ဝိညာဥ်​ရေးရာအပင် ဆရာသခင်အဖြစ် ကူး​ပြောင်းလာခြင်း

Chapter 89: Discover the drug garden

Unicode

မီးခိုးရောင်ချိုးငှက်ခြောက်ကောင်တွင် နှစ်​ကောင်သည် ချီကျင့်ကြံမှု၏အဆင့်၆တွင် ရှိနေသည်။ ကော​ဟောင့်က ထို​နှစ်​ကောင်လုံးကို ရှောင်ကျင့်ထျင်နှင့် ရှောင်ကျင်းဖုန်းတို့ဆီသို့ ဆွဲသွင်းဖို့ စိတ်ထဲတွင်မှတ်ထားပြီးသားဖြစ်သည်။

ရှောင်ကျင့်ထျင်သည် ဝိညာဉ်မျှော်စင်ကိုပစ်လိုက်ပြီး ၎င်းအောက်ရှိ ဆဋ္ဌမအဆင့် မီးခိုးရောင်ချိုးငှက်ကိုဖုံးအုပ်ပြီး ရှောင်ကျင်းဖုန်းနှင့်ပူးပေါင်းကာ အခြားသော ချီကျင့်ကြံမှုဆဋ္ဌမအဆင့်ရှိ မီးခိုးရောင်ချိုးငှက်ကို ကိုင်တွယ်ရန်ပြုလုပ်လိုက်သည်။

ဆဋ္ဌမအဆင့် မီးခိုးရောင်ချိုးငှက်တစ်ကောင်သေဆုံးပြီး နောက်တစ်ကောင်မှာပိတ်မိနေသဖြင့် ကျန်သည့်မီးခိုးရောင်ချိုးငှက်များကို စိုးရိမ်စရာမရှိတော့​​ပေ။

ရှောင်ကျင့်ထျင်တို့ဖက်က တိုက်ပွဲကိုသပ်သပ်ရပ်ရပ် ဖြေရှင်းနေသည်ကို​တွေ့​သောအခါ ကော​ဟောင့်က အနည်းငယ်အကူအညီမဲ့သွားသလို ခံစားလိုက်ရသည်။

ကော​ဟောင့်က ရှောင်ညီအကိုနှစ်ယောက် ချိုးဖြူငှက်ကို တိုက်ခိုက်ရာမှာ ထိခိုက်ဒဏ်ရာရခဲ့လျှင် သူတို့နှစ်ယောက်နှင့်သူလုပ်ထားသည့် သဘောတူညီချက်ကို လိုက်နာဖို့မလိုသလို ရှီးဝူးပန်းကိုလည်း သူတို့ကြားထဲမှာ မျှဝေပေးစရာမလိုတော့ဟု ကော​ဟောင့်က မူလကထင်ထားခဲ့သည်။

ရှောင်ကျင့်ထျင်၏ ဝိညာဥ်​ရေး​မျှော်စင်သည် ဆဋ္ဌမအဆင့် မီးခိုးရောင်ချိုးငှက်ကိုဖမ်းမိနိုင်သည်အထိ အလွန်အစွမ်းထက်မည်ဟု သူမမျှော်လင့်ထားခဲ့ပေ။ ရှောင်ကျင့်ထျင်သည် အမှန်တကယ် ချမ်းသာပြီးရက်​ရောကာ အချိန်မကုန်ဘဲ ချိုးငှက်ကို ချက်ခြင်းသတ်နိုင်ပြီး အ​ဆောင်ပစ္စည်းများစွာကို အသုံးပြုနိုင်သည်အထိ ချမ်းသာကြွယ်ဝသူဖြစ်နေသည်။

ရှောင်ကျင့်ထျင်သည် ဝိညာဥ်​ရေး​မျှော်စင်ကို ငွေအမြောက်အမြားဖြင့် ဝယ်ယူခဲ့ကြောင်း ကော​ဟောင့်သည်အရင်ထဲက ကြားသိခဲ့ရသည်။ ကော​ဟောင့်က ဤဝိညာဥ်​​ရေး​မျှော်စင်သည် လယ်လုပ်ငန်းအတွက် ကောင်းမွန်သည်ဟုသာ ကြားသိရသော်လည်း ၎င်းကနတ်ဆိုးသားရဲများကို ထောင်ချောက်ဆင်ရန်လည်း အသုံးပြုနိုင်မည်ဟု မထင်ထားခဲ့ပေ။