အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ

Chapter- 71.2

Unicode

သတို့သားလောင်းဖုကျင်းရှောင်း
________________________________

သူတို့အားလုံးမတိုင်ပင်ထားပါဘဲ စိတ်ထဲချဥ်စူးလာခဲ့ရတယ်။ တခြားကြောင့်တော့မဟုတ်ပါဘူး။ သူတို့လည်းလက်ဆောင်လိုချင်တယ်လေ ဟုတ်ပြီလား!

ရှန်ရှင်းဆွေ့က ကြင်နာတတ်လို့ တော်သေးတယ်ပြောရမယ်။ သူကနောက်ထပ်ဘူးတစ်ခုကို ယူလာခဲ့တယ်။ နောက်တော့ ရှန်ယုံးကိုကြည့်ပြီးပြောလိုက်တယ် "အဖေ ကျွန်တော်အဖေ့အတွက်လည်း လက်ဆောင်ဝယ်ခဲ့တယ်"

ရှန်ယုံးတစ်ချိန်လုံး ဂရုမထားတဲ့ပုံစံ ဟန်ဆောင်နေခဲ့တာဖြစ်တယ်။ အခုချိန်မှာ တူကိုချက်ချင်းချလိုက်ပြီး ပြောလာတယ် "ဟုတ်လား ကျေးဇူးပါဆွေ့ဆွေ့ တကယ်တော့ အဖေကအရမ်းကြီးလည်းမလိုအပ်ပါဘူး သားအထူးတလည်ကြီး ပိုက်ဆံသုံးစရာမလိုပါဘူး......"

ရှန်ရှင်းချန်ဆိုတဲ့လူမိုက်လေးက ပြောလာတယ် "ဆွေ့ဆွေ့ ပါပါးကမလိုဘူးဆိုမှတော့ ငါ့ကိုပေးလိုက်ပါလား?"

ရှန်ယုံးသူ့ကို အေးစက်စက်စိုက်ကြည့်လိုက်တယ်။

ရှန်ရှင်းဆွေ့ ကူရာမဲ့စွာပြုံးလိုက်မိတယ်။ သူလက်ဆောင်ကို အဖေ့ရှေ့ပို့ပေးလိုက်ပြီး သတိတကြီးနဲ့ "ဒါကကျွန်တော်ဝယ်လာခဲ့တဲ့နာရီပါ အရမ်းကြီးကောင်းတယ်လို့တော့ သတ်မှတ်လို့မရဘူး......"

အထဲမှာက အနက်ရောင်နဲ့ရွှေရောင်သုံးထားတဲ့ စိန်ခြယ်နာရီတစ်လုံး ထည့်ထားတာဖြစ်တယ်။

စျေးကလည်း ၁သောင်း၂သောင်းပတ်ဝန်းကျင်လောက်ရှိတယ်။ ဒါပေမဲ့ ပုံမှန်ရှန်ယုံးဝတ်နေကျ ၁၀မီလီယံနားကပ်နေတဲ့ customizedနာရီတွေနဲ့ယှဥ်ရင်တော့ အမှန်တကယ်ကို အရမ်းကောင်းတယ်လို့ သတ်မှတ်လို့မရဘူး။

ဒါပေမဲ့ ရှန်ယုံးက ချက်ချင်းယူလိုက်ပြီး အသံနိမ့်နိမ့်နဲ့ ပြောလိုက်တယ် "ကျေးဇူးပါ အဖေတကယ်ကြိုက်တယ်"

ရှန်ရှင်းဆွေ့က အဖေလက်ခံလိုက်တာကို မြင်တော့ ပျော်ရွှင်သွားပြီး "အဖေသဘောကျရင် အဆင်ပြေပါတယ်"

ရှန်ယုံးစမ်းဝတ်ကြည့်လိုက်ပြီး သူနှစ်တွေအကြာကြီးဝတ်လာခဲ့တဲ့နာရီကို တွေဝေမှုမရှိဘေးမှာချထားလိုက်တော့တယ်။ သူရှန်ရှင်းဆွေ့ပေးတဲ့လက်ဆောင်ကို ဝတ်ထားချင်တာဖြစ်တယ်။ ဘေးနားကရှန်ရှင်းဆွေ့က သူတစ်ယောက်တည်း ဝတ်ရတာအဆင်မပြေတာကိုမြင်တော့ ဦးစွာပြောလိုက်တယ် "ကျွန်တော်ကူဝတ်ပေးမယ်"