| Messages For 30 Days |
Kapapasok ko lang ng classroom nang biglang lumapit sa akin si Baron at hilahin ako nito papuntang sulok. May kinapa siya sa kaniyang bulsa at inilabas ito. Napakunot noo ako nang makita ang isang cellphone.
“Ang aga naman ng kalibugan mo!” bulalas ko.
“Pare, kalma. Hindi—”
“Kung gusto mong may kasamang manood ng porn, huwag ako, uy! Si Calvin na lang ang yayain mo.”
“Potek! Akala mo ba porn ang inilapit ko sa ‘yo? Grabe ka naman, Troy, ang judger mo!” dismayadong anito.
“Eh, ano palang kailangan mo?”
“Gusto ko lang naman ibenta sa ‘yo itong cellphone. Ang commission na makukuha ko rito ay ibibigay ko kay Bella. May kailangan siyang bayaran saka bibili na rin daw siya ng pregnancy test. Parang buntis daw siya, e.”
Napailing-iling na lang ako sa sinabi nito. Matagal ko na siyang binalaan na hinay-hinay din sa kanyang girlfriend. Ano siya ngayon? Masyado kasi silang marupok at sabik sa lahat ng bagay. Hindi nag-iisip kung anong pwedeng kalabasan ng ginagawa nila.
“Magkano ba ‘yan?”
“Kahit 2k na lang sa ‘yo, pare.”
Kinuha ko ang cellphone at tiningnan ito. Maayos pa ang lagay nito mula external at internal parts. Halatang bago rin ito at maganda pang klase. Hindi lang dalawang libo ang katumbas nito.
“Ang ayos pa nito, ah. Bakit ang mura ng benta mo? Teka. Nakaw ba ‘to?”
“Uy, hindi ah!” giit nito. “Napulot daw ‘yan ng pinsan ko. Halos dalawang linggo na raw ‘yan sa kaniya pero wala naman daw nagpaparamdam na may ari.”
“Sigurado ka? ‘Pag ako nito napahamak, patay ka sa akin!”
“Oo nga. Okay, sige. Ako pa mismo ang papatay sa sarili ko kapag may nangyaring masama.”
Dahil sa pamimilit ni Baron ay binili ko ito. Balak ko rin namang bumili ng bagong cellphone. Sumakto lang na inalok ako ni Baron nito pero at least ay nakatipid ako. Nakakasiguro rin akong tatagal ito kasi kilala ang brand nito na high quality.
Pag-uwi ko sa bahay ay agad kong kinalikot ang cellphone. May nakasalpak na memory card at isang SIM card. Inakala kong puno ng music, videos at pictures ang memory card pero wala akong nakita ni isa. Tiningnan ko rin ang saved contacts pero wala rin itong laman. Marahil nag-factory reset na sila nitong cellphone.
Nang balak ko nang tanggalin ang SIM card ay may biglang pumasok na text message. Kinabahan ako. Kung kailan naman nasa akin na ito ay saka naman may magpapadala ng message. Sa kuryusidad ko kung anong laman nito ay binasa ko.
From: 09********
Good evening, babe! Hindi ka na nagpaparamdam sa akin kaya may deal ako sayo. I'll keep sending you messages for 30 days and when I didn't get any response from you, I will stop pursuing you. This is your girlfriend, Kylie.
Received: 7:23PM
BẠN ĐANG ĐỌC
Game Changer
Teen FictionTroy Kieron Cardenal became antisocial because of an embarrassing experience he had in his elementary days, a reason why he's still single since birth. But, his normal life will suddenly change after buying a lost cellphone from his friend. For the...
