စာကြည့်တိုက်မှလွတ်မြောက်ခြင်း(ဘာသာပြန်)

Chapter 6 (နှလုံးသွေးကြောဆိုင်ရာလူနာဆောင် ၀၁) 『Volume 1: ဆေးပညာဌာန』

『Unicode』

Volume 1 : ဆေးပညာဌာန

Chapter 6 (နှလုံးသွေးကြောဆိုင်ရာလူနာဆောင် ၀၁)

'သုတေသနအဖွဲ့'ဟူသော စကားလုံးကို ယွဲ့ရှင်းဝမ် ရှင်းရှင်းလင်းလင်း မှတ်မိသည်။ System ကျူတာမှ 'ဝင်ခွင့်လိုအပ်ချက်များ'ကို ဖတ်သောအခါ "သင်တန်းအကဲဖြတ်ခြင်းမှ ရရှိသော အမှတ်များကို လေ့လာခြင်းဆိုင်ရာ စွမ်းရည်စာအုပ်များနှင့် လေ့လာခြင်းဆိုင်ရာ အသုံးအဆောင်ပစ္စည်းများအပါအဝင် စာကြည့်တိုက်ဒေတာဘေ့စ်တွင် သင်ကြားရေးပစ္စည်းများကို ဝယ်ယူရန်အတွက် အသုံးပြုနိုင်သည်။ သင်တန်းအောင်မြင်ရန် အခြားကျောင်းသားများနှင့် သုတေသနအဖွဲ့တစ်ခုဖွဲ့ရန်လည်း အသုံးပြုနိုင်သည်။"

ဆိုလိုသည်မှာ စာကြည့်တိုက် system သည် ကျောင်းသားများကို တစ်ချိန်လုံး တစ်ယောက်တည်း တိုက်ခိုက်ရန် ခွင့်မပြုထားဘဲ "သုတေသနအဖွဲ့" တည်ထောင်ကာ အခြားသူများနှင့် ပူးပေါင်းရန် အမှတ်များကို အသုံးပြုနိုင်သည်။

ကျန်းဖျင်စစ်၏ အဓိပ္ပါယ်မှာ သိသာထင်ရှားသည် - သူသည် အတူတူ သုတေသနအဖွဲ့တစ်ခုတည်‌ထောင်ရန် ယွဲ့ရှင်းဝမ်ကို စောင့်နေမည်ဖြစ်သည်။

ကျန်းဖျင်စစ်က သူထက်စော၍ စာကြည့်တိုက်ကို လာခဲ့သည်။ ကျန်းဖျင်စစ်သည် ဘယ်အထပ်ရောက်ပြီး ဘယ်ဌာနရောက်နေလဲ သူမသိပေ။ သူ့ကို တတ်နိုင်သမျှ အမြန်ဆုံး ရှာတွေ့ရန် ပိုကြိုးစားရမည်။ သည်အရာကိုတွေးတောရင်း ယွဲ့ရှင်းဝမ်က system ကျူတာကို ဆက်လက်မေးမြန်းသည်။
"သုတေသနအဖွဲ့တစ်ခု တည်ထောင်ဖို့ ဘယ်လိုအခြေအနေတွေရှိဖို့ လိုအပ်သလဲဆိုတာ မေးလို့ရမလား?"

System ကျူတာ: "စာကြည့်တိုက် ပထမထပ်ရှိ ဆေးပညာဌာနကို အောင်မြင်သွားရင် သုတေသနအဖွဲ့ရဲ့ လုပ်ဆောင်ချက်ကို သော့ဖွင့်မှာဖြစ်ပြီး အမှတ် ၁,၀၀၀ နဲ့ တည်ထောင်လို့ရပါတယ်..."

"အောင်မြင်တယ်ဆိုတာကို ဘယ်လိုသတ်မှတ်တာလဲ?"

"သင်က မသင်မနေရသင်တန်းတွေအားလုံးကို အောင်မြင်သွားရင် သင်စာမေးပွဲအောင်မြင်ပါလိမ့်မယ်... ဆေးပညာဌာနရဲ့ ဒုတိယမသင်မနေရသင်တန်းအတွက် စာမေးပွဲစတင်ပါတော့မယ်... ကျေးဇူးပြုပြီး ပြင်ဆင်ထားပါ..."