, 'di ba? Ayos lang 'yan," mahinang sabi ko bago kumindat. Iniwan ko na siyang mag-isa.
Napansin kong nakatingin sa kawalan si Kier. Nilapitan ko siya at pumitik sa harap niya. Napaangat naman siya ng tingin.
"Gogora na tayo, nakatulala ka pa rin d'yan?" Tanong ko.
Tumayo na lang siya at unang nag-lakad. Sinundan ko siya ng tingin.
Hay nako, Kier, ang gago mo sa part na itinanggi mo ang sarili mong anak. Ang sarili nating kadugo. Sana lang talaga huwag mong pagsisihan ang ginawa mo.
Minsan naiisip ko ang magiging sitwasyon ng buhay ni Stella kung sakaling itakwil siya ng magulang niya. Nagsisimula palang siya sa pagiging modelo pero parang ititigil niya agad dahil sa pagbubuntis.
Napahinga nalang ako mabigat.
Naririndi na ako sa pinag-uusapan ng mga taong 'to. Puro mga pag-aanak ang pinag-uusapan, e. Akala mo naman sila ang manganganak kung makapag-bilang.
"Sa akin, gusto ko lima anak ko tapos lalaki lahat para may magdadala ng apelyido ko," sabi ni Owen at ngumisi.
Eh? Lima? Kung ako ʼyon... hindi ko yata kakayanin.
"Oo nga, puro lalaki anak mo, pareho-parehong panganay." Tumawa si Arvin na sinundan ng mga gago.
Ano 'yon? Sa iba't ibang babae?
"Sa iba't-ibang babae kaya panganay lahat?" Tanong ko.
Kita ko ang pag tawa nila Dash at ang pag-tango ni Arvin. Mga nagtatawanan naman ang lahat, except kay Phoenix. Nilingon niya ang likod. Hawak pa niya ako sa braso, akala mo naman tatakas ako.
"Syempre hindi, 'no! Sa one and only love ko lang syempre." Umirap si Owen.
Ang gago niya kung gagawin niya 'yon. Dapat sa isang babae ka lang kuntento, hindi 'yong sa marami.
"Gusto ko din ng anak na lalaki," sabi ni Rafael.
"Edi gumawa kayo tapos ninong kami!" Parang tanga na ngumisi Finn.
'Yong totoo... ang babata pa nila para mag-plano ng ganito. Dapat kapag nagpa-plano sila ay hindi lang pag-aanak pati na rin syempre ang pag-aasawa at ang magiging buhay niyo.
Hindi biro ang pagkakaroon ng anak, 'no. Hindi pa ako magulang pero dahil sa pagtingin-tingin ko kay Papa, halatang nahihirapan siya. Ang dami niyang responsibilidad na dapat gawin sa buhay.
Pero hindi siya kailanman nagsabing pagod na siya. Hindi niya ʼyon sinasabi pero nararamdaman ko ʼyon at nakikita. Kaya masasabi kong mahirap. Kaya kapag nag-anak ka siguraduhin mong handa ka. Huwag kang mag-anak dahil gusto mo lang.
Umiling si Rafael. "Hindi pwede, tsaka na kapag handa na kaming dalawa."
Agad namang nag-react ang lahat sa sagot niya.
Tama lang naman ang desisyon niya.
"Ikaw, Darlene?" Dumiretso ang tingin ko kay Dash nang mag-tanong siya.
"Ano?" Tanong ko.
"Kapag nag-anak ka, ilan gusto mo?" Si Finn ang nag-tanong bago ngumisi.
Kumunot ang noo ko. "Wala," sagot ko.
Syempre mayroon! Gusto ko ng dalawang anak tapos parehas babae. Ayoko ng lalaking anak dahil panigurado ng pasaway ʼyon paglaki. Hindi pa nga ako sure kung sino ang magiging asawa ko in the future. Pero feel ko malapit lang sa akin. Si Phoenix kaya ang—wait!
No way! Magmamamadre na lang ako kung siya man.
Pero kung ano ang ibigay ni God na gender—teka, bakit ko ba iniisip 'to? Tado kasi tong si Finn.
"Gano'n..." dinig kong bulong ni Phoenix. "ayang..." Dagdag na bulong niya.
Binatukan ko siya. Tumawa naman ang iba. Wala pa 'yon sa plano ko. Gusto ko ayos na ang lahat-lahat bago ʼyon mangyari. Tsaka, duh? Papatayin ako ni Papa at Kuya, isama mo na ang aking twin bro na si Darius. Kailangan kong magtapos ng pag-aaral, iyon ang una kong goal sa buhay.
"Awit, sayang daw oh!" Masama ko silang tiningnan.
"Ulol." Nag-martsa ako papasok ng kotse.
Akala ko sasabay sila Phoenix sa kotse ni Kier pero mali ako. Nagmamadaling umalis sila Alexis kasama 'yong iba, parang may nangyayaring hindi maganda.
Sinubukan kong magtanong kaso hindi nila nasagot. Binasa ko na lang ang mga text message nila. Alam na rin nila ang number ko, binigay ko sa kanilang lahat.
From: Phoenix
Everything is fine, Mirana. Go home safely and text me if you're at home already. Take care.
From: Dash
Sorry, we didn't answer your question. Walang nagyayaring masama, so don't be worried.
From: Trevor
Go home safely and be safe.
From: Harvey Pangit
Yow... umUwI k LGtAs flece lng kPg MaY pRoblEma k tXt muE aQouEh.
Napahawak ako sa ulo ko. Nasobrahan na yata sa kajejehan si Harvey, jusko!
From: Dice
Pogi ako. #AkoLangTo #PangitSiOwen
Napairap ako sa text ni Dice. Kapal talaga ng face niya. Pero sige na nga, pogi siya. Halatang halata naman, e.
From: Arvin
WALA AKONG MASABI BASTA MISS KO NA BEBE KO. I MISS YOU AMORA!!!
Napailing na lang ako. Kilala ko na 'yong Amora na sinasabi niya. Iniwan siya noon at pumunta sa Australia. Lahat yata ng nakilala ko, e, madalas sa Australia nag-pupunta. Tapos may sinabi si Phoenix sa akin na nagtatrabaho ang babae. Hindi ko alam kung saan basta nag-ta-trabaho.
Gumawa ng Group si Harris para doon na lang daw sila magtext.
From: Hot-Handsome boys
Renz: Tangina mo, Gael.
Gael: Tangina ka rin, Renz.
Harris: Damn, I am so handsome.
Napangiwi ako sa message ni Harris. Pinatay ko na lang ang cellphone ko dahil wala namang silbi 'yon. Isa lang naman ang ibig-sabihin ng mga text nila.
Mag-ingat ka!
Alam ko naman 'yon. May napapansin rin ako sa kanila. Parang may tinatago sila sa akin.
Hawak ko ang mga anak ko habang pinagmamasdan si Kier na panay ang tingin sa side-mirror ng kotse. Tiningnan ko rin ang tinitignan niya.
May black na SUV na nakasunod. Hindi ʼyon sa amin o sa mga tauhan ni Kier. Nakaramdam ako ng kaba. Nararamdaman kong namumuo ang pawis ko sa noo.
"Kier, ano ba ang nangyayari?"
"Uhm, relax, okay? Don't mind it." Nakatingin pa rin siya doon.
Bumilis ang takbo namin kaya hinawakan kong maigi sila Kissy. Nang makarating kami sa gate ng bahay ay sinalubong kami ng mga tauhan ni Papa. Halos ingatan na nila ako. Tumigil ako at hirap si Kier.
"Hindi ka ba papasok, Kier?" Tanong ko.
Nanatili siyang nakatayo sa harap ng pinto ng kotse bago may kunin sa loob. Tinakpan niya ang mata ko kaya hindi ko 'yon nakita. Tinanggal ko ang kamay niya.
"Su—" Hindi natuloy ang sasabihin niya nang may nagpaputok ng baril malapit sa amin.
Parang naestatawa ang paa ko nang makita ang repleksyon ko sa bintana. May kulay pulang ilaw na nakatutok sa ulo ko. Bumigat ang paghinga ko dahil sa nakikita.
May dumating na dalawang SUV sa harap at lumabas ang mga lalaking naka itim. May mga hawak na baril at parehong nakatutok sa mga tauhan namin.
Namumuo na ang luha sa mata ko habang pinagmamasdan ang lahat ng tauhan na nakahandusay sa sahig.
Nakita ko si Papa at Kuya na hindi alam ang gagawin may hawak silang baril at parehong nakatutok sa mga lalaking kulay itim ang suot.
"¿Quieres ver cómo voy a matar a tu hija?"
Tangina naman!
Mamatay na lang ako pero bakit kailangan mo pang mag-spanish?!
"No te atrevas a lastimar a mi hija!" Ramdam ko ang galit ni Papa.
Hindi ko sila maintindihan!
Ngumisi ang lalaki bago ilipat sa akin ang tingin. Napalunok ako at halos ipagdasal ko kay santa este kay Lord na sana mawala na sila. Mas lalo ako, kaming kinabahan nang madagdagan ang kulay pula sa ulo ko.
"What do you want?!" Galit na sigaw ni Kuya.
"Her life..." Sagot ng lalaki kanina. "Her Throne, her money... All!"
Ha?
"Tangina naman..." Bulong ko.
"Don't move, Lin... Please?" Pakiusap ni Kier habang nakatutok ang baril niya sa lalaking sumagot sa tanong ni kuya.
Ano ang sinasabi niya?
Naka-shabu ka po ba? Sumisinghot po ba kayo ng katol?
Halos mamutla ako nang paputukan ni Papa ang lalaki. Hindi masyadong rinig ang putok na 'yon dahil may silencer. Shit. Binaril ni Papa ang lalaki.
Napadaing ako nang maramdaman ko ang dalawang bala sa kanang braso ko at isa sa balikat ko. Hindi ko na napigilan ang sarili na huwag bumagsak. Sinubukan kong tumayo ng maayos pero bumagsak lang ang katawan ko at napahiga sa kalsada.
Sinubukan kong pigilan ang pag-agos ng dugo mula sa balikat ko pero nasasaktan lang ako. Namamanhid na rin ang buong braso ko.
"Darlene!" Sabay na sumigaw si Papa at Kuya.
Parang unti-unti nanghihina ang katawan ko. Hindi ko kaya. Unti-unti ring binabawi ang lakas ko.
"P-Papa.." Awat ko nang makitang isa-isang binawian ni Papa ng buhay ang mga lalaking nasa harapan namin.
Parang hindi ko siya kilala... sobrang bagsik niya. Isa-isa niyang binaril ang mga nakasuot na itim. Kahit nanlalabo ang paningin ko nakita ko ang pagiging seryoso at sobrang galit na mukha ni papa.
Lumapit si Kuya sa akin. "Hold on, please..."
Napapikit nalang ako dahil nawawalan na talaga ako ng lakas. May tumapik sa pisngi ko kaya pilit kong minulat ang mata, si Kuya.
"I take you to hospital. Don't close your eyes, baby, please? Kuya will take you to hospital." Kita ko ang pag-kinang ng mata niya kaya alam kong may nagbabadya ng luha doon.
Tumango ako.
"S-Si P-Papa, Kuya, ppigilan m-mo siya..." Pinilit kong mag-salita.
Binaril ni Kier ang lalaking gusto ko kaming pigilan sa pag-alis. Dahan dahan akong binuhat ni Kuya pasakay sa van. Hindi ko na nakita si Papa dahil bigla na kaming umandar paalis. Tanging mga tauhan at si Papa ang naiwan sa kalsada.
Unti-unting lumalabo ang paningin ko.
"Bilisan mo naman!" Sigaw ni Kuya.
"I'm doing it! Just don't close your eyes, Lin!"
Pero hindi ko nagawa ang gusto nila dahil kusang pumikit ang mga mata ko.