"ချန်ယုံးယေး ဝသေးပူး
ယူဦးမယ် !"
နေ့လည်စာကျွေးပြီး တစ်ရေးနိုးတော့ ညနေစောင်း၄နာရီပင်ရှိနေပြီ...။ ဆောင်းရာသီမို့ စောစောထမင်းကျွေးရတယ်...။ မဟုတ်ရင် ရင်ပြည့်ပြီး ကလေးနေမကောင်းဖြစ်မှာလည်း စိတ်ပူရသေးသည်...။
"ဝသေးပါဘူးချိုနေမှပဲ !"
ဒီကလေးတော်တော် စကားတတ်လာတယ်...။ အရင်က ဘယ်နှစ်ခါများ ထယ်ယောင်းကိုပြန်ပြောဖူးလို့လဲ...။ အထွန့်တက်လာတာကြည့်ပါလား...။ အဲ့ဒါ သူ့ပါပါးကြောင့်...။
"ဆန်လုံးလေး!!! စကားနားမထောင်ရင် ဖေဖေရိုက်မှာနော်"
"အဟင့်~~ပါး !"
တွေ့လား... ထစ်ကနဲရှိတာနဲ့ သူ့ပါပါးကို အားကိုးတတ်နေပြီ...။ မဆံ့မပြဲစားပြီး ဝတိုနေလို့ဂျွန်က ကလေးကိုအလိုမလိုက်ဖို့ပြောထားတာ...။ သနားလို့ထပ်ကျွေးမိရင် ကိုယ်ပဲအပြောခံရတာ...။ ပြီးရင်သူ့သားက ထယ်ယောင်းစကားဆို နားမထောင်ချင်တော့ဘူး...။
"ဒီတစ်ခါနောက်ဆုံးနော်
နောက်ထပ်မယူရတော့ဘူး"
မကျွေးမချင်းကိုပူဆာနေတော့မှာ...။ အပြင်စာတွေကျတော့လည်း ကျန်းမာရေးနဲ့ မညီညွတ်မှာကြောက်လို့ မကျွေးဖြစ်ဘူး...။ အဲ့ဒါကြောင့် သားက ထမင်းကိုပိုပြီးခုန်မင်တာ...။
"ပါး !"
"ဘယ်သူ့ကိုလိုက်ခေါ်နေတာလဲ
မရှိဘူး ပါပါးကအလုပ်သွားတယ်"
"ပါး~~ချီ ~~ချီ !"
အတင်းချီခိုင်းနေတဲ့သားရဲ့အသံကြောင့် ဖျော်လက်စအာဟာရမှုန့်ကို ဘေးချကာ နောက်လှည့်ကြည့်တော့ ကုမ္မဏီမှပြန်ရောက်လာပြီဖြစ်တဲ့ ဂျွန်ရယ်ပါ...။
"သားကမံမံစားနေတာကိုး
ပါပါးက သားအတွက်ရေခဲမုန့်ဝယ်လာတာ"
ဂျွန့်လက်ထဲကိုင်ထားတဲ့ ပန်းစည်းလေးကို ထယ်ယောင်းငေးကြည့်နေခဲ့မိသည်...။ ဒါက ဘယ်သူ့အတွက်လဲတော့မသိ...။ ထယ်ယောင်းအတွက်လို့ တထစ်ချမယုံကြည်ထားပါ...။ ဂျွန်က ဘယ်တုန်းကနူးညံ့ဖူးလို့လဲ...။ ရန်ဖြစ်ရင်တောင် ကိုယ့်ဘက်ကနေ အမြဲစခေါ်နေရတာ...။
"ယေထဲမုန့် ချားမယ် !"
"မစားရပါဘူး ! သားအတွက်ဖေဖေဒီမှာ အာဟာရမှုန့်ဖျော်ပြီးပြီ"
YOU ARE READING
~~STRING~~ (Completed)
Romanceအိမ်ထောင်တစ်ခုထူထောင်ရတယ်ဆိုတာ နိုင်ငံလေးတစ်နိုင်ငံကို ထူထောင်ရတာနဲ့တူတယ်~~ ယုံကြည်မှုဆိုတဲ့ ကော်လေးနဲ့ကပ်ထားနိုင်မှ အဲ့ဒီအိမ်ထောင်ရေးက ခိုင်မြဲတာတဲ့~~ အတွေ့တွေ အငွေ့တွေဆိုတာ နေရောင်လာရင် ပျောက်တဲ့နှင်းလိုပါပဲ~~ တကယ်တမ်းစစ်မှန်တဲ့ ခိုင်မြဲမှုဆိုတာ မ...
Part - 24
Start from the beginning
