အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ

Chapter - 64.1

Unicode

မူလစာမူအားပြန်လည်ရယူခြင်း
___________________________
ရှန်ရှင်းဆွေ့နဲ့အန်းရန် စကားပြောပြီးတဲ့နောက်မှာပဲ အန်းရန်ကမစောင့်နိုင်စွာနဲ့ ထွက်သွားခဲ့တယ်။

သူအန်းရန်အပေါ်ထားတဲ့ ဇာတ်လိုက်shou filterကလည်း ကွဲကြေသွားရတော့တယ်။ တကယ်တော့ အရင်ကတည်းက အန်းရန်ကသူဖော်ပြသလောက် မကြင်နာတတ်ဘူးဆိုတာ သူသိခဲ့ရတယ်။ အန်းရန်ကသူ့ကို တမင်ဖြစ်စေ မတော်တဆဖြစ်စေ အမြဲဒုက္ခပေးတတ်တယ်။ ရံဖန်ရံခါ ဖြစ်ပေါ်လာတတ်တဲ့ ရန်လိုမှုကလည်း ပြင်းထန်လွန်းလှတယ်။ ပြင်းထန်တာကဟိုးအမြင့်ဆုံးအဆင့်ထိတောင်ရောက်တတ်သေးတယ်။ သူ့လိုတုံးအလွန်းတဲ့သူတောင် ခံစားမိလောက်တဲ့အထိကို ပြင်းထန်လွန်းတာဖြစ်တယ်။

ဒါကပထမဆုံးအကြိမ် အန်းရန်နဲ့ပူးပေါင်းတာဖြစ်ပြီး သူ့စိတ်ထဲနည်းနည်းရှုပ်ထွေးနေမိတယ်။ သူအန်းရန်ကို အရမ်းကြီးယုံကြည်တာမျိုးမဟုတ်ဘူး။ အဲတာကြောင့် သူလှည့်ထွက်လာလိုက်တာနဲ့ ဟန်ထုန်းအဆောက်အဦရဲ့ စောင့်ကြည့်ရေးအခန်းကိုသွားလိုက်တယ်။ အားနည်းနည်းစိုက်ထုတ်လိုက်ရပြီးနောက် ဝန်ထမ်းလေးဆီကနေ ကော်ရစ်တာထက်ကvideoကိုရလာခဲ့တော့တယ်။ ဒီနေရာမှာCCTVတွေအများကြီးရှိတာကြောင့် သူတို့နှစ်ယောက်ကြားကပြောဆိုဆက်ဆံမှုကို အပြည့်အဝမှတ်တမ်းတင်ထားနိုင်လေတယ်။

အနည်းဆုံးတော့ ဒီလိုလုပ်ထားတာက နည်းနည်းကြိုတင်ကာကွယ်ရာရောက်တယ်မဟုတ်လား။

ဒါတွေအားလုံးလုပ်ပြီးသွားတဲ့နောက် ညနေတောင်ရောက်တော့မှာဖြစ်တယ်။ သူကော်ရစ်တာဆီပြန်သွားပြီး ဒါရိုက်တာကျန်းကျောင်းကို စောင့်နေလိုက်တော့တယ်။ ကံကောင်းတယ်လို့ပြောရမယ်။ တစ်နာရီလောက်ကြာပြီးနောက် ဝန်ထမ်းလေးကသူ့ကိုအသိပေးလာခဲ့တယ် "ထုတ်လုပ်သူပြန်လာပါပြီ မင်းဝင်လာခဲ့ပါ"

ရှန်ရှင်းဆွေ့ခေါင်းညိတ်လိုက်ပြီး "ဟုတ် ကျေးဇူးပါ"

ဒီကြားသာကြားဖူးပြီး တစ်ခါမှမတွေ့ဖူးတဲ့ ထုတ်လုပ်သူနဲ့ပတ်သက်လို့ ရှန်ရှင်းဆွေ့နည်းနည်းစူးစမ်းချင်မိလေတယ်။ ဝင်သွားပြီးနောက် ထိုင်ခုံပေါ်မှာထိုင်နေတဲ့လူတစ်ယောက်ကိုတွေ့လိုက်ရတယ်။ အမျိုးသားတစ်ယောက်ဖြစ်ပြီး ဦးထုပ်ကိုခပ်နိမ့်နိမ့်ဆောင်းထားတယ်။ cargo pantတစ်ထည်နဲ့ hoodie jacketတစ်ထည်ကို ဝတ်ဆင်ထားလေတယ်။ မုတ်ဆိတ်မွှေးရှည်တွေက မျက်နှာတစ်ဝက်လောက်ထိ ရှည်လျားနေလေတယ်။ သူကထိုင်ခုံပေါ်မှာမှေးနေတာဖြစ်တယ်။ ခြေထောက်ကိုလည်း ကော်ဖီစားပွဲပေါ်တင်ထားပြီး အမှန်တကယ်အိပ်ပျော်တော့မဲ့ပုံဖြစ်တယ်။