سكر التلفون وفره وطلع يركض ، قام مايد لحقه ، ركبوا مع بعض السياره ودق على روضه فيديو كول عشان يطمن ، خطف فيصل على راشد مسرع حس راشد ان شي صاير لف ولحقه ،،، عند البنات ،،، بعد ماصورته رقم السياره ساره ردت للمطعم الي طلبت منه بيتزا عشان تاخذها وكان يلحقها بعيد لبعيد ، فتحت تلفونها عشان تشوف رقم السياره بس للأسف ماكان واضح :
ساره : اففف الصوره هب واضحه
عاشه : اونه
فيصل : روض فيه موقع يوضح الصوره
مايد: من الاساس الصوره هب واضحه فـ مايصير توضحها
روضه : هزاع يدق دقيقه فيصل
فيصل : لا لا تردين عليه ، مايد بيدق عليه
***
وصل العلم لمحمد وخاف محمد على اخته سلامه وندم انه مارد عليها طلع يركض ركب سيارته وراح مسرع ولطم 13 مخالفات لانه تعدى الإشاره ثلاث مرات وصوره الرادار عشر المرات وكان معصب ويتهندق ويسب عمره لانه مارد على اخته ويلحف اذا صار لها شي مستحيل يسامح نفسه كل هذا فالبث ( نسى محمد يسكر البث ) ،،، عند البنات ،،، استلمن طلبهن وشافت عاشه راعي الفتك مر من قدامهن :
عاشه : هكوا الحقيه
سلامه : يارب توقفه الإشاره
: ياااارب
فعلاً وقفته الإشاره ووقفت ساره عداله وحاولت تصوره لكن ابد ماكان واضح :
عاشه : فتحي الدريشه
( فتحت ساره الدريشه وصورت الرقم عدل )
ساره : فيصل الحين شسوي
فيصل : دقي على الشرطه
ساره : وكم رقم الشرطه
فيصل ( ميت ضحك ) : 999
عاشه : السياره شوفيها ؟؟؟
روضه : بنجر التاير
***
وقفت السياره على يمين الشارع وياها راعي الفتك بيساعد نزلت له وهي معصبه .
ساره : خير ؟
راعي الفتك : اركبن بوصلكن البيت والسياره بطرش حد يشلها
ساره : يالحبيب ترانا هب نفس خواتك
راعي الفتك : ها ها عن الغلط ، الأهل خط احمر
ساره : فارج لا قسم بالله اييب لك الشرطه
راعي الفتك : بنت شو تبا بالمراكز
ساره : لا والله سيرت المراكز ادورها دواره
***
فيصل : فشلتنا ، ركبوها السياره
روضه : منو يروم لها هاي ؟
***
ركبت السياره وسحبت تلفونها بتدق على شرطه وطلع مفضي :
ساره : وحده تعطيني تلفونها
مدت عاشه تلفونها لساره ( حطت ساره راسها على السكان ودقت )
***
ساره : السلام عليكم
: وعليكم السلام ، اختي كيف اقدر اساعد
ساره : ابا افتح بلاغ على سياره
: السبب
ساره : ياخوي صارله ساعه يلاحقي ودعمت الرصيف وبنجر التاير بسببه شو يبا اسوي حادث وانجلب واموت
( روضه بصوت واطي : مسويه خوي )
: عطيني تفاصيل لوحة السياره ونوعها ولونها
( عطته التفاصيل )
: تم البلاغ ، شي ثاني في خاطرج ؟
ساره ( تضحك ) : لا مشكور سلامتك وعساك عالقوه
: واجبنا خدمتكم
***
رفعت راسها ساره وشافت سيارة محمد صقر موقفه داقمها ومحمد حاضن سلامه ، ووراعها سيارة فيصل ، فتح مايد الباب وخذ منها مفتاح السياره وقالها تحول وتركب مع فيصل عشان ترد البيت والسياره بيودونها قراج حامد ،،، فالسياره ارتفع ضغط عاشه وحست روضه ان عايشه فيها شي هب على طبيعتها :
روضة : عووش فيج شي ؟
عاشه : لا لا ماشي
روضة : فيصل اقرب مستشفى طواري بسرعه
( لف مايد يشوف منو التعبانه )
مايد : ارتفع عندها الضغط صح
عاشه : لا مابا المستشفى بترقد ، عصير شمندر من الكفتيريا وبصير بخير
مايد: وقف وقف
***
نزل مايد وطلب عصير شمندر وتم على راس العامل عشان يخلص بسرعه ، ركب السياره وعطا ععاشه العصير :
مايد : اشربيه كله ،،، رح المستشفى ابا اطمن عليها
روضه : الله يالرومنسيه ، يارب ترزقني بريال يحبني ويخاف علي
مايد ( يضحك ) : موجود
روضة : وينه ؟
مايد : الله يستر عليه
***
دخل سالم ميلس الرياييل وشاف الارض كلها دم لين الحمام ، فتح باب الحمام شاف نوره تحط ثلج على راس اخوها راشد :
سالم : سلامات
راشد : الله يسلمك ، نواري رصي الثلج ع راسي قوي
( طلع راشد من الحمام وانسدح على الكرسي ويلست نوره عداله بالثلج )
سالم : متضارب صح ؟
راشد : هيه هاد على واحد في ميلسهم
سالم : تستهبل ، بيبلغ عليك
راشد : هو الي بينسجن ضارب راسي بالفازه
سالم : انت الي متهجم
راشد : لا والله انا رايح اتفاهم
سالم : قم بوديك المستشفى
راشد : مابا
سالم : نوره هاتي شنطة الاسعافات الأولية
راشد : لا مابا
سالم : بخيط لك الجرح
نوره : تعرف تخيط؟
سالم : هيه اعرف ، تراني ادرس طب
راشد : قد خطت حد
سالم : هيه اكثر من خمس مرات
راشد : اشوا يعني هب اول مره
سالم : لا معليك
يابت نوره شطنة الاسعافات وخاط سالم راس راشد بسرعه حتى ماكمل خمس دقايق ؛
سالم : وخلصنا
راشد : مسرع
سالم : لانك ثابت والقص صغير
يتبع ،،،