"ဘာလဲဟာ~~ညစ်နေရတဲ့ကြားထဲ"
"ညစ်မှာပေါ့... သူများသားသမီးကိုယူပြီး စိတ်ညစ်အောင် အတင်းအနိုင်ကျင့်ခဲ့တာကိုး"
"မဟုတ်ပါဘူး ဂျူယောင်းကလဲ... ဂျောင်ကုက ယောကျ်ားနဲ့အချစ်စမ်းတာ လွန်သွားတာ... အဲ့ဒါဟိုက သူ့ကိုဘာပြောလိုက်လဲမှမသိတာ... အဲဒါနဲ့မခံနိုင်တော့စိတ်ဆိုးပြီး အိမ်ပေါ်ကဆင်းလာတာ... ဟုတ်တယ်မလား သူငယ်ချင်းလေး...??"
"ဘာ~~ !!"
နမ်ဂျွန်းကတော့ မီးသွားမွှေးပြန်ပြီ...။ အစထဲက အရှိန်မပြေသေးပါဘူးဆို မီးသွားပြတော့ လောင်ပြီပေါ့...။ဒုက္ခပါပဲ ကိုယ်မနိုင်လို့စစ်ကူခေါ်မှ တစ်တိုင်းပြည်လုံးပြာကျမယ့်အဖြစ်...။
"မင်းစကားကိုကြည့်ပြောနော်နမ်ဂျွန်း... ငါကသူ့ကိုစိတ်ဆိုးတာနဲ့ပဲ အိမ်ပေါ်ကဆင်းစရာလား... ငါ့အိမ်ငါဘယ်ချိန်ပြန်ပြန် ပြန်လို့ရတယ်... သူ့မျက်နှာကိုမမြင်ချင်လို့ တမင်နေနေတာ"
"အဲ့မှာထဲကကို စမှားနေတာဂျောင်ကု... နင့်ဘက်က အဲ့လိုစိတ်တွေးပေမယ့် တစ်ဖက်လူရဲ့သဘောထားကိုလဲတွေးပေးဦးမှပေါ့... နင်ပြန်မလာတော့ သူဘယ်လောက်စိတ်ပူနေလိမ့်မလဲ... ဘယ်သွားမယ်လို့လဲ မပြောတဲ့အပြင် နင်ရှိတဲ့နေရာကိုလဲ သူသိမှာမဟုတ်ဘူး... ပြီးတော့ကလေးလေးကလဲ ရှိသေးတယ်လေ... အဲ့ဒါရော ထည့်စဉ်းစားမိရဲ့လား...??"
"ဟုတ်တယ်... ငါတို့ပြောချင်နေတာအဲ့ဒါပဲ"
ဂျူယောင်းရဲ့စကားကို ပြိုင်တူထောက်ခံကြတဲ့နှစ်ကောင်ကြောင့် ဂျောင်ကုလည်း တစ်ချက်တွေဝေသွားရသည်...။ အစကတော့ကိုယ့်အတ္တကိုယ် ရှေ့တန်းတင်ပြီး တစ်ပတ်လောက်ထိ နေဖို့စဉ်းစားထားတာ...။ ကိုယ်တစ်ညလေး အိမ်ပြန်မအိပ်တာတောင် သူ့မှာပြန်ရောက်တာနဲ့ ကိုယ့်ကိုငိုယိုပြီး ချော့ရှာတာလေ...။
ထိုခဏမှာပဲ သူပြောဖူးတဲ့စကားလေးကို နားထဲပြန်ကြားလာမိသည်...။ သားကိုချစ်ရင် အိမ်ပြန်နောက်ကျလဲပြန်လာပါ... သူဒီရပ်ကွက်ထဲနေတာ မကြာသေးတော့ တစ်ယောက်တည်းမနေတတ်ပါဘူးတဲ့လေ...။ အခုရော နှစ်ရက်ဆက်တိုက်ပြန်မလာတော့ သူစိုးရိမ်နေမလား...။ သားကရော ဂျောင်ကုကိုမတွေ့လို့ ငိုနေလေမလား...။
ESTÁS LEYENDO
~~STRING~~ (Completed)
Romanceအိမ်ထောင်တစ်ခုထူထောင်ရတယ်ဆိုတာ နိုင်ငံလေးတစ်နိုင်ငံကို ထူထောင်ရတာနဲ့တူတယ်~~ ယုံကြည်မှုဆိုတဲ့ ကော်လေးနဲ့ကပ်ထားနိုင်မှ အဲ့ဒီအိမ်ထောင်ရေးက ခိုင်မြဲတာတဲ့~~ အတွေ့တွေ အငွေ့တွေဆိုတာ နေရောင်လာရင် ပျောက်တဲ့နှင်းလိုပါပဲ~~ တကယ်တမ်းစစ်မှန်တဲ့ ခိုင်မြဲမှုဆိုတာ မ...
Part - 20
Comenzar desde el principio
