အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ

Chapter - 99

Unicode

တိတ်တခိုး ချစ်ရတဲ့သူ ရှိလား
________________________________

လဝက်ကြာပြီးနောက်

ဖုကျင်းရှောင်း 'အထီးကျန်မြို့'မှာ ပါဝင်မယ်ဆိုတာကို ပထမဆုံးသိလိုက်ရတဲ့အချိန် ရှန်ရှင်းဆွေ့ ထိတ်လန့်သွားရတော့တယ်။ လုံးဝမယုံနိုင်ဘူးလို့ ပြောရမလားပဲ။

အဲ့တာကြောင့် ဝမ်မိန်စန့် သူ့ကိုဖုန်းဆက်လာချိန်မှာ မျက်လုံးတွေပွတ်ပြီးတော့တောင် သူအိပ်မက်မက်နေတာ ဟုတ်မဟုတ် စမ်းသပ်ကြည့်လိုက်မိလေတယ်။ ဝမ်မိန်စန့် နောက်တစ်ခေါက် ထပ်ပြောလာတဲ့အထိပဲ "စာချုပ်တောင် ချုပ်ပြီးသွားကြပြီ"

ရှန်ရှင်းဆွေ့ အံ့အားသင့်စွာပြောလိုက်တယ် "ဖုလောင်ရှီး ဘာလို့ ဒီရိုက်ကူးရေးအဖွဲ့နဲ့ စာချုပ်ချုပ်လိုက်တာလဲ!"

သူ့ရိုက်ကူးရေးအဖွဲ့ကို သူငြိုငြင်တာမဟုတ်ပေမဲ့ သူ့အမြင်မှာတော့ ဒီရိုက်ကူးရေးအဖွဲ့က ဖုကျင်းရှောင်းလက်ခံဖူးတဲ့ ရိုက်ကူးရေးအဖွဲ့တွေနဲ့ဆိုရင် ဘာမှတောင်ယှဥ်စရာမရှိဘူး။

ဝမ်မိန်စန်း ကူရာမဲ့စွာပြောလိုက်တယ် "ဆွေ့ဆွေ့ မင်းတို့ရိုက်ကူးရေးအဖွဲ့က အမှန်ကိုထုတ်လုပ်မှု အသေးစားလေးဖြစ်ပေမဲ့ တကယ်လို့ ဖုကျင်းရှောင်းသာ တကယ်ထုတ်လုပ်မယ်ဆိုရင် ရိုက်ကူးရေးအဖွဲ့အသေးစားလေး ဖြစ်တော့မှာမဟုတ်ဘူး"

တကယ်လို့ ရုပ်ရှင်ဧကရာဇ်ဆိုတဲ့နာမည် ချိတ်ဆွဲထားတဲ့ဇာတ်ကားသာဆိုရင် ဒီဇာတ်ကားရဲ့ထုတ်လုပ်မှုက သေချာပေါက် ပိုပြီးအဆင့်မြင့်သွားမှာပဲ။

ဖုကျင်းရှောင်းကိုယ်တိုင်ကလည်း ပိုက်ဆံရှာဖို့အတွက်နဲ့ ဖန်ရဖို့အတွက်နဲ့ ဖြတ်လမ်းလိုက်မဲ့သူမဟုတ်ဘူး။ ရိုက်ကူးရေးအဖွဲ့ထဲဝင်မှတော့ ရင်းနှီးမြှုပ်နှံတယ်ဆိုတာက သေချာပေါက်လုပ်မဲ့ ကိစ္စတစ်ခုပဲပေါ့။ ဒီရိုက်ကူးရေးအဖွဲ့က အမှန်ကိုပဲမွဲတေလွန်းတယ်။ အလွန်လည်းသိသာလှတယ်။ ဒါပေမဲ့ နဂိုကတည်းက ရှန်မိသားစုရဲ့ရင်းနှီးမြှုပ်နှံမှုရရှိထားပြီး အခုလည်း ဖုမိသားစုက ရင်းနှီးမြှုပ်နှံပြန်တော့ ရိုက်ကူးရေးတစ်ဖွဲ့လုံးရဲ့ ထုတ်လုပ်ရေးက အောင်မြင်စွာနဲ့ သန်းဂဏန်းကျော်နေပြီဖြစ်တယ်။