Unicode
ညနေပိုင်းတွင် ရှောင်ကျင့်ထျင်၏မိသားစုသည် အတူတကွ ထမင်းစားသောက်နေကြသည်။
" သူ့ကိုခိုင်းတဲ့သူက ငါ့ဇနီးနဲ့သားသမီးတွေကွဲကွာနေပြီး လမ်းပေါ်ရောက်နေသရွေ့ ဝမ်အာ့ဟူကို ငွေငါးရာပေးမယ်လို့ ပြောခဲ့တယ်၊ ဟုတ်လား? " ရှောင်ကျင့်ထျင်က မေးလိုက်သည်။ ဝမ်အာ့ဟူသည် မူလပိုင်ရှင်၏ ပတ်ပတ်လည်တွင် အဘယ်ကြောင့် အလွန်တက်ကြွစွာနေသနည်းဆိုသည်ကို ယခုသူနားလည်လာသည်။ မူလပိုင်ရှင်သည် အလွယ်တကူလိမ်လည်လှည့်ဖြားခံရပြီး ထိုကဲ့သို့သော အကြံအစည်ရှိသူကို ၎င်း၏သူငယ်ချင်းအဖြစ် ယူဆထားခဲ့သည်။
ရွှီမုရန်က ခေါင်းညိတ်ပြီး " ဟုတ်တယ်၊ ဒါက ဝမ်အာ့ဟူပြောလိုက်တာ "
ရှောင်ကျင့်ထျင်က မျက်နှာကိုပွတ်ဆွဲလိုက်ကာ သွားများကိုအံကြိတ်လိုက်ပြီး ပြော၏ " ဒီကမ္ဘာပေါ်မှာ ဘယ်သူကမြင့်မြတ်တဲ့သူလဲ?! အရမ်းရက်စက်တာပဲ.... "
ရှောင်ကျင့်ထျင်က သူ့ကိုဆွဲချဖို့ ခက်ခက်ခဲခဲကြိုးစားနေသည့် လူများစွာကိုစိတ်ထဲတွင် မျက်စောင်းထိုးလိုက်ပြီး မူလပိုင်ရှင်ရဲ့ရန်လိုမှုမရှိတဲ့အတွက်ကြောင့် မူလပိုင်ရှင်ဟာ အလွန်နိမ့်ကျသွားတာ အံ့သြစရာတော့မဟုတ်ပါဘူး။
" သူက ဘယ်သူလဲဆိုတာ ပြောခဲ့သေးလား။ " ရှောင်ကျင့်ထျင်က မေးသည်။
" မပြောဘူး၊ သူ့ကိုခိုင်းတဲ့သူက အရမ်းလျှို့ဝှက်ဆန်းကြယ်ပြီး သူ့ရဲ့အထောက်အထားကို မပြောခဲ့ဘူးလို့ သူကပြောတယ်။ ဒါပေမယ့် သူ့ကိုခိုင်းတဲ့သူက သူ့အတွက်ကျောက်စိမ်းဆွဲသီးပေးခဲ့ပြီး သူ့တာဝန်ပြီးတဲ့အခါ သူ့ဆီ ယူသွားပေးဖို့ပြောခဲ့တယ်။ " ရွှီမုရန်သည် ကျောက်စိမ်းဆွဲသီးကို ထုတ်ကာ ရှောင်ကျင့်ထျင်အား ပေးလိုက်သည်။
" ငါကြည့်ပါရစေဦး။ " ရှောင်ကျင်းဖုန်းကပြောသည်။
ရှောင်ကျင့်ထျင်က သူ့စကားကြားတော့ ကျောက်စိမ်းဆွဲသီးကို ရှောင်ကျင်းဖုန်းကို ပေးလိုက်သည်။ ရှောင်ကျင်းဖုန်းသည် ကျောက်စိမ်းဆွဲသီးကို ကြည့်လိုက်ပြီး သူ့မျက်လုံးများတွင် ဒေါသတွေတဟုန်းဟုန်းတောက်လောင်လာပြီး " ဒါဟာ စွင်းမိသားစုက စွင်းဟောင်ရဲ့ ကျောက်စိမ်းတုံးဖြစ်နိုင်တယ် "
YOU ARE READING
ဝိညာဥ်ရေးရာအပင် ဆရာသခင်အဖြစ် ကူးပြောင်းလာခြင်း
SpiritualBoth Unicode and Zawgyi are available! Title - 穿越之灵植师 Author - Ye Yiluo (叶忆落) Type - Web Novel (CN) Status in COO - 397 chapters (Complete) Original publisher - LC Read Genre - Action, Adventure, Mature, Romance, Shounen Ai, Xianxia I do not own a...
