အိုးယန်ကျင်းယွဲ့က မျက်မှောင်ကြုတ်ကာ မေးပင့်လိုက်ပြီး “ယုံချင်ယုံ မယုံချင်နေ! ငါမင်းကို ကန်ချပစ်မှာနော်?”
ရှောင်ရှောင်ဖန်က သူ့ပါးကိုစူဖောင်းလိုက်ပြီး “မင်းက အရမ်းရက်စက်တာပဲ!”
အိုးယန်ကျင်းယွဲ့က အောင်ပွဲခံအပြုံးဖြင့် “နောက်ဆုံးတော့လဲ မင်းကြောက်တာပဲမဟုတ်လား?” ဟုပြောလိုက်သည်။
“သခင်မလေး.. ဒီမှာဘာလာလုပ်နေတာလဲ၊ ယာဉ်တန်းကို မြန်မြန်ပြန်သွားရအောင်..... ဒီမှာ မလုံခြုံဘူး” သက်လတ်ပိုင်းအရွယ် အမျိုးသမီးတစ်ဦးသည် အိုးယန်ကျင်းယွဲ့အား စကားပြောနေစဉ် ရှောင်ကျင့်ထျင်တို့အား ဂရုမစိုက်သလို တစ်ချက်ကြည့်လိုက်သည်။
ရှောင်ကျင့်ထျင်သည် သက်လတ်ပိုင်းအမျိုးသမီးကို ဘာသိဘာသာ ကြည့်လိုက်၏။ သက်လတ်ပိုင်းအမျိုးသမီးသည် ချီကျင့်ကြံဆင့် ဆဋ္ဌမအဆင့်ကျင့်ကြံသူဖြစ်သောကြောင့် သူနှင့် ရွှီမုရန်ကိုကြည့်လိုက်သောအခါတွင် သူမ၏မျက်လုံးများသည် အထင်အမြင်သေးမှုများ ပြည့်နှက်နေပြီး သူတို့မိသားစုသည် သူတို့အား စွန်းထင်းစေမည့် စက်ဆုပ်ဖွယ်အရာတစ်ခုဖြစ်နေသကဲ့သို့ပင်။
အိုးယန်ကျင်းယွဲ့က မျက်မှောင်ကြုတ်ပြီး “အရင်သွားနှင့်၊ ခဏနေပြီးမှ ပြန်လာခဲ့မယ်”
“သခင်မလေး.. မင်းက ငယ်သေးလို့ လှည့်စားရလွယ်တယ်” ရှောင်ကျင့်ထျင်ကိုကြည့်ရင်း သက်လတ်ပိုင်း အမျိုးသမီးသည် အလွန်စိုးရိမ်ရသော အမူအရာဖြင့် ပြောလိုက်သည်။
ရှောင်ကျင့်ထျင်က မျက်လုံးပြူးသွားသည်။ သူက လူလိမ်တစ်ယောက်ရုပ် ပေါက်နေလား? သူ၏ကမ္ဘာမှာ ရှိခဲ့တုန်းက သူဟာ အကျင့်စာရိတ္တ၊ ဉာဏ်ရည်ဉာဏ်သွေး၊ ကိုယ်လုံးကိုယ်ပေါက်နဲ့ ရုပ်ရည် ဘက်စုံကောင်းမွန်သော ကျောင်းသားကောင်းတစ်ယောက်ပင်။ သူသည် ဖြောင့်မတ်သူတစ်ဦးဖြစ်ပါ၏!
အိုးယန်ကျင်းယွဲ့ အနည်းငယ် စိတ်မရှည်ဖြစ်လာသည်။
“အဒေါ်ယွီ.... ငါက အသက်ကြီးနေပြီ။ လွယ်လွယ်နဲ့ လှည့်စားခံရမှာ မဟုတ်ဘူး”
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
Chapter 100: Meet an acquaintance
Start from the beginning