"ကျုပ်မေးစရာရှိတယ်"
"မေးလေ ဂျွန်... ဘာမေးမလို့လဲ"
သူကတော့အေးအေးလူလူပါပဲ...။ မအေးချမ်းနိုင်သည်က ဂျောင်ကုပင်...။ အသားချင်းပင်မထိပါဘူးဟု ကြွေးကြော်ထားပြီးမှ ကုတင်ပေါ်ဆွဲတင်ပြီး လုပ်ချင်ရာလုပ်တယ်ဆိုပြီး တမျိုးထင်သွားရင်တော့ဒုက္ခပါပဲ...။
"ညက... ညက ခင်ဗျားနဲ့ကျူပ် ဘာတွေဖြစ်ခဲ့ကြသေးလဲ... ကျုပ် ခင်ဗျားကို ဘာတွေလုပ်မိလိုက်သေးလဲ"
ကိုယ့်ဘက်ကနေသွယ်ဝိုက်မနေပဲ မေးချလိုက်တော့ သူကအနည်းငယ် အိုးတို့အန်းတန်းဖြစ်သွားရသည်...။ ဂျောင်ကုကိုမကြည့်တော့ပါပဲ breakfast ဝိုင်းထဲဝင်ထိုင်ပြီး အသံတိတ်နေပြန်သည်...။
"မေးနေတယ်လေ...!! ဘာတွေဖြစ်ခဲ့ကြသေးလဲလို့"
စိတ်မရှည်လို့အော်ထည့်လိုက်တော့ သူ့ကိုယ်လေး တစ်ချက်တုန်တက်သွားတာကို ဂျောင်ကုမြင်လိုက်ရတယ်...။
"ဂျွန် တကယ်မမှတ်မိဘူးပေါ့"
"မမှတ်မိလို့ ခင်ဗျားကိုမေးနေတာလေ... အမှားတွေလုပ်ထားမိရင်လည်း တောင်းပန်စရာရှိတာတောင်းပန်ရအောင်... ပြီးတော့မှားခဲ့ရင်တောင် ယောကျာ်းလေးချင်း...."
"တော်တော့ ဂျွန်...!! ဂျွန့်ဘက်က တောင်းပန်စရာမလိုပါဘူး... ကိုယ်တို့ ဘာမှမလွန်ကျူးခဲ့ကြတဲ့အတွက် စိတ်အေးလက်အေးသာနေပါ... အနည်းဆုံးဖြစ်ခဲ့ကြရင်တောင် ကိုယ့်မှာငြင်းပိုင်ခွင့်မရှိဘူး... ဘာဖြစ်လို့လဲဆိုရင် ကိုယ်တို့လက်ထပ်ထားကြတာမို့လို့... ၆လသာပေါင်းသင်းရတယ်ဆိုပေမယ့် ဒီ၆လအတွင်း ဂျွန် ကိုယ့်ကိုပိုင်တယ်"
အနည်းငယ်အဖျားခတ်တုန်ယင်သွားတဲ့ သူ့အသံကြောင့် မျက်နှာကိုအကဲခတ်မိတော့ မျက်ရည်တွေဝဲလျှက်...။သူ့နှုတ်ကနေကိုယ်တိုင် သူဟာကိုယ့်အပိုင်ပါလို့ပြောလိုက်တဲ့ချိန် ရင်ထဲလှိုင်းကလေးတစ်ခု ဖျတ်ကနဲ...။
"ဆောရီး!!!"
တစ်ခွန်းတည်းပြောပြီး လှည့်ထွက်ခဲ့ပေမယ့် သူက ခုံပေါ်ကထလာကာ ကိုယ့်လက်ကိုလာဆွဲပြန်တယ်...။
"မနက်စာစားသွားလေ ဂျွန်... မနေ့ကလဲ အစာဝင်ထားတာမဟုတ်ဘူး... ခေါင်းတွေကိုက်နေတယ်ဆို"
YOU ARE READING
~~STRING~~ (Completed)
Romanceအိမ်ထောင်တစ်ခုထူထောင်ရတယ်ဆိုတာ နိုင်ငံလေးတစ်နိုင်ငံကို ထူထောင်ရတာနဲ့တူတယ်~~ ယုံကြည်မှုဆိုတဲ့ ကော်လေးနဲ့ကပ်ထားနိုင်မှ အဲ့ဒီအိမ်ထောင်ရေးက ခိုင်မြဲတာတဲ့~~ အတွေ့တွေ အငွေ့တွေဆိုတာ နေရောင်လာရင် ပျောက်တဲ့နှင်းလိုပါပဲ~~ တကယ်တမ်းစစ်မှန်တဲ့ ခိုင်မြဲမှုဆိုတာ မ...
Part - 9
Start from the beginning
