(Unicode)
"အင့်~~အင့်~~ဟင့်"
သားအိပ်ပျော်နေတုန်းအောက်ထပ်ဆင်းပြီး နို့ဘူးသွားဖျော်မိတာ အခန်းထဲပြန်ရောက်တော့ သားဟာ ကုတင်ထက်ပက်လက်လေးအိပ်လျှက် တအင့်အင့်နဲ့ အီနေပြန်တယ်...။
"တိတ်ပါသားရယ်~~တိတ်ပါကွယ်"
ကုတင်ဘေးတွင်တစောင်းထိုင်ကာ သားကိုပွေ့ချီလိုက်တော့ ကိုယ်တွေပူနေတာခြစ်ခြစ်တောက်...။ မနေ့ကရေချိုးနောက်ကျသွားလို့ အအေးပတ်ပြီး ဖျားသွားပုံပင်...။
တစ်နှစ်ခွဲအရွယ်နုနုနယ်နယ်လေးမို့ အစစအရာရာလိုက်ဂရုစိုက်နေရသည်...။ တော်ရုံငိုခဲသည့်ကလေးဟာ ထယ်ယောင်းလက်ပေါ်မှာ တအင့်အင့်နဲ့ရှိုက်ကာ အီနေရှာသည်...။ ပါးအိအိဖောင်းဖောင်းလေးနှစ်ဖက်ဟာလည်း အဖျားငွေ့ကြောင့် နီရဲတွတ်လို့နေပြန်တယ်...။ မျက်လုံးပြာလေးတွေဟာ သူ့အဖေနဲ့တူလို့ထင်ပါရဲ့... ငိုထားတာတောင်နီရဲမသွားပဲ အရည်လဲ့ကာ ကြည်တောက်နေသည့် ဖန်ဂေါ်လီလုံးလေးလိုပင်...။
"ဖေဖေ့ကလေးလေးရယ် တိတ်ပါကွယ်
ချိုချိုစို့မယ်လေ~~သားလေး"
မိခင်နို့မဝခဲ့တဲ့ကလေးဆိုပေမယ့် အစစအရာရာ လိုက်ဂရုစိုက်ပေးတဲ့ထယ်ယောင်းကြောင့် သားဟာ ဝဝကစ်ကစ်နဲ့လုံးလုံးလေးဖြစ်၏...။ နို့ဘူးလေးအား ပါးစပ်နားတေ့ပေးသော်လည်း အတင်းရုန်းကန်ကာ အီပဲအီနေသည်...။
"အင့်~~အင့်~~"
ချော့မော့ပြီးဆေးတိုက်ဖို့ကလည်း အစာမဝင်ထားတာကြောင့်ဘယ်လိုမှလုပ်လို့မရ...။ အငိုမတိတ်တာကြောင့် သားအားပွေ့ချီကာ ကျောပြင်လေးကိုသပ်ချပေးရင်း ချော့ရပြန်သည်။
*ဒေါက်~~ဒေါက်~~ဒေါက်*
အပြင်ကနေတံခါးခေါက်သံကြားတာကြောင့် သားအားချီထားလျှက်ဖြင့် တွန်းကာဖွင့်ပေးတော့ အိမ်ကအသစ်ခေါ်ထားတဲ့အကူကောင်မလေးပင်...။
" ဘာကိစ္စရှိလို့လဲညီမလေး...??"
ကိုယ့်ညီမအရွယ်လေးမို့ ညီမလေးလို့ခေါ်လိုက်တော့ ကလေးမလေးက လန့်လို့တုန်တက်သွားသည့်ဟန်ဖြင့် သူ့ကိုကြောင်ကြည့်ကာ စကားပြောပုံက ထစ်နေလေသည်။
YOU ARE READING
~~STRING~~ (Completed)
Romanceအိမ်ထောင်တစ်ခုထူထောင်ရတယ်ဆိုတာ နိုင်ငံလေးတစ်နိုင်ငံကို ထူထောင်ရတာနဲ့တူတယ်~~ ယုံကြည်မှုဆိုတဲ့ ကော်လေးနဲ့ကပ်ထားနိုင်မှ အဲ့ဒီအိမ်ထောင်ရေးက ခိုင်မြဲတာတဲ့~~ အတွေ့တွေ အငွေ့တွေဆိုတာ နေရောင်လာရင် ပျောက်တဲ့နှင်းလိုပါပဲ~~ တကယ်တမ်းစစ်မှန်တဲ့ ခိုင်မြဲမှုဆိုတာ မ...
